Blanda og Eyfirðingaleið

Farðu bara á fólksbílnum, það er búið að malbika nánast kjalveginn og allt brúað.

ps. hafðu samt grímu fyrir öndunarfærinn því það er mikið ryk.

Ég mundi afla mér upplýsinga hjá kunnugum.
Það er yfir jökulár að fara og algengt er að menn fari þessa leið á haustin þegar lítið er í ám. kv. Ingvar

Sæll Fastur,

Ég hef farið þessa leið nokkuð oft að sumar-, haust- og vetrarlagi.
Leiðin er nokkuð greinileg og vöðin ekki sérlega vatnsmikil. Þó ekki ráðlegt að fara einbíla nema þá á mjög öflum bíl.
Blönduvaðið er næst Kjalvegi og venjulega greinilegt og án vandræða. Strangakvísl hefur ekki verið erfið en síðan þegar þú nálgast Ingólfsskála eru nokkrar sprænur sem geta verið erfiðar, sérstaklega seinnipartinn.
Bið Herjólfslækjarupptök geta verið tveir leiðinlegir lækir.
Frá Ingólfsskála austur á Sprengisand er mjög þægilegt, við höfum komið að bílum föstum við Ásbjarnarvötn en þá mjög lítið eða óbreyttum bílum.

Vonandi hjálpar þetta eitthvað, ef þig vantar meiri upplýsingar láttu mig þá bara vita.
JWG

Sæll Fastur,
Þetta eru alltaf stórar spurningar, undir venjulegum
kringumstæðum ætti þetta ekki að vera neitt mál.
Síðast þegar við fórum þetta haust 2001, vorum við einbíla
á 44", loftlæsingar framan og aftan, milligír, glussaspil,
dísel og fullt af spottum og dóti.
Þegar við komum vestur á Kjalveg hafði bíllinn í þrígang
sopið á jökulvatni, inn um lofthreinsara og inn á mótor.
Spila þurfti bílinn upp úr a.m.k. tveimur saklausum lækjum
sem voru leiðinlega grafnir.
Vatnsföllin voru ekki óeðlilga mikil eða neitt sérstakt sem
skýrði aðstæðurnar og venjulega myndi ég treysta mér til að
fara á bíl eins og þínum hafa varann á sér, vöðlur og græjur til að losa sig.
Niðustaðan er sú að ég ráðlegg þér ekki að fara leiðina
einbíla en held því ekki fram heldur að þú sért
bjartsýnismaður.
Þú skalt allavega eiga hauk í horni upp á björgun og ég minni
á atvik við Stöngukvísl fyrir nokkrum árum.
Kv. JWG

Sæll fastur.

Ég var á þessum slóðum fyrir u.þ.b tveim vikum síðan,
það er að segja ég ók Norðan úr Skagafyrðinum frá Varmahlíð og ætlaði að taka shortcut á kjalveginn.
Eftir að hafa ekið í um tvo tíma kom ég loks að BLÖNDU og leist satt best að segja mjög illa á blikuna.
Við reyndum að vaða ánna en hún reyndist vera of djúp og straumhörð fyrir okkur og teljum við okkur þó vera mikil heljarmenni…….,það varð á endanum úr að við snérum við og kræktum fyrir blöndulón þó það tæki okkur rúma tvo tíma extra.
Það var frekar súrt að horfa á bíla keyra Kjalveginn í aðeins 500 metra fjarlægð.
Við vorum reyndar einbíla en á þokkalega góðum áabíl þ.e. 35"Hilux disel.

Með bestu Kv: Kátur.

Sæll Kátur og líka Fastur

Ég tel að Kátur sé ekki að tala um Eyfirðingaleið.

Þar eru engar brýr nema ein sem er austan við INGOLF.

Kátur, þú hlýtur að hafa farið upp á Eyvindarstaðaheiði
áleiðis að Kjalvegi, það getur tekið tvo tíma. Eyfirðingaleið er ekki ekin á tveimur tímum nema í góðum snjó.
Óbrúaðar ár/lækir á leiðinni eru frá vestri til austurs t.d.
1. Blanda
2. Eyfirðingakvísl
3. Svartakvísl
4. Herjólfslækur
5. Strangakvísl

Síðan eru 4 kvíslar á leiðinni frá Eyfirðingahólum að Ingólfsskála.
Þegar ekið er til austurs frá Ingólfsskála er eina brúin á leiðinni austan við Ásbjarnarfell yfir Fossá.
Þetta er Eyfirðingaleið.
Kv. JWG

Sæll Grétar.
Leiðin sem ég ók var Suður Mælifellsdal og Haukagilsheiði Austan við Aðalmannsvatn og Blönduvatn, Vestan við Ströngukvíslarskála og yfir Ströngukvísl,Herjólfskvísl,Svörtukvísl og að Blöndu þar sem ég snéri við og fór til baka sömu leið aðeins Norður af Strö.Kví.skála þar sem ég tók aðra leið sem liggur á milli Blönduvatns og Blöndulóns og niður í Blöndudal, úfff.
Ég verð að viðurkenna að ég hef ekki hugmynd um hvað þessi leið heitir, Eyfirðinga eða Kjalvegur???, en endilega fræðið mig aðeins um málið.

Með allra bestu Kv:Kátur.

sælir félagar
fór á laugardag í ingólfsskála til að skoða umrædda leið það var stutt skoðun því áin sem rennur rétt við skálann var í ferlegum ham og virtist geta fleitt skriðdreka til sjávar getur verið að hún heiti (jökulfall) upplýsingar um rett nafn vel þegnar.
fórum skemmtilega stikaða leið frá skála upp að jökli þar er yfir nokkrar jökulsprænur að fara og voruþær talsvert vatnsmeiri á bakaleiðinni eftir ca 20 min stopp uppvið jökul