Bláfjöll, utanvegaakstur

Sammála Lúther, þetta er ekkert hart orðað og bara fín ábending. Líklega rétt að þrátt fyrir upplýsingaskilti eru ekki allir sem átta sig á að innan fólksvangsmarkanna er ekki ætlast til að ekið sé utan vega. Heiðin er hins vegar stór og nóg af stöðum til að spóla í snjó og lítið mál að láta tunnustöfunum eftir þetta svæði.
Kv – Skúli

Þessi þrjú eru þau einu sem ég veit um en sjálfsagt gildir svipað um nágrenni fleiri skíðasvæða. Eitt sem þarf að taka þarna inn í reikninginn og það er að það gildir sama um skíðamenn og jeppamenn, það láta sér ekki allir nægja að vera fararmenn. Á góðum gönguskíðum getur verið þess virði að fara út fyrir troðnu brautirnar og fara sínar eigin leiðir.
Kv – Skúli

Sælir

Við sem notum hálendið verðum tvímælalaust að bera ótvíræða virðingu fyrir því að vera ekki ein um vilja njóta hálendisins og snjósins. Okkur eru miklu fleiri vegir færir en t.d. göngufólki, skíðagöngufólki vélsleðafólki o.s.frv eða kanski ekki fleiri heldur aðrir vegir færir.

Fólk vill njóta þess að stunda sína útivist eins og þeim finnst henta án þess að verða fyrir ónæði af tækjum sem henta í allt aðra hluti.

Þess vegna ætti 4×4 að þakka Geir fyrir ábendinguna sem hefði mátt vera orðuð miklu harkalegra án þess að missa sannleiksgildi sitt og koma tilmælunum áleiðis til ökumanna jeppa og vélsleða.

Þetta er hlutur sem hálendisfarar verða að hafa í hávegum og það er að virða aðferðir náungans ti þess að upplifa náttúruna. Við getum á jeppum komist á 20 mínútum frá flestum þéttbýlisstöðum landsins á staði þar sem við ónáðum engann.

Sömuleiðis ber okkur að gæta og það væri þarft að gera meira mál úr því að þegar snjóar mikið innanbæjar hefur brugðið við að börn séu að leik á ófærum götum og jeppamenn hafi ekið á skafla þar sem krakkar hafa verið að leika sér.

Kv Izan

Maður hnýtur strax um Friðland að Fjallabaki – Það er vonandi ekki bannað að aka þar um á snjó….

En það væri vissulega þarft verk hjá stjórn og/eða umhverfisnefnd að fara ofan í sauma á þessu og birta hér lista með hnitum sem afmarka þau svæði sem að algert akstursbann ríkir á.

Benni

þannig Lúter, Benidikt það eru mismunandi reglu í Friðlöndunum einsog ég benti þér á. t.d er öll umferð bönnuð á vissum svæðum bæði akstur og mannaferðir og á öðrum stöðum er vélknúinn umferð bönnuð t.d á Hornströndum. Ég tel þetta í verkahring umhverfisnefndar ekki stjórnar

Sælir félagar
Bláfjallasvæðið er helsta vatnsöflunnar svæði Reykjavíkur og gilda mjög strangar reglur um alla umgengni og umferð um svæðið, það er til dæmis ekki rotþró við skálana heldur er öllu skólpi ekið á brott og öll tæki sem eru við vinnu á svæðinu verða að standast mengunar skoðun. Einnig er í gangi sérstök viðbragðs áætlunn ef árekstur verður eða bíll veltur og olía, bensín fer niður þá er einhverjum rúmmetrum af efni mokað í burt
kv
SIGGI

Sammála Eik. Það er misskilningur hjá Ofsa að það sé bannað að aka utanvega á snjó í friðlöndum, almennar reglur gilda um friðlönd svo fremur sem annað sé ekki tilgreint sérstaklega. Það er meira að segja sérstaklega tiltekið að það megi aka á snjó og frosinni jörð hvar sem er í Þjórsárverum.
Annars er þetta svolítið breytilegt í reglum um friðlýst svæði og stundum eru reglurnar það gamlar að það er ekki tekið tillit til aksturs á snjó. T.d. segir í reglugerðinni um Lónsöræfi:
‘Umferð vélknúinna farartækja er bönnuð nema á ógrónum áreyrum, vegum og öðrum merktum akslóðum innan svæðisins.’
Athyglisvert því þarna er tekið fram að það megi aka á ógrónum áreyrum, nokkuð sem gengur lengra í núverandi reglugerðu um akstur á hálendinu og eiginlega þyrfti þetta ákvæði að fara þar inn.
Hins vegar ekkert tiltekið um akstur á snjó, en ég held að það tíðkist nú samt.
Í flestum tilfellum er friðlýsing hið besta mál fyrir okkur sem viljum ferðast um óspillta náttúru þar sem friðlýsing er allavega oftast nær aðgerð til að koma í veg fyrir náttúruskemmdir, stórfellda mannvirkjagerð og fleira í þeim dúr. Akstur á á snjó og frosinni jörð veldur ekki náttúruskemmdum og á því ekki að vera neitt vandamál, þó á því séu einstaka undantekningar.
Kv – Skúli

P.s. smá viðbót hérna. Ég er að mistúlka Ofsa hérna, hann er ekki að halda fram að það sé bannað að aka í öllum friðlöndum eins og ég mislas hann, heldur benda á að hægt sé að skoða reglur um þessi friðlönd á ust.is

Af hverju geta ekki öll dýrin á snjónum verið vinir?
Mér finnst alveg grátlegt að ekki sé hægt að leyfa öllum að njóta jafn skemmtilegs svæðis og Bláfjallasvæðið er á jafnréttisgrundvelli. Bláfjallasvæðið er alveg einstök náttúruperla sem gaman er að ferðast um og ekki spillir fyrir að þar er mikil snjósöfnun þar sem snjórinn kemur snemma á haustin og fer seint á vorin.

Það er alveg nægt landssvæði fyrir alla og finnst mér að það mætti alveg skipta svæðinu niður svo allir geti verið ánægðir og haft sitt afmarkaða svæði til að vera á. Skíðasvæðið sjálft fyrir skíða/brettamenn, Heiðin há, við Suðurgil, fyrir gönguskíðafólk, Draumadalurinn fyrir norðan Framsvæðið fyrir sleðamenn og eitthvað annað svæði fyrir jeppamenn. Það væri vel hægt að skipta svæðinu svona svo að allir hafi sitt svæði til að vera á og trufla ekki hver annan.
Af hverju geta ekki öll dýrin á snjónum verið vinir?

Kv, ÓAG.

Ég þakka mjög svo jákvæðar undirtektir og umræður við þessari ábendingu minni.

Var hálf hræddur um að verða skotinn í kaf.

Hér e-staðar að ofan er verið að reyna grafast fyrir um akstursbannið án árangurs í reglugerðum á vef umhverfisstofnunar. Þar er vísað í reglugerð Reykjanesfólkvang þar sem ekki er tekið á akstursbanni en í reglugerð um Bláfjallafólksvang er tekið fram að "Stjórn fólksvangsins er heimilt að takmarka eða banna umferð vélknúinna farartækja innan marka fólkvangsins." (Slóðin er: http://www.ust.is/LogOgReglur/Fridlysingar/Folkvangar/nr/253)
Bláfjallafólksvangur er rekinn sameiginlega af nærliggjandi sveitafélögum. Það er því sameiginleg nefnd þeirra sem setur reglur er varðar fólksvanginn. Ofangreindum aðila tókst ekki heldur að finna reglur er varðaði akstursbönn vegna vatnsverndar á vef skíðasvæðis Bláfjalla en þessi texti tekur á því. "Bláfjöll eru innan vatnsverndarsvæðis og því er þar allur utanvegakstur með öllu óheimill." (Slóð: http://www.skidasvaedi.is/article.asp?catID=18&ArtId=10)

Ég ætlaði ekkert að standa í neinu reglugerðafjasi, heilbrigð skynsemi segir mönnum að þetta er bannað sama hvað tautar og raular. Það hefur reyndar enginn andmælt því hér að neinu ráði heldur einungis vangaveltur og mjög eðlilegt að menn vilji sjá það svart á hvítu.

Með þökkum, Geir

Ég skal vera fyrstur manna hér til að viðurkenna það að ég hafi keyrt utan vega í bláfjöllum.

Það er þó ekki þannig að það ætti að koma á neinn hátt niður á skíðamönnum.

Annar tveggja staða þar sem ég hef keyrt er upp slóðann sem er meðfram stólalyftunni í suðurgili og svo í áttina að hafnarfirði frá bláfjallaskála, beint yfir hraunið.

Ég hef orðið var við mikið hatur í minn garð þegar ég framkvæmi þessar æfingar mínar svo ég reyni að halda þeim í lámarki.

Mér finnst bara með þessa skíðastétt, eins og svo margar aðrar að þeim finnst sem þeir eigi allan rétt.
Ég á yfirleitt árskort í bláfjöllum og hef mikið gaman að því að vera þar á mín bretti, en ég vill líka geta verið í nágreninu á jeppanum og finnst það tvennt alveg geta farið saman.

(minnist þess bara þegar ég var á krossara og fór eitthvað út úr bænum. Hitti oft hestamenn sem voru að vonum brjálagðir og sögðu mér að fara annað. Þar til ég áttaði mig á því að reykjavík er umkringd hestasvæði. Frá Reykjavík og út á land verður maður að fara um hestasvæði, hvað svo sem tautar og raular. Þetta varð þess valdandi að maður gafst upp og hætti að skeyta um reiða hestamenn. – ég vona bara að þetta verði ekki rauninn um skíðamenn – )