Björgunarsveitarmenn sér til skammar á Fimmvörðuhálsi

Sæl veriði. Svo að ég felli nú dóm hér líka í þessari "upplýstu" umræðu að þá er Atli hér að tala út frá gremju en ekki af yfirvegun og yfirsýn. Það þýðir ekki Atli að ég þoli ekki rökræðuna, mér finnst hún góð. Ég er einfaldlega bara að mestu leyti ósammála þér.

Ég er búinn að vera þarna uppfrá flesta daga frá því á síðasta sunnudag (er ekki í bj.sveit eða á þeirra vegum) og verð að hrósa bjrgunarsveitarfólkinu þarna upp frá af heilum hug. Það hefur oft verið ótrúlegt að horfa upp á ömurlega hrokafulla framkomu fólks gagnvart þeim þarna. Svona "hvað þykist þú vera þarna helvítis skátabjáni" viðhorf sem að við getum öll skammast okkur fyrir. Þetta fólk stendur þarna vaktina í nafni Almannavarna og er það skilgreint sem partur af hlutverki sveitanna að bjóða sig fram í þá vinnu þegar þörf er á. Eftir síðasta þriðjudagskvöld, þar sem að fólk stóð í hópum ofan á snjófönninni austan af hrauninu sannfærðist ég um að oft þurfum við einfaldlega forsjárhyggju. Nema að við viljum bara líta undan og leyfa náttúrulögmálinu að eyða nokkrum sem ekki eiga í raun skilið að lifa af út frá því. Ég myndi alveg vera til í að skoða þær rökræður líka.
Fönnin var að bráðna undan þeim og mikil hætta á gufusprengingum að sögn jarfræðinga þarna á svæðinu. Fólkið hlustaði engu að síður helst ekki á beiðni hjálparstarfsmanna þarna á svæðinu um að færa sig aðeins aftar, heldur hélt bara áfram að taka af sér og öðrum myndir. Þar á meðal var m.a. einn félagi minn sem að síðan varð alhvítur í framan þegar að brotnaði skyndilega undan honum og hann súnkaði 30 cm. niður í snjó. Honum til happs að hann spratt eins og froskur upp úr.

Eina undantekingin sem ég vil gera við ánægju mína með störf björgunarsveitarfólksins þarna upp frá er sá sem að var þarna í gær á Ársæls Patrolnum austan við eldri gíginn. Hann ók eins og bandíti á fullu gasi, aftur og aftur fram og til baka þarna. Ók í veg fyrir fólk, bíla og vélsleða með mjög ógnandi hætti og hreinlega hellti sér yfir fólkið. Hver svo sem að hann er, þarf sá aðili verulega að endurskoða á hvaða forsendum hann kýs að "hjálpa" fólki.

Stöndum saman. Um leið og eitthvað alvarlegt gerist verður okkur hinum alfarið bannað að fara þarna, eða það reynt. Það er því hagur okkar allra að þetta fari fram með sem öruggustum hætti.

Já þessi bloggari er nátturulega bara fáfróður, þar sem greinilega er um snjóakstur að ræða. ,þó svo að þetta sé nú ekki mjög fagurt að sjá, hverfur þetta eftir sirka 2 vikur….

kv
Gunnar sem á líklegast 1 farið þarna.

Ég var þarna uppfrá um daginn og var þarna þegar byrjað var að segja fólki að færa sig frá gufunum, þeir sýndu mér ekki hroka bara smá yfirvaldsfíling, líklegast eins og þeim var sagt, þannig að þeir fá toppeinkunn frá mér.

Annars sá ég þá bara rúnta upp og niðureftir gosinu í útsýnisferðum, enda veðrið til þess og dýrðin af þessu gosi alveg frábær. Björgunarsveitarmenn eru nauðsynlegir fyrir vitleysingana hérlendis eins og þetta gos hefur sýnt. Það væri gaman að vita hvort þeir hafi þurft að bjarga einhverjum úr F4x4 félaginu á gallabuxunum þarna uppfrá eða hvort þetta séu bara sömu vitleysingarnari aftur og aftur að koma sér í vandræði útfrá vanþekkingu. Kannski vantar bara betri kennslu fyrir almenning fyrir útiveru á veturnar. Það er t.d. kennt fólki í skóla að lesa dönsku, en ekki að bjarga sér í fimbulkulda og skafrenning….hvort er mikilvægara

Það er alveg magnað hvað sumir geta orðið leiðinlegir og grimmir ef þeir verða fyrir smá gagnrýni.
Það er eins og það sé algerlega bannað að segja sýnar skoðanir á björgunarsveitum.
Ég var sjálfur uppi á gossvæði á fjórhjóli þegar nýja sprungan opnaði.
í mátulegri fjarlægð að sjálfsögðu, það var hverjum manni með fullu viti ljóst að þarna var engin sérstök hætta á ferðum gossvæðið breiddist ekkert út svo heita megi, og algerlega fráleitt að rýma jökulinn eins og hann leggur sig.
en panikkið hjá björgunarsveitunum var slíkt, allt að því ómálga börn sem kölluðu sig björgunarsveitamenn og voru í þar til gerðum göllum þustu út úr ecolinum björgunarsveitanna með skömmum og skelfingu. Að flæma fólk af jöklinum. (tek það fram að það voru líka vanir menn þarna undir stýri bílanna.)
Ég var bara alveg orðlaus yfir þessari forræðishyggju og heimsku og verð því að taka undir orð Atla hér að þetta var ekki alveg í lagi.

skyldi ég fá sms með´hótunum núna

[quote="lafsi":1cde3va2]…það var hverjum manni með fullu viti ljóst að þarna var engin sérstök hætta á ferðum gossvæðið breiddist ekkert út svo heita megi, og algerlega fráleitt að rýma jökulinn eins og hann leggur sig…

skyldi ég fá sms með´hótunum núna[/quote:1cde3va2]

Þá má með sanni segja að jarðfræðingar séu ekki með fullu viti. Sannleikurinn er sá að þeir höfðu ekki hugmynd um að ný sprunga væri að opnast, hvað þá hvar það gæti gerst. Það má vera að einhverjir ferðamenn séu það forspáir að vita þegar jörðin opnast að það muni ekki breiðast út, en því miður eru ekki allir þeim gáfum gæddir þrátt fyrir áralangt nám í jarðfræði og áratuga reynslu af hegðun eldfjalla.
Að sjálfsögðu er öllum heimilt að gagnrýna björgunarsveitir. Mér er fyrirmunað að skilja hvers vegna menn ættu að fá hótanir í formi SMS, eða einhverju öðru. Mér finnst umræðan oft hérna í upphrópunarstíl og harma það. Útgangspunkturinn er sá, að mínu viti, að björgunarsveitirnar eru að vinna þarna eftir sinni sannfæringu og að heilindum. Auðvitað gerist það alltaf að menn verða sér til minnkunar, á það jafnvel um björgunarsveitarmenn (ekki sveitirnar sem heild), lögregluþjóna og ferðamenn. Auðvitað reynir á þolrif manna þarna. Það er eðlilegt.
Setjum okkur í spor okkar, ef við skipulegðum ferð með 44" lágmarksstærð. Það mættu nokkrir 33" jeppar sem yrðu óðir yfir því að mega ekki fara með. Þetta væri frjálst land. Svo festu þeir sig. Hvað myndir þú gera? Skilja þá eftir bjargarlausa? Nei, auðviðað myndum við draga þá uppúr festunni og segja þeim að snúa við. Þá yrðu þeir óðir og segðu þetta frjálst land…. Þetta er í stórum dráttum það sem björgunarsveitir mega búa við.
Sýnum þeim smá snefil af skilningi og virðingu.

Það er nú svo skrítið með umræður hér á þessari síðu hvað mrgir vakna sem hafa allt á hornum sér og eru til vera með ráð undir rifi hverju, en eru þeir fyrstu sem fara ekki því hentar þeim ekki bara öðrum. það er alveg ótrúlegt hvað Manskepnan er
Heimsk þegar vá er yfirvogandi og vill hvergi fara, en önnur dyr forða sér,enda ekki furða þaug skinnja hættu betur en við .Við eru hætt að skilja náturna við vilju stjórna henni með öllum ráðum sem okkur dettur í hug . Hvað gerist þegar Katla vaknar í Águst þann 5-6 eftir Verslumanahelgi ?

KV,,,, MHN

„en það sem mér fanst mest pirrandi að einum og hálfum tíma seinna sá ég lest bíla keira jökulinn frá fljótshlíðini að gostöðvunum.“
Á hvaða leið skyldu þeir hafa verið? Og hvaða jökull ætli sé á milli Fljótshlíðarinnar og gosstöðvanna?

það er svolítið leiðilegt að lesa þessa umræðu hér. En máli mínu til stuðning segi ég frá þessu, ég fór þarna upp á fimmtudaginn og er þetta í fyrsta sinn sem ég fer á mýrdals/sólheimajökul en hvað um það þá hittum við á flubbana og spjölluðum nátturlega við þá (þar sem ég er nú í sömu sveit og þeir) og okkur voru bara lagðar línunar um það hvar við máttum fara. En auðvitað voru nokkrir sem þurftu að teygja puttana aðeins nær bannsvæðinu en nauðsinn var og voru að þvælast á svæðum sem fólk kanksi vissi ekkert um það er að segja hvort það væri sprungusvæði eða ekki. En hópurinn sem ég ferðaðist með gerði þau mistök að fara aðeins útaf leið og við enduðum inná skriðjökulssvæðinu en sem betur fer var langt niðrá sprungur. En á leiðinni heim þá fór ég sjálfur og ætlaði að hjálpa 2 mönnum sem voru fastir rétt utan leiðar og þegar ég var búinn að koma mér fyrir í það að draga annan þeirra upp þá rennir að okkur maður á sleða með Gps tæki og bendir okkur innilega á það að við erum á stærðar sprungusvæði og auðvitað fór hrollur um mann að fá að vita þetta en til allra hamingju þá skeði ekkert en hefði ekki verið fyrir þennan flubbó aðila þá hefðum við djöflast meira á þessum slóðum…

Þegar minn hópur kom svo að því að aka niður malarveginn þá blöskraði mér það hvernig menn keyrðu!! Ég varð að gjöra svo vel að keyra hálfur fyrir utan veginn til að verða ekki fyrir þessum aðilum sem voru á leiðinni uppá jökul, (þeir keyrðu alltof hratt). Það er því miður alltaf eins með okkur íslendinga að það þarf að verða stórslys til að við förum að taka mark á boðum og bönnum en til allara lukku þá hefur ekki orðið slys þarna uppfrá, en á föstudaginum langa þá réðu flubbanir ekki neitt við neitt því þeir voru svo fáir miða við fólksfjöldann sem var þarna á svæðinu og það leiddi til þess að fólk fór svo nálægt rennandi hrauni að littlu munaði að 5 manns myndu slasat þegar hraunið spratt framm og litlu mátti muna að jeppi yrði hrauninu að bráð.

Með þessum orðum vil ég þakka aðgæsluaðilum fyrir það að standa sína plikkt við gostöðvarnar og reyna forða fólki frá eigin dauða og eða slysi, með von um að allir komist að skoða gosið og eigi glæsilega páska.
Kveðja : Haukur Unnar

Einn punktur fyrir þig Atli, björgunarsveitir nefna aldrei kostnað við þær aðgerðir sem þær taka þátt í. Það er mjög oft reynt að gera það að fréttaefni ef um stóra aðgerð er að ræða. Í augum björgunarsveitanna þá er kostnaðurinn eitthvað sem enginn spáir í per se, það sem skiptir mestu máli er að sú aðgerð sem verið er að framkvæma heppnist vel.

Síðan eins og fram hefur komið hérna þá finnst misjafnt fólk í öllum röðum þjóðfélagsins og þar er engin undanskilin.

Síðan er annað sem er vert að komi fram, í fjölmiðlun fljótlega eftir að fólk fór að streyma á gosstöðvanar var viðtal við framkvæmdastjóra Landsbjargar og sagði hann að 99,99% væri vel út búið og væri til fyrirmyndar í alla staði, það sama sagði fulltrúi almannavarna.

Mér finnst bara vert að réttar staðreyndir komi fram, það er ekki rétt þegar að talað er um að björgunarsveitr, lögga, almannavarnir séu að finna öllum allt til foráttu sem fara að skoða gosið. Voru ekki ca 25.000 manns sem fóru að skoða gosið fyrstu helgina, það er ca 8% þjóðarinnar.

Við skulum ekki gleyma því að þarna er eldgos í gangi og það er fólk sem þarf að taka ábyrgð og ákvarðanir er varða öryggi og jafnvel líf fólks. Það er auðvelt að sitja á hliðarlínunni og gagnrýna þegar að maður getur talað án þess að þurfa að taka eina einustu ákvörðun eða ábyrgð á neinum nema sjálfum sér,

Auðvitað væri langbest ef allir væru fullkomnir og alltaf myndi allt ganga eins og í sögu, raunveruleikinn er bara ekki þannig.

Verum jákvæð, njótum þess að skoða þessa náttúrudýrð, berum virðingu fyrir náttúrunni og umfram allt verum ekkert að pirra okkur þó á vegi okkar verði fólk sem af einhverri ástæðu fer í tauganar á okkur.

[quote="Atli":2ue96tru]Svona heilt á litið þá virðast flestir vera mjög ánægðir með það að láta unga "sérþjálfaða" stráka í löggu-leik og oft á tíðum með dónaskap, hugsa fyrir sig, því menn treysta sér ekki til að bera ábyrgð á sjálfum sér.
(held reyndar að þeir sem eru eldri og reyndari í björgunarsveitum séu ekki svona sýnilegir og því fáum við sjaldnar að kynnast þeim)

Gott og vel, enn getum við hinir ekki fengið bara límmiða í rúðuna þar sem beðist er undan svona þjónustu?

MIg langaði reyndar til að spyrja ykkur sem eruð í björgunarsveit:
Hvernig fá fjölmiðlar fréttir (og oft nákvæmar lýsingar) af fræknum björgunarleiðangrum eftir íllabúnu fólki og jafnvel háum björgunarkostnaði sem eru stundum kannski ekki jafn stórfengleg björgunar-afrek í raun eins og hann hljómar í fréttunum?
(ætla samt ekki að gera lítið úr því að oft er verið að vinna við erfiðar aðstæður og í raun verið að vinna björgunar-afrek)

Finns oft eins og björgunarmenn fari varla út til að safna dósum án þess að það komi í fjölmiðla sem björgunarafrek á íllabúnnu fólki.[/quote:2ue96tru]

Bara á því að lesa þetta get ég ekki annað en vorkennt þér Atli. Held að þetta sé orðið ágætt hjá þér……..

Eitt finnst mér skína í gegn hjá téðum Atla og það er að hann talar eins og hann eigi einhverra harma að hefna gagnvart björgunarsveitum landsins, hvað gerðu þeir svona svakalegt á hans hlut, það hlýtur að hafa verið eitthvað mikið því slík er heiftin nema þá að hann langi svona að vera líka í „löggu og bófaleik“ þarna á Fimmvörðuhálsinum. Þeir sem sinna sjálfboðaliðastörfum á vegum björgunarsveita landsins eru bara menn eins og ég og þú og misjafnt hvernig menn höndla bæði streitu og mannleg samskipti, það breytir því ekki að menn eiga að sýna kurteisi en það er alltaf einn og einn sem kannski gleymir sér í hita augabliksins. Munum að björgunarsveitirnar eru ekki þarna af því að þá langi svo að vera þarna heldur eru þeir á vegum Almannavarna ríkisins og lögreglu. Björgunarsveitamenn eru ekki hafnir yfir réttmæta gagnrýni en hún þarf þá líka að vera málefnaleg. Svo eru alltaf fleiri en ein hlið á öllum málum og svo er líka örugglega í þessu tilviki. Við Jeppamenn vitum það manna best hvað fólk er gjarnt á að dæma marga af gjörðum fárra svo höfum það í huga.

Kv. Björn Ingi P.S. Ég er einn af þessum leiðinda gaurum sem er í björgunarsveit til að gera öðrum lífið leitt eða er það ekki??????