Borð fyrir fartölvu í Pajero

Sæll Pétur

Hér eru einhverjar myndir af tölvuborði sem að mér sýnist vera nokkuð nett:

http://www.laugar.is/konni/jeppmynd.html

Ég er með svipað borð – allt uppbyggt úr hlutum frá R.Sigmundssyni – vandamálið við það hefur verið að fá næga stýfingu fyrir hliðarvaggi og mér sýnist að þetta sem er á myndunum sé betra hvað það varðar. Ég skal setja inn myndir af mínu borði fljótlega, eða bara sýna þér það við gott tækifæri.

Kveðja
Benedikt

Var með svona kúlulið frá Aukaraf á borðinu hjá mér og var hann enganveginn að halda þessu. Allt of mikill víbringur og lagðist bara útaf ef það kom smá slinkur á bílinn. Mæli frekar með heimasmíðuðum snúningslið t.d. rörbút með plastfóðringu og öxul þar í gegn sem er festur við borðið.

kv
Hvati

Getur verið Hvati að þú hafir verið með minni kúluliðinn??
Kveðja Halli E-1339

Ég skoðaði tvo liði þarna og mig minnir að þeir hafi bara verið mis langir en kúlurnar á endunum hafi verið þær sömu. Ég tók styttri liðinn en ég ætla samt ekki að sverja fyrir að það hafi ekki verið til með stærri kúlu.

Hvati

Sælir félagar

Ég hef verið að hanna borð í bílinn hjá mér sjá myndir hjá mér.

Ég held að þetta megi ekki vera of stíft þá getur höggið komið á tölvuna, það er betra að hafa vissa míkt í þessu.

Ég er með 1/2" massíva eiröxla úr Byko og þeir eiga allt til í lögnina, frá festingu undir sæti og upp að liðnum frá R Sigmundssyni. Mikilvægt er að nota stærri kúluna.
Þegar álagið er mikið þá nota ég tegju til að stífa af borði tímabundið.

þið skoðið þetta

kveðja Guðmundur

Sæll Guðmundur

Um daginn (skjaldbeið 31"++++) sá ég hjá þér lítið ´ferða sjónvarp,mig langar að spyrja þig hvar er hægt að kaupa þannig tæki.

Það væri fínt að vera með svona á lengri ferðalögum fyrir stelpuna mína.

Kveðja Jóhannes
897-1214

Sælir félagar.

Ég mæli með að menn hafi hugfast við uppsetningu tölvuborða að það er ekki sama hvar/hvernig þau eru staðsett.

1) Borðið (og tölvan) mega alls ekki hindra útsýn úr bílnum.

2) Borðið Þarf að staðsetja þannig að það (og tölvan) hindri sem minnst notkun á tökkum og öðrum búnaði.

3) Borðið þarf að staðsetja þannig að það valdi sem minnstri slysahættu fyrir fólk ef bíllinn lendir í árekstri eða ákeyrslu.

4) Borðið má ALLS EKKI staðsetja þannig að öryggispúði (air bag) geti skotið því og/eða tölvunni á þann sem púðanum er ætlað að vernda í árekstri.

5) Borðið þarf að vera stabílt en þó ekki of massíft (hætta á að hörð högg stúti harða diskinum eða móðurborðinu í tölvunni).

Eins og sjá má er að mörgu að hyggja og ég skora á menn að huga fyrst að þessum öryggisatriðum sem ég nefndi að ofan þegar borðinu er valinn staður.

Ferðakveðja,

BÞV

Farðu bara niður í R.Sigmundsson og Rikki kemur með fína lausn á þínum málum sýnist mér. Þessar RAM festingar sem hann er að bjóða uppá eru alveg snilld………