Blettun á jeppanum

Almenna reglan til að stöðva ryð er að sandbálsa ryðgaða svæðið og grunna síðan með góðum grunni. Lakka svo yfir, stundum reynt að nota sama lit og er fyrir á bílnum – en það er smekksatriði. Gott að fá sér bjór að verki loknu – bjór fyrir og á meðan á verki stendur er stórlega ofmetinn, og kemur í vissum tilvikum niður á vinnubrögðum.

Það eru líka til ryðklórur, þær virka sæmilega og auðveldara að vinna smábletti með þeim en stóru sandblásturgræjunum hans afa sem voru upphaflega ætlaðar fyrir skriðdreka – og ruslagáma. Það eru þó til nettar sandblásturkönnur með hulsum sem taka bletti ljómandi vel, og skemma ekki svæðið í kring. Með lagni verða jafnvel rúður heilar að sandblæstri loknum með þeim. Það skemmtilega við sandblásturinn er að það kemur dæld í þunnt efni eftir hann – hömrun sandkornanna lemur til blikkið og teygir það til og gjarnan þarf að sparsla kringum sandblásna bletti.

Ef þú ætlar hvort eð er að skipta um þessa boddíhluti eftir skamman tíma þá er náttúrulega best að gera ekki neitt. Óþolandi að henda boddýhlutum sem maður hefur vandað sig við að laga fyrir skemmstu.

En til að stöðva ryð verður að fjarlægja það með almennilegum aðferðum og hindra svo aðgang súrefnis að blettinum – með grunni og svo lakki yfir.

Ef þú ert ekki að nenna miklu og ætlar að taka þetta upp betur seinna þá gæti Rust Converter verið málið.
Ég notaði það á bíl sem að ég átti með fínum árangri, sá hann á partasölu um daginn og það var ekki komið í gegn, sem að þýðir ca. 7 ára ending!!!

færð þetta í bílanaust, heitir Rust converter, virkar þannig að maður á bara að taka laust ryð og ekki pússa of mikið, pennsla svo á og svo bara grunna. Idiot proof!;)