Breyting á Pajero

Þú ert að spá í hverning þú getur breytt Pajero.
Frá 33-35 þarf ekki að færa hásingar eða hækka boddý.
En það þarf brettakanta(sömu frá 33-35 miðað við 10tommu felgur), klippa þarf úr að framan en ekkert að aftan, en að að framan: skera af sundursláttarpúðum (eru á efri spyrnum)og bæta undir samsláttarpúðana skífum(neðri spyrnur.
Ef þú ætlar að setja hann á 35 tommudekk þarf eina og hálfa hækkun að aftan og skrúfa upp vindufjöður sem samsvarar 17 mm föstum lykli á milli stoppróna.
Vonandi koma þessar upplýsingar að notum við breytingar.
Brettakanta færðu hjá Heklu eða hjá Gunnari Ingja upp á höfða.
Með kveðju Ásgeir Gunnarsson

Sælir,

takk fyrir svörin. Ég er með ’97 pajero, beinskiptan með 2500 vélinni. Er 2800 vélin ekki sú sama nema bara útboruð? Einhver laug því í mig.

Ég átti áður aðeins eldri bíl með V6 vélinni og öllum tilheyrandi búnaði, finnst díesel bíllinn miklu skemmtilegri og sprækari, líki þeim bara ekki saman. Sakna samt stillanlegu temparanna.

Ég er með hann á 32×10,5R15 í dag. Það er væntanlega nóg að fara bara í 33" er það ekki, ég meina, það er ekki svo mikill munur á 33 og 35, sama breyddin en aðeins hærri? En að fara úr 32 í 33 ætti ég að vera að fá breiðari og flotmeiri dekk er það ekki rétt skilið hjá mér?

kv,
– btg

Sælir og gleðilegt nýtt ár.

Athyglisvert þetta með muninn á vélunum. Minn er kominn í rúm 170 þús og gengur eins og klukka. Er búinn að keyra hann ~40 þús á síðastliðnu ári. Geturðu sagt mér hvað það er sem þarf að líta á svo ég geti farið í fyrirbyggjandi?

Það auðvitað satt, það sem er nóg í dekkjastærð fyrir einn er endilega ekki nóg fyrir hinn, enda flestir að nota bílana við mismunandi aðstæður.

Hugsa að lendingin hjá mér verði 33".

Eruð þið með einhverjar myndir af Pajero-num ykkar sem hægt er að skoða og sjá hvernig þeir koma út svona breyttir?

kv,
– btg

Sæll btg

Tengdó voru nýlega að fá sér svona bíl á 35". Þau voru mikið á móti 35" bílnum vegna þess hve dekkin eru há en samt bara jafn breið og 33".
En eftir að hafa reynsluekið báðum týpum var það ekki spurning að fara í 35". Hann er þó nokkuð fallegri en 33" bíllinn og varla neinn munur á aksturseiginleikum.

Þannig að ef þú stundar það að skreppa stundum aðeins út fyrir veg í snjó, þá er mikill munur á 35" úrhleyptu miðað við 33". Svo ég tali nú ekki um að ef þú ætlar á annað borð eitthvað að standa í því að hækka bílinn og setja brettakanta, þá tel ég að það sé ekki mikið meiri vinna að fara í 35". Hann kraftar alveg fínt með original hlutföll, að vísu er þessi með 2800 vélinni (en er nokkuð nema ca 20 hestafla og svolítill togmunur miðað við 2500?). Þar að auki er nú ekkert mikill verðmunur á 33" og 35" dekkjum.

En þetta er bara mín skoðun…
Ég sendi inn tvær myndir sem ég fann af bílnum í albúmið mitt. Átti því miður enga úr fjarlægð sem sýnir heildarsvipinn betur.

Með von um mikil vandræði við að ákveða dekkjastærð 😉

Kveðja
Izeman

Ég á einn 1998 2,8 TD á 35"
Myndir í albúminu.

Þessum bíl breytti ég á 35" og 12" breyðar felgur.
Ég setti 1" klossa að aftan
og skrúfaði upp að framan um 1,5 cm.
Og klippti svo bara helling úr.
Og bíllin er frábær.

Sælir

Ég er búinn að eiga 3 pajero á síðustu árum og búinn að prufa flesta aðra japanska jeppa og niðurstaðan er sú að pajeróinn er lang skemmtilegasti bíllinn að flestu leiti.

Hversu stór dekk þarf undir þá fer bara eftir því hvað menn ætla að gera. Núna er ég á 2,8 bíl árg. ’98 á 35" og hann er mjög skemmtilegur í akstri og kemst helling í snjó og flest allt sem manni dettur í hug að fara að sumri. Ég fór m.a. í nýliðaferðina á Hveravelli og gekk bara bærilega.

Hitt er annað mál að fyrir minn smekk þá er 35" ekki nóg fyrir vetrarferðir þó maður komist fullt og því er ég á leiðinni að fá mér Pajero á 38" – þ.e. breyta þessum eða öðrum sambærilegum (er til í að selja minn eða skifta á óbreyttum) þar sem að ég veit ekki um neinn almennilegann til sölu.

En ég myndi virkilega skoða það að setja bílinn frekar á 35" heldur en 33" – 33" undir svona þungum bíl eru ekki að gera mikið meira fyrir hann en 32" auk þess sem mér finnst hann mýkri og skemmtilegri á 35".

Það er ein mynd af mínum í albúminu og fleiri á leiðinni.

Benedikt

Ef ég skil þig rétt, Stebbi, þá ert þú að tala um endurnýjunartíma (km) á 2500 vélinni. Þetta hafði ég reyndar eftir Pajero-sérfræðingi á þjónustuverkstæði Heklu, sem ég held að viti nokkuð hvað hann er að segja. Hinsvegar skilst mér að vélarnar, sem voru framleiddar í Japan, hafi verið miklu betri en þær Taiwan-produceruðu. Þannig að bílar eldri en 1995 (minnir mig) geta verið með mun betri líftíma á vél. Ég er búinn að eiga tvo 2500 og einn 2800 Pajero og líki því ekki saman hvað mér finnst þessi 2800 bíll betri, enda er mun meira í hann borið, til viðbótar við vélina. En þetta með þungann passar ekki við skráningarskírteinin í mínum bílum, hvernig sem á því stendur. Hinsvegar þótti mér skrítið að þegar ég keypti þennan sem ég er á núna í nóvember 1999, þá var hann nærri 100 kg léttari skv. skráningarskírteini en 2500 bíll árg. 1997 sem ég átti á undan. Þetta getur nefnilega munað peningum fyrir mann í sambandi við þungaskatt ef einhver della er í gangi þarna. Mér hefur alltaf þótt undarlegt að LC 90 skuli vera innan við 2 tonnin á skráningarskírteini miðað við það sem Pajero er skráður á, þetta eru það svipaðir bílar að stærð. Einhver vildi meina að grindin í Pajero væri svo mikið þyngri. Trúi því hver sem vill.
kv. gþg

Sæll
Þessum bíl breytti ég sjálfur.
Kanntana fékk ég hjá Gunnar Ingva og kostuðu um 80.000
Dekk og felgur fékk ég hjá HEKLU á um 160.000
og fékk svo kunningja minn til að sprauta.

Felgurnar eru 12" og ég lét renna 5 mm innan af felguflansinum til að koma felgunni aðeins innar.
Ástæðan fyrir því að ég fór í 12"breyðar felgur var eingömgu útlitið mér finst svo ljót þegar dekkin eru ekki aðeins útfyrir kanntana.

Keðja
Hinrik Laxdal
R-3118