Björgunarsveitarmenn sér til skammar á Fimmvörðuhálsi

Svona svara björgunarsveitinar fyrir sig, láta verkin tala
[url:3dxeyanm]http://mbl.is/mm/frettir/innlent/2010/04/02/smala_folki_af_gossvaedinu/[/url:3dxeyanm]

Það eru tvær hliðar á öllum málum. Ég get vel skilið að björgunarsveitarfólk sé að reyna að halda einhverri reglu á hlutunum en hugsanlega getur það líka farið úr böndunum. Það er víst enginn fullkominn. Nú í kvöld er víst verið að smala liðinu og senda það niður af hálsinum. Ég get vel skilið það því í þessi 2 skipti sem ég er búinn að vera þarna hef ég séð bæði gangandi gesti og líka bíla sem áttu ekkert erindi þarna og er það bara tilviljun hvað veður er búið að vera gott. Ég treysti sjálfum mér til að vera þarna í brjáluðu veðri og bíða það af mér eða keyra niður af jökli, en ég er ekki viss um að margt af því fólki sem var þarna á ferð, ekki með talstöð og ekki með GPS, yrði rólegt ef skyggni yrði slæmt og bylur skylli á, en jú það er það sem gerist á svona stöðum. En verst þykir mér að lesa endalaust um það hvað við á ökutækjum eru miklir fantar og eru að flækjast fyrir gangandi fólki, sbr. frétt í mbl.is í morgun. Ég hef ekki heyrt um nein slys af völdum farartækja á göngufólki, en bara heyrt um vandamál v. göngufólks. En það er alltaf sett í búning óheppni og vankunáttu á meðan við sem erum á bílum og öðrum vélknúnum farartækjum eru sett í búning ökufanta sem helst viljum keyra allt og alla niður. Ég hefði viljað séð að þessari frétt á mbl.is væri svarað. En vonandi fer allt vel á Fimmvörðuhálsi.

Tvær hliðar…..

Ég get ekki annað en veri sammála Gústa, en þegar ég var þarna í á Fimmtudag þá var þarna mikið af fólki og bílar á ansi litlum dekkjum
en það virtist reddast því að þá var gott færi og veður.
Og gagnvart björgunarsveitum þá held ég að Atli sé að missa sig aðeins því ekki gat ég séð að þeir færu offari þennan tíma sem ég var þarna, þrátt fyrir að ég sé ekki hlyntur forræðis-hyggju frekar en hann;)
En ég var ekki nema í sex tíma á svæðinu, en það sem maður sá á þeim tíma, þá virtist allt fara fram með "friði og spekt".Og allir sem voru á svæðinu njóta þessa stórfenglega útsýnis sem var í boði.
En ekki get ég metið hvernig það er í öllum aðstæðum og ekki er það alltaf auðvelt að þurfa að passa upp á mis-gáfulegt fólk (eins og dæmin sanna)Sem virðast ekki hlusta á neinar leiðbeiningar og á ég þá sérstaklega við göngu-fólk, sem sérstaklega virðist vera að meta aðstæður rangt.
En eitthvað virðist allt þetta fólk samt vera að gera rétt, því að það er ekki mikið afa óhöppum ef miðað er við allan þann fjölda sem hefur mætt á svæðið.

kv,Tómas

Jæja strákar, ég sé að þið eruð að missa ykkur hér á spjallinu yfir forræðishyggjunni á Fimmvörðuhálsi. Sem betur fer hef ég bara "misst mig" hér í eldhúsinu mínu á Akureyri svo að ég skil ykkur vel, báðar hliðar… Mikið djöfull vildi ég vera þarna sunnan við og sprauta þarna uppeftir, ég er nokkuð viss um að ég mundi ekki hlíða einhverjum lokunum sem mér þætti ekki eiga við, en það er alltaf gott að vera "sófa riddari".

Kveðja:
Erlingur Harðar

Sælir félagar

Það er einhvað til í öllu þessu sem er verið að skrifa um hérna, og það er ansi margt sem ég er samála og líka sem ég er ósammála.
Ég hef reyndar ekki farið enn upp að gosinu en hef heyrt margar sögur þaðan tengt mínu fólki og öðru. Og vissu lega þarf að hugsa fyrir sumt fólk það er nú bara staðreyndin, og hvað þessi borði/girðing er staðsett má deila um.
Sá sem vill sjá meira vill komast nær er það ekki?
Félagar í kring um mig hafa verið í hraunjaðrinum þar sem það er storknað og stigið þaðan frá og ekki löngu síðar komið smá spíja þaðan og lent nálægt því þar sem þeir stóðu.
Þannig að það er verið að gæta að fleiru en því að fólk fari ofaní gýjinn sjálfan eða aðra hættulega staði.
Hvað varðar starf björgunarsveita þarna er að þær eru að fara eftir því sem lögregla biður þær um að gera og líka að fyrir byggja að illa fari fyrir fólki hvort sem það er göngufólk eða fólk á vélknúnum faratækjum.
Vanur jeppamaður getur farið sér jafnt að voða á þessu svæði eins og óvanur, ég heyrði góða sögu af MJÖG VÖNUM jeppamanni sem gerði sér það að leik að keyra upp í hrunið þannig að hluti eða öll dekkin voru á hrauni til að ná mynd að bílnum. Svona atvik gera það að verkum að það þarf að hugsa stundum fyrir aðra.
Með að reka fólk niður eins og hefur gerst stundum í þessu gosi er bara verið að fyrir byggja vandræði þó að vanur einstaklingur treysti sér að vera á þessum slóðum er ekki hægt að treysta á að óvanur bregðist rétt við ef illa fer, og það sem er verið að gera með því að ríma svæðið þá er komist hjá allri missmunun.
Staðreyndin er sú ef þú mátt þá má ég líka

kv. Bjarni Sigfússon
starfandi í björgunarsveit

Mig langar aðeins að tjá mig um þetta.
Ég fór á jökulinn um daginn, og það fyrsta sem ég tók eftir var hversu mikil bjartsýni ríkti í fólki. Bjartsýni með að komast á hvaða farartæki sem er að gosinu. Econoline á of litlum dekkjum, fullur af fólki, sat fastur uppá jökli, búinn að brjóta drifbúnað. Þar var beðið eftir illmennunum í björgunarsveitinni. Fjórhjól sátu föst á jöklinum, og svo má ekki gleyma fjöldanum af göngugörpum sem voru eins og þeir gerðu ráð fyrir að fá far í bíl niður aftur.
Mikill meirihluti ferðalanga var til fyrirmyndar og umgengust þeir eldstöðina af virðingu. Örfáir voru sér hreinlega til skammar (í augum okkar hinna) með fíflagangi á bjargbrún og uppstillingum undir funheitum klettum sem gátu hrunið hvenær sem var. Það er eins og alltaf, fámennur minnihluti besservissera og sérfræðinga með áhættugenið sem ekki var til friðs. Ég frétti frá fyrstu hendi af virðulegum fjölskyldumanni á sextugsaldri sem öskraði á lögregluna að þetta væri frjálst land, og gaf henni svo ,,fokkmerki", þegar hann var beðinn að víkja af staðnum rétt eftir að seinni sprungan opnaðist. Á þetta horfðu björgunarsveitarmenn, sem að sjálfsögðu hefðu farið til björgunar ef þessi kurteisi maður hefði farið sér að voða. Maðurinn fór svo um leið og hætt var að tala við hann. Hann vann (að eigin áliti).
Þetta snýst allt um heilbrigða skynsemi. EKKI stolt. Því miður eru það alltaf einhverjir sem fyllast reiði þegar þeir eru beðnir að víkja, og misskilja það sem einhvers konar yfirgang. Þeir skulu sko ekki ,,tapa" fyrir einhverjum björgunarsveitarmanni sem hefur ekki ,,vald" til að reka hann í burtu. Málið er samt örlítið flóknara en það. Þessir sömu björgunarsveitarmenn eru kannski að koma í veg fyrir að þeir þurfi sjálfir að vaða eld og brennistein eftir hinum tapsára snillingi þegar hann er búinn að klúðra sér á hugrakkan hátt og sér enga aðra leið út en að hætta að bölva björgunarsveitinni og bíða þægur.
Óskandi væri að allir gætu skilið (99% vita það nú þegar) að það er ekki illmennska sem býr að baki þegar fólk er beðið að fara sér ekki að voða.
Náttúran verður ekki grimmari en í eldgosi. Það er hálf skrítið að standa og horfa á svona hamfarir, ekki þýðir að gala ,,umhverfismat" eða reyna að gera eitthvað. Gagnvart svona stendur maðurinn algerlega bjargarlaus og getur ekkert gert. Kannski það fari í skapið á fólki…

Ágæt saga, en verður ekki til þess að ég fordæmi björgunarsveitamenn eða lögreglu á gosstöðvunum. Alls staðar eru til svartir sauðir, líka í lögreglu (að því gefnu að sagan sé rétt, en við höfum aðra hliðina eingöngu).
Hins vegar hef ég vissa samúð með þeim sem starfa þarna uppfrá. Fólk er ennþá að lenda í vandræðum vegna forheimsku og vanbúnaðar, og þá er ætlast til þess að því sé bjargað. Það hlýtur að fara í taugarnar á mönnum að horfa á eftir svona fólki, vitandi að það stefnir í vandræði. Við getum gefið okkur að ef allir hefðu ferðast af skynsemi (eins og mikill meirihluti hefur gert, en ekki allir) þyrfti ekki björgunarsveitir og lögreglu á staðinn.
Mikið er ég hræddur um að þessir fáu, háværu og óvarkáru myndu baula ef enginn nennti að bjarga þeim þegar þeir færu sér að voða.

p.s. Ég er ekki í björgunarsveit, en ber mikla virðingu fyrir starfi þeirra.

Ekki reynir maður að mótmæla pósti sem settur er inn af svona rökfestu, en get þess að ég er enn meðlimur í 4X4 þrátt fyrir að eitt sinn svínaði á mig jeppi.

Minni á bloggarann sem elskar ekki jeppamenn.. hans skrif eru oft í þessum sama stíl og er að finna í þessari umræðu… Ekki eru allir hrifnir af honum þegar hann skrifar. Held menn ættu að þakka fyrir það að einhverjir standi vaktina þó hún sé að einhverra mati of þétt staðin, það þarf ekki að segja mér hvernig umræðan hefði verið ef 50 göngumenn og 10 jeppar og 4 fjórhjól hefðu orðið föst uppi á hálsi í nótt.
Hugsum málin til enda og skoðum þau frá öllum hliðum, þessi minnihlutahópur sem jeppafólk er að verða má ekki við því að fá á sig aðra eins álitshnekki eins og að skíta yfir björgunarsveitir og þeirra starf.

Kv. Hjalti sem er ekki björgunarsveitarmaður..