Breytingar

Ef bíllinn er á orginal hlutföllum held ég það sé eitthvað sem vert er að breyta sem fyrst og ef þú ert að rífa í sundur drifin á annað borð væri auðvitað snjallt að setja læsingar í þær í leiðinni, allavega ef buddan mögulega leyfir. En þetta er auðvitað dýrasti pakkinn af því sem þig vantar. CB stöðvar er hægt að fá ódýrt og alveg nauðsynlegt að geta talað saman á milli bíla. Hörðustu VHF karlarnir segja að vísu að menn eigi bara að hafa VHF og sleppa CB en enn sem komið er fara samskiptin milli bíla í flestum hópum fram á CB. Að því gefnu að þú sért að ferðast með mönnum sem hafa GPS og NMT geturðu alveg frestað kaupum á slíku. Í stað loftdælu geturðu leigt kút hjá Ísaga og kastarar skipta yfirleitt ekki sköpum, allavega alveg hægt að komast af án þeirra.
Kv – Skúli H.

Já Lúther við töluðum þarna í kross Orð mín má samt ekki skilja sem svo að það sé óþarfi að fá sér fjarskiptatæki og GPS og auðvitað alveg rétt að þetta flokkast undir grundvallaratriðin. Það er nú samt þannig að í mínum ferðahóp er ekki alltaf sem allir eru með NMT, þó nauðsynlegt sé að það séu nokkrir slíkir í hópnum enda mikilvægt öryggistæki. Sömu sögu er að segja um GPS þó yfirleitt séu flestir með tæki, en þá vitum við að því og látum þá ekki vera aftasta ef skyggnið er ekki 100%. Menn týnast tæpast inni í miðri röð. Það er kannski misjafnt eftir ferðahópum hvernig litið er á bróðurkærleikann, en þetta hefur ekkert þvælst fyrir okkur, enda lítum við á ferðirnar sem sameiginlegt verkefni.

En auðvitað á þetta að vera á innkaupalistanum, bara spurning hvað kemur fyrst. Og meðan menn eru án þessara tækja þurfa þeir að haga sér eftir því og auðvitað ekki hægt til lengdar að vera öðrum háður í þessu frekar öðru.

Hins vegar er svona bíll ekki tilbúinn á fjöll fyrr en gírhlutföllin eru orðin skikkanleg og því lítil þörf á fjarskiptatækjum og GPS meðan það er ekki komið í horf.

Kv – Skúli

Ég held þetta sé gott bara gott plan
Skúli H.

Ég er nú ekki alveg sammála Skula um forganginn. Ég er búinn að vera ferðast í rúman áratug. Fyrir rúmum 10 árum fékk ég mér GPS, fartölvu, NMT, loftkút/dælu, CB og drullutjakk, en það ekki nema 2 vikur síðan ég setti fyrst lækkuð hlutföll í bílinn (reyndar búinn að eiga þau á annað ár). Ef ferðast er með öðrum eru CB og skófla nauðsynleg, ef ferðast er einbíla þarf að hafa skóflu, drullutjakk, NMT, GPS og loftdælu/kút og "common sense". Sjá: http://um44.klaki.net/bunadur.html
Það er kostur að hafa hlutföll, sérstaklega innanbæjar og á þjóðvegum og það er oft gott að hafa eitthverja læsingu, diskalæsing í afturdrifi gerir t.d. mikið gagn. Ég hef aldrei haft læsingu í framdrifinu, en verið ýmist með ólæst, diskalæsingar eða Lock-Right í áfturdrifinu.

Ekki setja ljóskastara aftast í listann, ég lenti í því í fyrra að sjá ekki í morgunskímu förin eftir bílana á undan, að vísu var redding að (af)stilla háuljósin beint niður í jörðina.