This topic contains 7 replies, has 1 voice, and was last updated by 
-
Topic
-
Sælir félagar, þannig er stendur nú á hjá mér að ég aulaðist til að troða 44″ blöðrum undir djásnið, ákvað að hafa 18″ felgur frekar en 16″ og er núna að velta fyrir mér hvort þið vitið til að það séu til kantar fyrir svona breiðar felgur?
.
Ég veit vel að það eru til kantar en þeir eru bara fyrir 16″ breiðar felgur minnir mig. Ef einhver á svona kanta hinsvegar sem liggja á lausu gæti ég alveg þegið að fá þá lánaða eitt augnablik meðan ég máta og sé hvort það dugi mér eða bara ef einhver hefur málin af þessum köntum.
.
Svo er ég líka að velta fyrir mér, ég ætla að færa afturhásinguna 100mm aftur í viðbót (er færð c.a. 12-14cm fyrir) hvort einhverjir séu með sérsmíði á köntum og hvað það myndi c.a. kosta?
.
Veit af einum rönner sem er með einhverja svaða vængi, kallaður Megas.
.
Sjá hér
.
Veit einhver eitthvað meira um þá kanta?
.
Með von um góð svör.
kkv, Úlfr
E-1851
.
P.S var næstum því búinn að gleyma að líma mynd af djásninu við 44″ undirsetninguna!
hér er mynd af honum stuðaralausum að vísu 😛
-
Replies
-
Ég er kannski ekki með beint svar við brettakanta hugleiðingum þínum heldur meira svona hugleiðing um þörf á felgubreidd fyrir þessa bíla.
Ég er með 16 ½ breiðar felgur og 44 dc undir mínum 4runner og þessa venjulega kannta sem eru fyrir 16 beiðar felgur. Ég held að það séu alveg nógu breiðar felgur undir ekki þyngri bíl en þetta en á 44 er hann 2.2 tonn.
Er búinn að prófa að keyra á 18 eða 18 ½ breiðum felgum og dc undir sama bíl og fann ég mikinn mun á því hve bíllinn lét mikið verr á vegi, rásaði mun meiri og var allur óstýrlátari.
Hásingarnar undir Þessum eru heldur ekki þær sterkustu og hafa menn t.d lent í því að [url=http://www.f4x4.is/new/photoalbum/default.aspx?file=ferdamyndir/5543/43801:1wzgxt0h][b:1wzgxt0h]brjóta[/b:1wzgxt0h][/url:1wzgxt0h] afturöxla og missa afturhjól undan með tilheyrandi tjóni. Með breiðari felgum ertu að auka álagið á hásingarnar og legurnar til muna.
Það getur Þó komið upp sú staða að 18 tommur felgur séu betri í einhverju ákveðnu færi en 16, en svona almennt séð held ég að 16 -16 ½ henti þessum bílum mun betur og þá ertu líka laus við að þurfa að sérsmíða vængi á bílinn.
Kv Hilmar Örn
ps. fyrirgefðu Ofsi að ég skuli linka á svona leiðindar mynd af Slóðrík.
Þetta er nú bara flott mynd enda myndast Runnerar alltaf vel og skipta aðstæður þá engu máli he he
Þegar við vorum búnir að skipta þarna um öxul. Þá gróf félagi Jón Ebbi brotna öxulinn niður. Og lét hann brotið snúa upp. Var öxulinn síðan vökvaður og alles og verður spennandi að fylgjast með sprettunni þarna í framtíðinni þarna norðan við Versali. Og gætum við átt von á miklum og fögrum breiðu af Runner öxlum og er það nú betra en þessi fjandans Lúpína út um allt. Og svo er ekki verra að eiga nóg af öxlum ekki satt.
Jón ertu þá ekki búinn að gróðursetja líka brotin drif á hálendinu, svona uppá framtíðina
En telst Slóðríkur þá ekki vera kolefnisjafnaður eða þarf að koma meira af varahlutum í jörðu til þess.
Sælir félagar.Með þessa 44" 4runner kanta,Þá held ég að gunnar ingvi(brettakantar.is)Eigi þessi þessi mót.Þær eru um 43 cm á breidd.Og svo er líka búið að lengja brettið um 20 cm fram.KV BENI.
Ofsi, væri kannske ágætt að vita hvar þið gróðursettuð öxulinn, svo ég gæti "tímasett" öxulbrotin mín einhverstaðar þar í grennd, ef þetta er byrjað að vaxa almennilega það er að segja. Hehe.
.
Og Hilmar, varðandi felgubreiddina, þá var ýmislegt sem réð því að ég fór í 18" í stað 16", ég fékk felgurnar á lægra verði en samskonar 16", svo hef ég líka alltaf verið þannig að ég þarf alltaf að ganga lengra og lengra og leeeengra… 😉
Svo verður hann líka svo ruddalegur á þessu…. 😛
.
kkv, Úlfr.
E-1851
P.S. Ég skil ekki alveg hvernig breiðari felga ætti að hafa áhrif á öxulbrot, myndi ætla að breiðari felga tæki á legunni, en meira ummál dekks myndi gera meira átak á öxulinn.
Ekki málið strákar þið getið fengið staðsetninguna. En plöntunin fór fram 60 metra inn á fyrsta afleggjara til vinstri eftir að komi er norður yfir brúna á Stóraversskurðinum.
Þið megið klippa afleggjara af ef þið viljið og ef sprettan verður góð. Einnig eru upp áætlanir um stórfelda sáningu á drifum næsta sumar, og er ég búinn að vera í sambandi við umhverfisnefndina um málið.Ps með felgubreiddina, þá er það svona svipað lögmál í gangi einsog haldið sé í bláendann á kústskafti, með annarri hendi. Það verður tekur fjandi mikið í. Eftir því sem höndin er færð lengra út.
Átta mig alveg á því, en það hefur meiri áhrif á leguna, þó það taki eflaust á öxlinum líka. En nóg af því, þetta eykur allt slit og bla bla bla bla (ekki eins og ég hafi ekki búið mig undir það að taka hásingarnar í gegn á nokkra ára, jafnvel eins árs fresti)
.
En að öðrum sálmum, Ofsi, er einhver séns á að ég fái að líta örlítið á bílinn þinn við tækifæri? Langar aðsjá hvort ég geti ekki reddað mér á þessum hefðbundnu 44" köntum.
Væri líka ágætt bara ef einhver góðhjartaður einstaklingur nennti að ráðast á brettakantana sína með málbandi (ekki teygjumálbandi þó) og mæla breiddina, mig vantar c.a. 18cm breiða kanta m.v. frá boddí, ef þið skiljið hvað ég er að fara.
.
Kkv, Úlfr.
E-1851
S: 848-2317
You must be logged in to reply to this topic.