Breyting á Pajeró?

Sæll Óskar83.

Það er rétt sem Jónas segir, ég held að Aron Árnason vélfræðingur í Jeppaþjónustunni á Smiðjuveginum sé líklega sá sem mesta reynslu hefur í breytingum á Pajero. Það eru nú þegar 5 eða 6 nýjir bílar komnir á "38 hjól og merkilegt nokk hafa aðeins mjög lítilfjörleg vandamál komið fram, þrátt fyrir að búið sé að taka ágætlega á þessum fyrstu bílum (sem er mjög merkilegt í ljósi þeirra hrakspáa sem fylgdu ævintýrinu í upphafi – nú svo er alþekkt að menn þurfi almennt að yfirstíga einhver vandamál áður en "38 og "44 breyting telst fullhönnuð).

Aroni og tæknimönnum Heklu virðist hins vegar hafa tekist ótrúlega vel upp við hönnun og útfærslu þessarar breytingar. En hvað um það, Jóhannes Jóhannesson átti líka eldri gerðina, árg. 99 með 2,8 lítra vélinni. Hann reyndist mjög vel og hann er örugglega tilbúinn að segja þér allt um þannig breytingu.

Gaman að segja frá því að Páll Halldór Halldórsson var að taka út nýbreyttan "44 Pajero sem er víst fyrsti "44 Pajeroinn í heiminum… Til hamingju með það Palli!

Annars ætla Pajeromenn að halda því áfram í vetur sem hingað til að vera flottastir, drífa mest og sprauta best… á jepplingunum…

Ferðakveðja,

BÞV

Ps. Menn á jepplingum ku vera með stærri typpi en jeppakallar… :>)

Sæll ólsarinn.

Já, ég er svei mér þá ekki frá því… Það er sennilega hægt að nota þá vísindalegu staðreynd í vinnuna um skilgreiningu jepplingi…

Ferðakveðja,

BÞV

Sæll aftur.

Nei, í gvöðsalmáttugsbænum þá gefur frúin þig endanlega uppá bátinn… nema auðvitað að við getum sveigt jepplingaskilgreininguna þannig að hún nái yfir Hiluxinn!

Annars að öllu gamni slepptu, þá áttu barasta að breyta Pæjunni. Það eru allir í 7unda himni með þessa bíla enda heilt yfir að koma gríðarlega vel út.

Varðandi Hiluxinn hins vegar, þá er ég alveg bit á þeim á Nýbýlaveginum að leggja ekki meira uppúr því að selja þann bíl, kominn með 2,5 túrbínuvél, þróaða framfjöðrun og mjög snyrtilega innréttingu (mætti að vísu aðeins hækka sætin). Það kostar mjög hóflegt verð að láta breyta svona bíl á "38 hjól og bíllinn sjálfur nýr kostar ekki nema 2,4 millj. að mig minnir. Útsjónarsamir menn smíða sér nýjan fullbúinn fjallabíl fyrir talsvert innan við 3,5 millj. sem er að mínu viti eitt það albesta verð sem bransinn býður uppá í dag.

Ferðakveðja,

BÞV

Bjössi, farðu nú ekki að plata Ólsarann útí einhverja vitleysu eins og að reyna að breyta Pæjunni sinni í jeppa, hann ætlar að fá sér Land Rover!!!
Kv – Skúli

Ég nýt þeirra forréttinda að eiga góða að hvað varðar jeppabreytingar, hvort sem það yrði nú Gráni gamli eða nýr Hi-Lux. Hitt er annað mál, að mér finnst framendinn á Hi-Lux ekkert vera sérstaklega "þróaður" hvað fjöðrun snertir ef þetta er gamla Panhard stöngin (Panhard-rod) eins og þessi snerilfjöðrun með torsion-bar langsum eftir bílnum heitir víst á tæknimáli (stundum kennd við Jaguar). Eða er greyið kannski kominn með gorma að framan? En þá kemur þetta vandamál með frúna og sætaskammirnar í Toyinu. Þegar fólk er búið að venjast sætunum í Pajero er það ekki tilbúið til að sitja í hverju sem er! Svo það er fleira en s´veifin á manni sem þarf að uppfylla kröfur hjá hinu fríðara kyni!

Ja, hérna. Þetta byrjar allt með Pajero og nú komið út í Hi-Lux. Nú, en hvað um það. Hafandi átt breyttan Hi-Lux í nærri sjö ár, þá vantar mig satt að segja oft skúffufjandann, þar getur maður látið allan fj….. hvort sem það er lykt ef því eða það óhreint o.s.frv., o.s.frv. En gamli minn var að vísu með 2,8 vél og ARB túrbínu, 3" pústi, Iveco-millikæli og ýmsum slaufum öðrum. Freysi taldi hann skila milli 150 og 160 truntum eftir að Árni Páll var búinn að fara um hann höndum. Held varla að þessi nýi mótor sé að gera það sama með þessum microchip sem er settur í eldsneytiskerfið á honum. En vitið þið hvort þessi bílar sem verið er að flytja inn núna eru framleiddir í Evrópu? Einu sinni var VW að setja þá saman fyrir Toyota og markaðssettu hluta framleiðslunnar sem VW Taro. Margir eru nefnilega búnir að missa allt álit á VW vegna óþolandi bilanatíðni. – En, af öllum þeim mörgu fjórhjóladrifsbílum, sem ég hef átt, er best að aka Pajero en Hi-Luxinn var nú sá sem var duglegastur, á því er enginn vafi í mínum huga og væri ég að fara aftur út í breyttan bíl held ég myndi skoða þann kost mjög vel. Hinsvegar var ég að prófa Nissan Double-Cab í gær með 133 hö vél og það er vissulega athyglisverður bíll. Helsti gallinn á honum er að aftursætin nýtast bara alls ekki vegna plássleysis.

Ég er enn að bíða eftir nýju pæjuni á 44" dekkjum, en í fyrravetur var allur þessi "þróaði" fjöðrunar og drifbúnaður svo góður að það var bara formsatriði að skrúfa dekkin undir. Hver veit nema jóli verði í góðu skapi og gefi pæju köllunum alvöru dekk í jólagjöf. Annars er mig farið að langa til að sjá VW Toureg fara í breytingu, enda er sá bíll með drifbúnað frá ZF sem ætti að duga vel fyrir íslenskar aðstæður.

Hlynur

ps. ég vona að Björn Þorri fari að finna skafl sem hann ræður við…….

Hvað segiði, er enginn snjór heima? Sárfinn til með ykkur öllum, þó að mín staða sé jafnvel verri, hér rignir bara (danaveldi) og jeppinn heima í "pössun".

Mikið finnst mér gaman að sjá Pajeroinn verða að flottum trukkum, ég held að hann bíði enn hnekki af illu umtali um gömlu bílana og löngu kominn tími á að sýna fram á ágæti þessara bíla. Áfram á sömu braut!

Bestu kveðjur, Hjölli.

"When in Rome, you do as the romans." Bull og þvæla, ég er áfengismaður á bindindi og tóbak..
Kveðja Hjölli.

Já þetta er náttúrulega ágætur kostur að geta "stillt" bílinn nánast eftir árstíma, sett vetrarstillinguna á. Ein spurning, svona vegna reynsluleysis míns í þróaðri fjöðrun. Þegar Daman er komin í hæstu stillingu, er þá fjörðunarsviðið ekki orðið frekar stutt? Eða hvernig gerist þetta?
Kv – Skúli