This topic contains 21 replies, has 1 voice, and was last updated by 
-
Topic
-
Hvernig er þetta með síðuna ????????
Það gerist ekkert og allir hættir að nenna að tuða.
Afhverju í ósköpunum er ekki hægt að setja deildirnar á aðgengilegri stað? á forsíðunni t.d.?
Það er gjörsamlega út í hött að þurfa að klikka 4 sinnum og fá upp 2 nýja glugga til að fara inn á deild.
Eins í sambandi við nefndir, það er bara nafnalisti
t.d skálanefnd, ekkert um hver sér um bókannir eða hver er gjaldkeri, ekki einusinni netfangið hjá nefndinni.
Ég var að leita að upplýsingum um Suðurlandsdeildina um daginn og þar er ekki sama fólkið í stjórn á heimasíðu deildarinnar eða það sem kemur upp hér á síðunni áður en maður klikkar í síðasta skipti á Suðurlandsdeild.
Það er það langt síðan aðalfundir voru að það hlýtur að vera komin tími á að uppfæra þetta.
Könnunin sem um 100 eru að svara mætti alveg fara á undir síðu.
Afhverju sé ég hvergi leiðbeiningar um hvernig á að setja inn link á spjallinu eða myndir með smáauglýsingu?
Er þetta bara eitthvað sem allir eiga að vita?
Er eitthvað flókið að hafa hnapp neðst í þræði sem flytur til baka eða á forsíðu?
eða flytur þræðina á nokkrar síður? þegar þeir eru orðnir visst langir? Þetta er bara skroll og skroll og aftur skroll.
og það þegar þú svarar þræði að geta ekki séð um leið það sem er búið að skrifa.
Kveðja Lella
-
Replies
-
…………að gera trúðasíðuna að aðalsíðu f4x4.is? Þar er allt til staðar, (eða svo til), almennilegt myndaalbúm og flott spjallkerfi. Þarf bara að bæta smáræði við og þá er þetta allt komið.
Þar komstu með það. Leggjum bara niður klúbbinn, það er nóg pláss hjá Trúðunum og gjaldkerinn þar yrði ánægður.
Trúðakveðjur Lella
Jú það mætti nú alveg kenna fólki hérna sem þekkja ekki html kóða en langar að læra hvernig á að setja inn linka og myndir.
.
Til að senda inn link gerir maður svona =
Nafn á linkinum <—til að loka kóðanum.
.
til að skella mynd inná spjall eða auglýsingu gerir maður
.
munið bara að sleppa þessu bili sem ég gerði á eftir < til að kóðinn virki.
.
Annars er ég sammála … vefnefnd hefur ekkert látið heyra í sér eða gert nokkurn skapaðan hlut, Ég gæti meira að segja gert þetta.
.
Þessir Castor vitleysingar mættu líka alveg setja þessa fítusa inn þegar þú skrifar greinina, efst getur þú smellt á hnapp sem stendur á "mynd" og annar sem stendur á "linkur" eins og gert er í Nuke spjallkerfinu.
.
kv, Ásgeir
Ég hef alltaf verið á leiðinni að setja inn leiðbeiningar fyrir notendur til að setja inn slóðir og myndir í innlegg og auglýsingar, en hef bara ekki haft almennilega tíma í það.
Þar að auki er þetta svokallaða umsjónarkerfi, (admin) sem við notum til að breyta og laga ýmislegt í kerfinu alger horror, óaðgengilegt, flókið og hreint út sagt fábjánalegt og tekur ekki langan tíma fyrir geðheilsuna að bilast við að vinna í því, því ef hægt er að benda á eitthvað kerfi sem dæmi um að allar villur og óskipulag í vefhönnun, þá er það adminkerfið á þessum vef.
Þetta gerir það að verkum að maður er ekkert voðalega spenntur fyrir því að vinna í þessu öðruvísi en á sjötta glasi og helst eftir tveggja sólarhringa vöku, enda þá orðin nógu geggjaður til að reyna það.
Það virðist vera nokkuð ljóst að mínu áliti að þú hafir ekki mikið að gera sem vefstjóri. Enda virðist þú ekki ráða við verkefnið, eða hafa tæknilega kunnáttu til þess. Að eigin sögn, eða þolinmæði til þess að læra á kerfið. Mér fynnst bara með ólíkindum að lesa svona bull frá sjálfum vefstjórannum og á sam tíma að vera hæla Trúðasíðunni, þar sem spjallkerfið er ljósár frá því að vera gott og sama má segja um myndaalbúmið.
Jón minn, fyrst admin kerfið er svona frábært, viltu þú þá ekki vera svon vænn að laga beygingarvillurnar í skoðanakönnunni, þær fara nefninlega í taugarnar á mér. Var annars eitthver ástæða fyrir því að minnast ekki á fjarskiptamál/VHF í könnuninni, mér skilst að það sé sá málaflokkur sem er klúbbnum einna þyngstur í skauti, fjárhagslega?
-Einar
Hvað varða vhf málinn, þá er það nú þannig að ekki er hægt að hafa alla málaflokkana með. Það gæti nú orðið langur listi ef allt væri upptalið. Enda tel ég þessa könnun ekki það vísindalega. Heldur meira til gamans gerða.
Ég hef haft nóg á minni könnu við að læra það sem snýr að mínum eigin vefum og þekking mín á microsoft draslinu er ekki mín sterka hlið, þó ég hafi verið að reyna að strögla við að læra á það. Það eru aðrir í vefnefndinni sem vinna við það og gjörþekkja það.
Hvað admin kerfið á þessum vef varðar, þá er það svona svipað því og að maður mundi rífa sundur gírkassa og millikassa og henda öllu í einn haug og ætla sér svo að finna eitt sérstakt tannhjól í haugnum.
Þetta plögg á trúðasíðuna var meira til gamans gert af mér, en að sjálfsögðu ekki í fullri alvöru.
Hvað albúmið þar og spjallkerfið varðar, þá er þetta með því besta sem gerist í open sorce og stendur öllu sem frá Micro$oft ljósárum framar að öllu leiti.
Ég þarf að fara í það að finna mér tíma í það setja inn leiðbeiningar í fróðleikinn og þeir sem hafa einhverjar tillögur að því geta sent mér póst á keli@kelinga.com með sínum hugmyndum.
Ofsi,
Ég verð nú að verja hann Kela aðeins núna – Spjallkerfið á Trúðasíðunni er eitt skemmtilegasta og notendavænsta kerfi sem ég hef komið nálægt.
Mjög auðvelt að fylgjast með því hvað er að gerast og í hvaða málaflokki – og við síðustu uppfærslu varð það enn betra… Þetta er gjörólíkt því sem er hér og víðar – hér er mjög leiðinlegt að finna eldra efni og í raun er mjög vont að finna þræði sem hafa dottið út af spjallinu á forsíðu.
Varðandi myndir þá er ekki einu sinni hægt að líkja myndaalbúminu hér og á Trúðasíðunni saman – þar er himin og haf á milli og ætti það kannski að sjást best á því að hér er hending að ný mynd komi inn – ég nenni allavega ekki að setja inn myndir hérna lengur.
En annars finnst mér flest allt sem kemur fram í póstinum hjá Lellu réttmæt gagnrýni – (núna þarf ég t.d. að opna nýjan glugga í vafranum til að lesa það sem áður hefur verið skrifað í stað þess að geta flett í gegn líkt og í flestum lélegum spjallkerfum – að ég tali nú ekki um betri kerfin)
Annars finnst mér eins og svo mörgum öðrum alveg með ólíkindum að eftir allan þennan peningaaustur og tíma sem farið hefur í þessa síðu að hún skuli ekki vera skárri en raun ber vitni – en það er þó vissulega kostur að hún hangir uppi núna ólíkt því sem var fyrir breytingu.
Benni
Benni
okkar – vefurinn f4x4.is og hið dásamlega vefkerfi (admin tól sem önnur).
Eik og fleiri mætir menn voru löngu búnir að benda á möguleikan á að nota önnur kerfi sem eru "ókeypis" og hafa alla þá möguleika sem klúbburinn þarf á að halda. Mótrökin voru m.a. að fyrri vefur hefði verið í höndum sjalfboðaliða, sem unnu verkið möglunarlaust og yfirleitt án mikilla þakka, og því væri best að fara í heildarlausn sem gæti allt og reksturinn væri í höndum vandaðra manna sem gætu viðhaldið kerfinu – gegn sanngjarnri þóknun.
Þetta er gott og blessað og mjög algengt i sjálfu sér – en því miður gekk þetta ekki fullkomlega eftir
Eftir því sem mér hefur tekist að lesa út að þá er umsjón og endurbætur á kerfinu alfarið í höndum vefnefndar – og "kastatilhöndum" (betur þekkt sem Castor) koma ekki nærri þessu lengur – er það rétt?
Ég veit ekki hvort réttlætanlegt væri að fleygja þessu öllu og setja upp eitthvert vefumsjónarkerfi sem kostar "ekkert" og rekur sig nánast sjálft… En klúbburinn verður (því miður) að setja meiri aur í þetta verk og fá Hæfa forritara til að snikka til marga agnúa, eins og t.d. að birta hluta (eða allan) þráðinn fyrir ofan þegar viðbót er skrifuð inn, laga innsetningu mynda o.fl. o.fl.
Þetta eru bara mín "tvö sent", í sjálfu sér er margt gott komið og kannski þarf ekki svo mikið til að dekka 80% af því sem er helst að hrjá okkur notendurna – agalegt að vera hérna megin við borðið
Hin 20% kunna að vera of dýr til að það borgi sig að leysa þau mál – en það er aldrei að vita.,,
Bottom line að mínu mati er sum sé að setja "eilítið" meiri aur í verkið og reyna að dekka þau atriði sem mest er kvartað yfir.Siggi
Það er eitt sem ég hef ekki skilið frá því að þetta skrímsli komst á koppinn. Afhverju geta notendur ekki haft sínar eigin stillingar á útliti vefsins, td væri ég mikið til í að hafa annan lit á síðuni og að þræðirnir skiptust á síður. Og afhverju er ekki smákökudæmi (cookies) á þessu sem man hvaða þræði og auglýsingar sem ég er búin að lesa og sýnir bara fjölda nýrra svara í sviganum. Persónulega finnst mér frekar gamaldags að þurfa að muna hvað voru komin mörg svör þegar ég renni næst yfir spjallið.
Allt mjög einfaldir hlutir sem eru í boði í ókeypis spjallsíðukerfum sem hefði eflaust átt að nota frá upphafi og nota peningana í eitthvað þarfara.
Ég ætlaði að finna reikningsnúmer skálanefndar í gærkveldi og ég gafst upp og hringdi í Gísla.
Númerið er á svo langsóttum stað hér á síðunni að það þarf mun þolinmóðari manneskju en mig til að finna það.
Kveðja Lella
Svo þið eruð svona jákvæð þessa dagana, aldeilis frábært.
Castor hefur ekkert með þessa síðu að gera lengur, vefnefnd hefur tekið yfir alla þróun og viðhald á síðunni og er eingöngu við hana að sakast ef eitthvað er að.
Það má endalaust deila um hvort betra hefði verið að nota ókeypis kerfi eða sérsmíðað. Báðum leiðum fylgja vandamál og ekkert víst að við værum í neitt betri málum ef önnur leið hefði verið valin. Við getum t.d. tekið trúðasíðuna sem dæmi fyrst búið er að nefna hana hér. Hún er búin að vera meira og minna óvirk síðan í sumar og loksins þegar hún fór að virka þá voru allir gamlir spjallþræðir horfnir, ég er hræddur um að eitthvað hefði heyrst í ykkur ef þessi síða ætti í sömu vandræðum. Mér sýnist líka að ansi stór hluti af því sem þar er skrifað núna sé tengt vandræðum við notkun hennar og að sjálfsögðu er auðvelt að fylgjast með á síðu þar sem aðeins um handfylli af nýjum færslum koma á dag.
Ég ætla ekki að halda því fram að myndasafnið hér sé fullkomið en það er út í hött að bera það saman við myndaalbúm með hvað fimm notendum? Það segir sig sjálft að það er auðvelt að rata um þannig safn.
En það er margt sem má betur fara hér á síðunni og þetta kjörtímabil völdust einstaklingar í vefnefnd sem því miður hafa allt of lítinn frítíma. Þetta er sjálfboðavinna, mjög vanþakklát oft á tíðum, og situr því á hakanum þegar kemur að ráðstöfun frítíma. Ég er þó ekki á því að klúbburinn eigi að kaupa vinnu við að laga það sem betur má fara, það kemur að því að við finnum tíma til að sinna þessu.
Ef fólki finnst vanta efni eða upplýsingar frá nefndum þá á að sjálfsögðu að ýta við viðkomandi nefnd og biðja hana að koma því til okkar.
–
Bjarni G.
Vefnefnd
Akkúrat það sem ég sagði Ýktur, nema hvað það fylgdi engin ár þessum bát (algengast eru fleiri en ein ef báturinn á að bera fleiri en 5).
Auðvitað er sjálfsagt að hampa því sem vel var leyst, t.d. innlestur eldri gagna og mynda, möguleika á að hengja gamla dótið aftan við notandanafn o.fl. skemmtilegir fídusar sem virka.En við erum komin í sömu stöðu og áður – þ.e.a.s. að treysta á sjálfboðavinnuna ("þar sem laun heimsins eru ekkert nema vanþakklæti").
Þess vegna tel ég að klúbburinn verði að leggja í þann viðbótarkostnað að laga þessi stóru mál sem menn kvarta sem mest yfir – og þá admin-tólin líka, svo þeir sem hafa yfirumsjón með vefnum þurfi ekki mikið að hamast í hlutum til að lagfæra einhver smámál.Samanburðurinn við Trúðasíðuna er óheppilegur, en mörg stór vefsvæði byggja á opensource kerfum (spjall og myndaalbúmum) eins og þú vel veist.
kv. Siggi
Ég nenni ekki að finna gömlu þræðina um þetta en afhverju hélt ég að það væri hægt að skrá sig inn án þess að vera félagsmaður? til að taka þátt í spjallinu og auglýsingunum?
En það er ekki hægt að komast í gegnum skráninguna nema gefa upp félagsnúmer????
Kveðja Lella
Vissulega er samanburðurinn við trúðasíðuna ósanngjarn en það var ekki ég með byrjaði á honum. Ég vildi bara aðeins ná þeim niður á jörðina.
Ég veit að til eru margir vefir sem nota "open source" kerfi og virka vel en það eru líka margir sérsmíðaðir vefir til sem virka vel. Að deila um þetta er ekki ósvipað og Toyota vs. Nissan deilurnar, það hafa allir sína skoðun og engin þeirra er rétt.
Ég er ekki sammála því að vefurinn sé það stórgallaður að það þurfi að kosta til fleiri milljónum til að fá hann góðan (útseld vinna á forritara er ekki undir 15 þús./klst.) en það eru ansi mörg atriði sem fara í taugarnar á fólki og þau fara frekar í flokkinn "Það sem betur má fara". Líftími svona vefsíðu er ekki mörg ár þannig að það eru ekki mörg ár í endurnýjun. Hvaða leið verður farin þá er ómögulegt að segja. Ég myndi telja að hæfileg blanda af sérsmíði og "open source" væri málið.
–
Bjarni G.
Það verður endalust hægt að grenja yfir þessari síðu, og aldrei hægt að gera öllum til geðs í þeim málum. En að bera saman síðu f4x4 og Trúðana, er eins og að bera saman Patrol á 44" og Suzuki Fox á 29".
Góðar stundir
Ég er allavega búin að vista athugasemdirnar þínar hjá mér. Ég bað einmitt um daginn um komment og tillögur að efnisbreytingum á síðunni. En þetta gerist því miður ekki með ljóshraða, enda allir uppteknir með eindæmum.
Hins vegar er ein ábending til þeirra sem fara fyrir nefndum klúbbsins – fyrir þeirra sérsíður þarf að útbúa umfjöllun og efni. Það er langeðlilegast að sá texti komi frá nefndunum sjálfum. Hvað varðar deildir þá datt mér í hug að nýta textana sem sendir voru inn í febrúar-Setur og vinna út frá því. Þannig að það er bara að bretta upp ermarnar og vekja skáldið og setja texta á blað og senda vefnefnd.
Takk,
Soffía
"Ég er ekki sammála því að vefurinn sé það stórgallaður að það þurfi að kosta til fleiri milljónum til að fá hann góðan"
Ertu þá ekki búinn að svara því að lagfæring þurfi ekki að vera svo dýr?
Þannig að fyrir "nokkur hundruð þúsund" krónur mætti láta laga stóran hluta þeirra atriða sem mest er kvartað yfir ? -og, við myndum "eignast" forritara/fyrirtæki sem hægt væri að leita til ef upp kæmi galli í kerfinu.
Auðvitað er þetta ekki það sem lagt var upp með – en til þess að flokkurinn "Það sem betur má fara" verði ekki of stór hygg ég að snjallt væri að vefnefnd kanni hjá nokkrum forriturum/fyrirtækjum hversu stóra peninga sé verið að ræða um – eins og þú segir, líftíminn er ekki langur … en telur þó í árum. Eftir slíka könnun væri þá hægt að sýna fram á að þetta sé annaðhvort skítbillegt og menn lagi það sem laga þarf – eða fokdýrt (lesist milljónir) og best að bíða eftir f4x4 versjón 3
Útfærslu framtíðarvefsins getum við bara látið okkur hlakka til
Siggi
Það sem ég átti við er að ef vefurinn væri jafn stórgallaður og látið er í veðri vaka þá myndi það kosta milljónir í aðkeyptri vinnu að laga hann. En þar sem hann er það ekki þá erum við kannski að tala um einhver hundruð þúsund í aðkeyptri vinnu sem er reyndar ekki langt frá því sem hann kostaði í heild. En ætli þetta verði ekki eins og með bílana hjá mörgum, það er sífellt verið að bæta þá og loksins þegar þeir eru orðnir góðir þá eru þeir seldir og byrjað upp á nýtt.
–
Bjarni G.
You must be logged in to reply to this topic.