This topic contains 12 replies, has 1 voice, and was last updated by 
-
Topic
-
Sælir félagar sá upp á hillu hjá einum félaganum reymdrifin blásara sem hafð verið á bátavél sem viðbótar aflgjafi á vélinni þegar þurfti á ná meira afli úr vélinni sem er turbó diselvél. Þá kemur að spurningunni þetta er frekar nett stykki með trissu og rafmagnskúplingu eins og á reymdrifinni loftdælu. Gæti þettað apparat virkað td. á 4,2 bensínmótorinn sem er í Pattanum mínum eða öðrum bílum og gefið meira afl. Gott væri á fá umræðu um þetta kanski einhver sem þekkir þetta af eigin raun kveðja trölli_1
Viðhengi:
-
Replies
-
Þetta er að öllum líkindum keflablásari af Volvo Penta vél. Þeir virkuðu þannið að vélartölvan virkjaði þá við ákveðið álag á lágsnúningi. Þegar álagið minnkaði og afgastúrbínan byrjaði að byggja upp þrýsting í soggreininni, var keflablásaranum kúplað út og afgastúrbínan tók við að þjappa loftinu inn á grein.
Jæja, að spurningunni, eða öllu heldur einhverskonar svari………..
Ef þú notar þetta á innspýtingarmótor er alveg möguleiki að nota blásarann, en ég efa stórlega að þetta sé nothæft með blöndungsmótor. Hugsanlegur ókostur gæti verið að þetta skili ekki nógu loftmagni við hásnúning og svelti þar með mótorinn.
Ég segi bara að; það sem er ekki hægt tekur bara aðeins lengri tíma.
Gangi þér vel.
Kv. Steinmar
Ég sé ekkert vandamál við að nota þetta á blöndungsbíl frekar en innspítingarbíl, aðalatriðið er að loftflæðimælirinn eða eftir atvikum blöndungurinn sé staðsett sogmegin á blásaranum, ég fann á netinu spjallþráð þar sem einn var að setja keflablásara á mótorhjólsvél, hann þurfti bara að pæla aðeins í gíruninni uppá að þrýstingurinn yrði ekki of mikill, og það er gírunin sem ræður flæðinu í gegn. Blásarinn getur líka snúist að sjálfu sér ef kúplingin er ekki virk, þannig að hann trukkar ekki ef það þarf ekki og getur bara dólað með.
Anonymous- Umræður: 0
- Svör: 16404
Fyrir óbreytta bensínvél er sennilega skynsamlegt að fara ekki mikið yfir 5-7psi í búst, og splæsa jafnvel í 98 oktan bensín. Það fer náttúrulega alveg eftir þjöppu vélarinnar, en þjappan er oftast um 9,0:1 í óbreyttum ekki-turbo bensínvélum.
Í þessu skjali er ágætis tafla fyrir static-þjöppu vs. búst:
[url:dxawb1h9]http://www.holley.com/data/TechService/Technical/Supercharger%20Tech%20Info.pdf[/url:dxawb1h9]Kaninn notar reyndar lág-oktan bensín, 95 oktan er súper hjá þeim. Fínt að miða við það.
kkv
Grímur
Einhvern tíman voru oktan pælingar á spjallinu og mig minnir að útkoman hafi veri sú að kaninn er með "öðruvísi" oktan mælieiningu en evrópa (og hugsanlega restin af heiminum). Möo að sama bensínið telst 98okt í evrópu en 95okt í usa (sirkabát). Það er eitthvað um þetta á wikipedia.
-haffi
væri ekki best að staðsetja svona blásara á milli soggreinar og loftsíu vélin hjá mér er 4,2 lit 6 cyl með beinni innspýtingu ætli maður fyndi einhvern mun á kraftinum og er einhver hætta á að skemma vélina
Anonymous- Umræður: 0
- Svör: 16404
Ég held að 5 psi geri alveg helling fyrir þessa vél. Galloper-fjósið var að gera svipaða hluti og pattinn í sumar, svo ekki veitir af!!!
Gæti trúað að 5psi bæti við ca 30% á 2000 snúningum. Það munar um það.
Vélin þolir meðan hún forsprengir ekki. Seinkun á kveikju er eitt trix ef hún fer að banka, vatnsinnspýting annað, auka bensín það þriðja, hærra þjappþol(oktan) það fjórða o.s.frv.
Ég kíki pottþétt við í dótakassanum um jólin, vonandi verður nóg af snjó til að leika sér í…
kkv
Grímur
Anonymous- Umræður: 0
- Svör: 16404
Þessir segjast smíða blásara fyrir volvo penta.
http://www.oguraclutch.co.jp/english/e_ … _siyou.htmÞarna eru listaðar 6 týpur og afköst tilgreind. Þetta lítur forvitnilega út. Ef þetta er framleiðandinn – sérðu hvaða týpu þú ert með ?
þetta er likt þessum þetta er frekar nett stykki ætla að reyna að taka mynd af þessu og setja inn
Það er eitt sem ekki hefur komið fram en er nauðsynlegt að spá í ef þú ferð út í þetta. Í bensínvélum hækkar brunahitinn þegar blandan veikist (öfugt miðað við diesel) og það að þjappa lofti inn á bensínvél án þess að gera umtalsverðar breytingar á bensínkerfinu endar sennilega bara á einn veg – stimplarnir bráðna. Það eru ekki svo margir að fikta með túrbínur á bensínjeppum en marfallt fleiri eru að því á sportbílum og þá sérstaklega japönskum. Þar er alþekkt að stimplar bráðna þegar blandan verður of veik. Vinur minn var t.d. með 323 mazda orginal túrbóbíl en lét hann blása meira og það kostaði hann stimpil/stimpla oftar en einu sinni. Gott dæmi um það hversu viðkvæmt þetta getur verið eru impreza turbo. Þar er spíssinn á strokk númer 2 sá aftasti í bensínrail-inu (lögnin sem spíssarnir ganga inn í) og við mikið álag er flæðið/þrýstingurinn sem nær aftast í rail-ið of lítið/lítill og þá bræða þeir úr sér á 2. strokk.
Freyr
jú það er margt að varast en það er spurning er ekki minni hætta á skemmdum þegar maður notar svona reymdrifin lítinn blásara sem settur er á milli lofthreinsara og soggreinar. Frekar en að nota turbínum sem kanski er að blása 1 bar.
Ég er með blásara á wrangler sem ég á og hann er staðsettur milli loftintaks og soggreinar.. svo keypti ég tölvu að utan til að stilla kveikjuna og bensinflæðið.. Hef ekki ennþá lent i veseni búin að vera með þetta í rúmmlega ár.
Ég ætla að setja blásara á vélina í Hiluxinum hjá mér (3VZE), búinn að redda mér Eaton M90 blásara, ég var að pæla í að setja hann á milli millihedds og inngjafarspjalds og láta hann bara blása 3-5 pund, þá er loftflæðispjaldið sogmegin á blásaranum og ætti því að nema rétt og koma réttu magni af bensíni inn miðað loft.
Eini mínusinn er að ég þarf að fjarlægja viftu spaðann og setja rafmagnsviftu til að koma reiminni fyrir en það er bara smá fórnarkostnaður, skiptir ekki öllu.
En það verður ekki farið í þetta i vetur, ég er frekar að pæla í að kíkja á þetta í sumar eða næsta vetur.
You must be logged in to reply to this topic.