Breytingar á Pajero

Sælir félagar.

Það vill svo skemmtilega til að ég þekki vel til breytinga á Pajero…..

Legg til að menn skoði flottasta Pajeróinn í flotanum og þá er ég að tala um bílinn hans Jóa. Jói er með síma 565 7357 og finnst ekki leiðinlegt að sýna gripinn….

Það er með ólíkindum hvað "kallinn" er pjattaður og ekki hægt að sjá á bílnum að hann sé rúmlega tveggja ára og búið að aka gripnum yfir 80.000 km, bæði prívat og með ferðamenn.

Synd að ekki er búið að breyta einum einasta Pajeró með nýja laginu… Auðvitað er það áhugaleysi hjá eigendum Heklu að vera ekki fyrir löngu búnir að drífa í því. Það er sko bíll sem er alvöru kraft, flotta fjöðrun, skemmtilega skiptingu og fl… Bara spurning hvernig helvítis hosurnar að aftan þoli krapa.. Þó er kominn einn á 35 tommur, asskoti huggulegur.

Væntanlega er sá fyrsti sem gerir þessa breytingu enn að bíða eftir því að einvhver annar ríði á vaðið, því ætíð er erfiðast og dýrast að standa fyrir slíku.

Þó veit ég að Jói félagi minn iðar í skinninu og þá er bara spurning að einhver okkar hinna fari og bjóði í þann "gamla", svo hann eignist aur….

Varðadi strákana í Heklu, þá eru þeir fínir og margir eru á breyttum Pajeróum og L-200.

kv,

Palli

Sæll Gressi.

Mér yfirsást Ps-ið til mín og svaraði því ekki strax.

Í fyrsta lagi vil ég segja að ég er mjög glaður fyrir þína hönd vegna þess hvað þú ert ánægður með bílinn þinn. Það er alveg rétt hjá þér að tegund skiptir engu máli svo lengi sem maður er að fá það sem maður vill og er ánægður sjálfur. Það er hins vegar mjög mismunandi hvað þarf mikið til að menn verði ánægðir (mismunandi kröfur).

Í öðru lagi vil ég benda þér á að framar á þessum þræði var umræða á milli okkar Jóa um samanburð á breytingum á LC 90 og Pajero, m.a. verðsamanburð. Þar var verið að bera saman ólíka hluti, þótt báðir bílarnir ættu að vera "38 breyttir. Það eru alls ekki sömu hlutir í "grunnverði" á "38 breytingu á LC 90 og Pajero og því alls ekki raunhæft að bera það saman án þess að gerð sé grein fyrir því í hverju munurinn felst (t.d. hlutföll og hásingafærsla).

Í þriðja lagi ertu sjálfur á sömu villigötum þegar þú talar um hásingafærslu á LC 90. Þar er aftur verið að bera saman epli og appelsínur. Þú getur alveg breytt LC 90 á "38 án þess að færa afturhásinguna, rétt eins og þú gerðir sjálfur þegar þú breyttir þínum bíl. Þá ertu einfaldlega bara ekki með eins góða breytingu! Það er óvart ástæða fyrir því að menn færa þessar hásingar aftur (alls ekki bundið við eina tegund). Menn eru að stórbæta fjöðrunareiginleika bílanna með þessu, þeir hætta að steypa stömpum og fara í staðinn að "jafnfjaðra" þannig að þægindi og yfirferð á ósléttu undirlagi aukast að mun (það er m.a. þessvegna sem við á LC 90 stingum alla aðra af þegar við erum á ósléttu 😉 Hins vegar væri breyting á LC 90 miklu ódýrari ef hásingafærslunni væri sleppt eða bara fært um 4 cm eins og á Pajero, en þá ertu einfaldlega ekki með jafn skemmtilegan bíl.

Í fjórða lagi er gaman að rifja upp umræðu sem alltaf fer í gang þegar koma nýjar tegundir sem ekki fást drifhlutföll í: Menn halda því fram að "þetta sé ekkert mál, það virðist bara ekki þurfa hlutföll í þennan bíl…", Svona var þetta með Patrol á sínum tíma, Isuzu og fleiri bíla. Menn héldu því kinnroðalaust fram að þetta væri bara hreinasti óþarfi meðan þetta fékkst ekki. Menn ruku samt allir til þegar hlutföllin komu og keyptu þau, enda breytingunni á bílnum auðvitað ekki lokið fyrr en búið að að drifa bílinn rétt. Menn steikja kúplingar og drífa bara alls ekki það sama í þungu færi hlutfallalausir. Fyrir suma skiptir það engu máli, þeir ferðast bara við toppaðstæður þegar hægt væri að fara um allt á Subaru. En eins og þú sagðir sjálfur, það sem máli skiptir er að eigandinn sé sjálfur sáttur og ánægður með sinn bíl, burtséð frá því hvað hann heitir eða hvernig honum var breytt. Um það erum við algerlega sammála.

Gleðilegt sumar.

BÞV

Það væri sannarlega gaman að sjá nýjan "38 pajero. Skrítið að enginn skuli hafa þorað…

Já, er ekki Aron rétti maðurinn til að ríða á vaðið? Það þarf alvöru menn til að byrja á svona dæmi.

Já gleðilegt sumar, þú varst ekki heima í gær þegar ég ætlaði að mæta í kaffi. Iss, fékk bara skúffuköku hjá Grétari og Guffu í staðinn…

BÞV

Sá nýi yrði vafalaust djöfull flottur á 38".

En annars vitið þið hvort að það sé hægt að fá lægri hlutföll í ’91 módelið af pajero dísel.

kveðja Biering