Bláfjöll, utanvegaakstur

Þetta vatnsverndarsvæði er stærra en þið haldið, ég er ekki frá því að það nái frá Bláfjöllum og að Nesjavallaveginum!
Og Skiltið sem bannar utanvegaakstur er nú bara 100m inná Bláfjallaafleggjaranum.

Það var hérna um árið að menn fóru eitthvað að spá i þessum vatnsverndarmálum og hrúgað var niður skiltum um hvippinn og hvappinn! Lögð boð og bönn um hinu ýmsu svæði, en svo þegar sveitastjórnarmönnum er skipt út þá eru þeir kannski ekki meðvitaðir um þetta og veit ég dæmi þess. .

..svo fyrir mér virðist um ofverndun að ræða á einhverjum svæðum allavega.

En skiljanlega er öll umferð um skíðasvæðin bönnuð.

Þessi mynd er tekin af bílastæðinu í Bláfjöllum 2004, (jeppi á myndinni er þó sennilega frá veðurstofunni.)
Staurarnir liggja við hlið göngubrautarinnar. Þetta svæði var allt útspólað nú um helgina.

[img:1kdvybcw]http://www.ismennt.is/not/geirs/picture3-014m.jpg[/img:1kdvybcw]

"Annar tveggja staða þar sem ég hef keyrt er upp slóðann sem er meðfram stólalyftunni í suðurgili og svo í áttina að hafnarfirði frá bláfjallaskála, beint yfir hraunið."
– Þessi lýsing á eiginlega nákvæmlega við það að keyrt sé yfir skíðasvæði. Svo virðist það vera þannig að menn keyra ekki alltaf í sama slóða eftir hvern annan (furðulegt?) sem væri þó skárra, þannig að fljótlega verður allt í förum.

"Það er þó ekki þannig að það ætti að koma á neinn hátt niður á skíðamönnum."
– Þegar við skíðum með kite erum við yfirleitt á 40-70 km hraða, það er auðvelt að vippa sér yfir kannski ein för á ferð en allt út í förum er ómögulegt. Við lifum í sátt við gönguskíðafólk og á meðan þeirra svæði er virt þá er ég sáttur.

"Mér finnst bara með þessa skíðastétt, eins og svo margar aðrar að þeim finnst sem þeir eigi allan rétt."
– Auðvitað, þetta er skíðasvæði.

Þannig að á meðan akstursbann á skíðasvæðinu er virt (þ.m.t. gönguskíðasvæði) þá er ég sáttur.

[img:3d7bsxsd]http://www.mmedia.is/~essoblaf/blafjoll.jpg[/img:3d7bsxsd]
Það er hætt við að snjórinn minnki eitthvað því það lítur út fyrir talsverða hláku á morgun.

-Einar

Nú er mér alveg nóg boðið. Ég virðist bara hafa kveikt áhuga ykkar á að keyra þarna uppfrá frekar en hitt.
Vona samt að þeir sem einhverju ráða í þessum félagasamtökum taki þetta alvarlega og reyni að koma í veg fyrir svona lögbrot. Ég hélt reyndar að það væri m.a. tilgangur samtakanna að bæta ímynd jeppamanna og standa fyrir fræðslu um málefni eins og þetta. Ég get ekki annað en lesið milli línanna þegar ég les comment eins og þetta;
"Það er kannske ekki aðalatriðið í þessu samhengi, hvaða reglur eru nákvæmlega í gildi á Bláfjallasvæðinu …". Þannig að ég held að þið túlkið reglurnar nákvæmlega eins og ykkur hentar ef þær eru til fyrir.
Ég á seint eftir að ganga í þennan félagsskap þó ég hafi oft velt því fyrir mér. Mér er lítið ágengt hér með frekar vinsamlegum tilmælum og leita annarra leiða í þessu baráttu minni.
Ég á erfitt með að leyna vonbrigðum mínum þegar ég las síðustu póstana á þessum þræði og komast m.a. að því að þeir sem ég stóð að verki um síðustu helgi væri meðlimir í klúbbnum. Var alveg klár á að meðlimir klúbbsins kynnu að meta ferðafrelsi sitt um landið og væru ábyrgir aðilar. Annað sýnist mér vera reyndin (með þó vonandi algjöran minnihluta klúbbsins).
Ég þakka þó þeim fjölmörgu sem tóku þessu erindi á jákvæðan hátt og í sönnum anda landverndar.

Kveðja, Geir Sverrisson

sæll Geir
Mér finnst þú hafa heldur betur snúist 180° í afstöðu til okkar jeppamanna án nokkurrar sýnilegrar ástæðu. Ábendingin var góð og gild hjá þér og eins og þú sérð í þræðinum þá hefur hann verið lesinn yfir 1600 sinnum og því skilaboðin komist til margra í klúbbnum.
Þessi viðsnúningur er nokkuð merkilegur, sérstaklega þegar eftir nokkra pósta (meðal annars frá formanni klúbbsins og a.m.k. einum stjórnarmeðlim) um réttmæti ábendingar þinnar skrifar þú "Ég þakka mjög svo jákvæðar undirtektir og umræður við þessari ábendingu minni. Var hálf hræddur um að verða skotinn í kaf…."
Áfram héldu þessar umræður (mestmegnis um reglugerðir) og kemur einn fram á sjónarsviðið og viðurkennir að hafa ekið þarna utan vega (hver segir að það hafi verið hann sem þú greipst) og þú svaraðir honum málefnalega og klikkir út með "Þannig að á meðan akstursbann á skíðasvæðinu er virt (þ.m.t. gönguskíðasvæði) þá er ég sáttur." EINN aðili stígur síðan fram á sjónarsviðið og ætlar að kíkja á aðstæður og þú verður alveg bananas !!!!!!
Þessi viðbrögð eru engan vegin í takt við þráðin og þau vinsamlegu og jákvæðu viðbrögð sem þú fékkst hjá flestum hér og að slíta skrif Einars algjörlega úr samhengi eins og þú gerðir eru léleg vinnubrögð.
Fyrir mitt leiti þá finnst mér mikilvægt að það komist á hreint hvaða opinberar reglugerðir gildi um svæðið þar sem mér finnst í lagi að menn aki á vélknúnum ökutækjum á svæðinu svo lengi sem það er ekki INN Á EÐA Í NÆSTA NÁGRENNI VIÐ SKÍÐASVÆÐIÐ. Þessi tveir hópar fara engan vegin saman á sama stað. Við munum þó að sjálfsögðu fylgja settum reglum ef þær eru til staðar.
Ég styð þig því í þessari baráttu að mestu leiti en vill þó ekki að Bláfjallafólksvangur sé allur undirlagður undir íþróttaiðkun sem fer aðeins fram á hluta hans.
kveðja
Agnar

þegar Einar segir "Það er kannske ekki aðalatriðið í þessu samhengi, hvaða reglur eru nákvæmlega í gildi á Bláfjallasvæðinu" þá er hann augljóslega að taka undir eftirfarandi orð þín í pistlinum á undan "Ég ætlaði ekkert að standa í neinu reglugerðafjasi, heilbrigð skynsemi segir mönnum að þetta er bannað sama hvað tautar og raular. Það hefur reyndar enginn andmælt því hér að neinu ráði heldur einungis vangaveltur og mjög eðlilegt að menn vilji sjá það svart á hvítu."
Mér fannst bara slappt hvernig þú snérir augljóslega út úr hans orðum enda er maðurinn í umhverfisnefnd klúbbsins og mikill andstæðingur utanvegaaksturs.
Þegar þú byrjar póst á því að segja ´I rest my case – Nú er mér nóg boðið’ þá kallarðu fram viðbrögð eins og frá mér þar sem mér finnst nokkuð pirrandi að þú dæmir alla jeppamenn og klúbbinn út frá tveimur póstum í lokin á þessum þræði.
Gangi þér vel í baráttunni.
kveðja
Agnar