This topic contains 10 replies, has 1 voice, and was last updated by 
-
Topic
-
Góða kvöldið hér. Hvaða ráð hafa menn handa mér varðandi bremsurna á pajeronum hjá mér?
Þannig er mál með vexti að í skoðun var sett út á bæði bremsuklossa að aftan og bremsurörið sem lyggur að afturhásingunni.
Skifti um klossana og lét svo smíða fyrir mig nýtt rör, skellti þessu í og lét svo endurskoða bílinn og hann flaug í gegn.
En núna þá bara gengur bremsupetalinn alla leið niður í gólf en er samt að bremsa nokkuð vel miðað við allt. 2 undanfarna morgna hefur hann reyndar ekki náð að bremsa neitt þegar bremsurnar hafa verið „kaldar“ (þegar bremsa á í fyrsta skifti frá því að ekið er af stað)
Ég lét lofttæma kerfið á verkstæði og var við það notast við hátækni búnað sem ætti öllu jafna að skila hámarks árangri, maðurinn sem gerði þetta vildi jafnvel meina að hann hefði náð að skifta út öllum vökvanum á kerfinu.
Þess ber að geta að dælurnar að aftan voru nú eitthvað stirðar og ljótar en samt hafa bremsurnar virkað frábærlega fram að þessum aðgerðum.
Verkstæðismaður sem ég talaði við um þetta vildi meina að annað hvort væru dælurnar að aftan orðnar slappar, eða þá að gúmmíin á höfuðdælunni orðin óþétt og því næði glussinn að leka til baka þegar stigið væri á bremsuna.
Með von um góð og gagnleg svör á nýju ári.
Kveðja
Hafþór Atli
-
Replies
-
Lýsir sér 100 % eins og loft sé á kerfinu, myndi lofttæma aftur til að útiloka það – ekki á sama stað og síðast.
.
Freyr
Ef ekki á sama stað og síðast, hvar þá?
Er orðinn uppiskroppa með lofttappa ef ég má ekki nota þá.
Haffi
Er bíllinn með "load sensing proportional valve"? og þá kannski einn afloftunarnippill á honum?
Ég veit ekki hvernig bremsukerfið er í þessum bílum, en ég lenti í einu svipuðu dæmi á fólksbíl. Það lýsir sér nákvæmlega eins og þú segir. Ég var búinn að marglofttæma, skipta um bremsudælu en alltaf var eins og væri loft á kerfinu. En eftir að ég skipti um bremsudeilinn sem ætti að vera staðsettur undir eða við höfuðdæluna, þá steinhætti þetta. En eins og ég segi þá veit ég ekki hvernig þetta er í pæjunni, en samt í lagi að athuga það.
Kv Páll.
Sæll, gott ráð í þessum málum er að setja "wæsgrip"tangir á allar bremsuslöngurnar (Hafa þær vel þéttar á slöngunum en ekki of því þá skemmast þær)(Slöngurnar sko). Við þessa aðgerð ætti petalinn að koma alveg upp ef vandamálin eru í hjólunum. Síðan er hægt að taka eina töng af í einu og staðsetja vandann þegar petalinn fer niður aftur. Ef petalinn kemur ekki upp liggur vandinn einhverstaðar frá petala að slöngum.
P.s lýsingin á t.d við þegar bíll er laus á legu(m) eða nýir klossar ekki búnir að slípa sig við diskinn.
En samt getur margt verið að og leit erfið.
En mér hefur reynst vel að staðsetja svona vanda með tangatrixinu.
Það var gengið á alla lofttappana, líka þennan sem á bremsu/hleðslujafnaranum. Rörið sem ég skifti um var einmitt frá þessum jafnara og kom í hásnguna og þaðan í sitthvort afturhjólið.
Svo held ég að ég ætli ekki að fara að klemma rörin með væsgrip töngum og hætta á að klemma rörin. Skil reyndar ekki alveg hvað er átt við með að fá petalann aftur upp, þar sem hann er alltaf alveg uppi þegar ekki er stigið á hann.
Kveðja
Haffi
Þú klemmir ekki rörin heldur bremsu slöngurnar og þær skemmast ekki nema tangirna séu hertar of mikið. Það sem er átt við með að petalinn komi upp er að hann sigi ekk í gólfið þegar stigið er á hann….
Ég myndi helst halda að sé enn loft einhvers staðar á bremsukerfinu hjá þér – þrátt fyrir allt.
Það er ótrúlegt hvað ein lítil loftbóla getur gert.Ágúst
Já ok ég skil það núna hehe. Muna bara í framtíðinni að lesa fyrst og kvarta svo.
En smá spurning. Ef ég ætla að lofttæma sjálfur með því að setja slöngu upp á nipplana og slönguna ofaní dollu með bremsuvökva. Hvernig slöngur henta best í það og hvar fengi maður helst svona slöngur. Og er í lagi að hafa bílinn í gangi þegar maður gerir þetta eða er það alveg bannað?
Kveðja
Haffi
"Lýsir sér 100 % eins og loft sé á kerfinu, myndi lofttæma aftur til að útiloka það – ekki á sama stað og síðast". Það sem ég átti við var að fara ekki með bílinn á sama verstæði aftur (þessi fíni búnaður gæti verið bilaður eða óvönduð vinnubrögð).
Freyr
You must be logged in to reply to this topic.