Björgun jeppamenningar!

Hvaða breyttu farartæki voru notuð við Geysis slysið ???

Er annars sammála því að við þurfum að herða áróður um okkar málstað, svo ekki verði valtað yfir okkur af kreddupúkum sem ekki vita neitt í sinn haus.

Hlynur

Nú er tækifærið fyrir þá sem eru að fara á aðalfundinn á mánudaginn.
Komið með tillögu í þessa veruna og hafið hana skriflega og útfærða og stuðningsmann sem fylgir henni úr hlaði. Ég myndi gera þetta sjálfur ef ég byggi ekki á Akureyri.
"Hlynur" Þegar ég vitnaði í Geysis slysið þá var ég að hugsa um fyrstu jeppabreytingarnar sem voru í þá veruna að byggja yfir jeppana almennilegt hús sem héldi veðri. En þetta tel ég vera fyrsta skrefið í þá átt að aðlaga jeppana að okkar aðstæðum.

Halldór A-111

Ef að fólk er svona "hrætt" við að mæta stórum breyttum jeppum, skítur það þá ekki næstum á sig við að mæta flutningabílum ?

Stór flykki með eftirvagn og 16 hjól og keyrir á
120+ km/klst.

Bara smá punktur frá mér.

Þetta er svolítið undarlegt með hraðahámarkið í nýjum og nýlegum vöru og flutningabílum, ég hef mörgum sinnum tekið eftir hraðanum hjá þeim með því að keyra á sama hraða á eftir, stundum kemur það fyrir að ég er á 110 km/h á mæli á fólksbíl, skekkja mælisins gefur að flutningabíllinn er á 100 km hraða sem er of hratt fyrir hámark 44 tonn án undanþágu. Svona bíll stoppar ekkert voðalega fljótt og ef hann lendir á einhverju, alveg sama hverju, þá er það gjörónýtt. Ef minni bíll lendir í árekstri við stóran þungan þá er það yfirleitt banaslys, ef ekki að margir deyji.

Kv. Ásgeir

"Tröllin" á vegunum.

Það er nefnilega þetta með hraðann á "slæmum" malarvegum.
Ég held nefnilega að Skúli hafi hitt naglann á höfuðið hvað varðar aksturslag sumra á breyttum jeppum á malarvegum.
Það finnst mörgum gaman að "ralla" Kaldadal, Kjöl, Sprengisand og fleiri leiðir á mýktum 38"+ dekkjum, jafnvel svo jaðrar við alvöru rallý keppni (þegar tveir jeppakarlar koma saman??, það er ekki bara á jöklum sem menn mana hvorn annan til kappaksturs)

Fólki á óbreyttum jeppum, jepplingum eða þaðan af minni bílum sem er þarna á ferð og læðist eftir vegunum og reynir að þræða milli hola og hvarfa því annars hristist það og skekkst svo glamrar í tönnum og bíllinn dansar nánast stjónlaus um allan veg líst hreinlega ekkert á blikuna þegar svona líka "tröll" koma æðandi í rykmekki á móti.

Þetta fólk (ég hef verið í þessum hópi áður en ég uppgötvaði undur stóru dekkjanna) telur, miðað við hvernig því gengur að aka eigin bíl á þessum tilteknu vegum að "tröllin" hljóti hreinlega að vera algerlega stjórnlaus og ökumennirnir Klepptækir!! Það krossar sig og reynir að forða sér sem best það má áður en þetta stjórnlausa flykki kemur!!! Og segir svo söguna þegar það kemur til "byggða".

Í "tröllunum" er allt hins vegar með ró og spekkt, menn bara að skemmta sér við aksturinn og njóta tækisins og sitja nánast eins og í stofunni heima hjá sér. Holur, hvörf og hryggir "fletjast út" þegar góð fjöðrun og mjúk dekk vinna saman.

Þessu er bara erfitt að trúa þegar maður er að skakast þetta á sínum óbreytta "fjallabíl" og hefur ekki reynslu af öðru.

Þarna eru breyttu jepparnir á heimavelli, það vitum við og því verðum við að axla þá ábyrgð sem því fylgir og hliðra til fyrir öðrum "gestum". Hægja á og víkja vel, því við erum einmitt á bílunum til þess (að víkja þar að segja, illar tungur halda því fram að með svona stór dekk undir bílunum ráði bremsurnar varla við annað en að hægja á "tröllinu". Já, en… þá er einmitt tilvalið að nýta "hægjurnar" og hægja á!)

Sama á við um akstur á snjóugum vegum (þá sjaldan það kemur fyrir nú orðið). Fólk er að paufast þetta í ökla djúpum snjó á fólksbíl og finnst nóg um, þá kemur "tröll" æðandi á móti í snjókófi og greinilegt að bílstjórinn hlýtur að vera brjálaður að aka svona í þessari "ófærð". En hann er kannski að koma ofan af jökli og í samanburði við það finnst honum ökla djúpur snjór autt malbik og engin ástæða til að "lúsast" áfram.

Það er nefnilega allt annað sjónarhorn á "ófærðina" að sjá hana að ofan, úr breyttum jeppa, eða sitja í henni í fólksbíl, hreint ótrúlegur munur á færð á sömu götunni eftir því hverju maður ekur.

Þarna verðum við líka á gæta að okkur og sýna tillitsemi, það er auðvelt að víkja á breyttum jeppa, sér staklega að víkja þar sem skaflinni er stærstur og aka upp á hann svo "litlu" bílarnir komist framhjá.

Það er búið að vera að hnýta í flutningabílana, að þeir séu ekki skömminni skárri á vegunum. Þeir hafa (bílstjórnarnir) margir hverjir tekið sér tak, víkja vel þegar þeir mæta annarri umferð og færa sig út í kannt og gefa stefnumerki til að hleypa öðrum fram úr þar sem færi gefst (Sannir atvinnumenn sem taka vinnuna sína alvarlega og taka tillit til "áhugamanna" og "viðvaninga" og eru til fyrirmyndar í umferðinni.

Ég held að við ættum frekar að taka þá til fyrirmyndar og sýna gott fordæmi, við erum jú allir með bíladellu og þetta er okkar áhugamál.
Við teljum okkur yfirleitt vel yfir meðallagi góða bílstjóra (er það ekki?).
Sýnum það í verki og sýnum (og sönnum einu sinni enn) að breyttum bílum aka yfirleitt vel yfir meðallagi góðir bílstjórar, bætum bara tillitseminni við.

Langlokukveðja
Siggi_F

Núna þegar sumarið er að ganga í garð fer torfæran að komast á fullt skrið og henni verður líklega sjónvarpað,er ekki möguleiki að ræða við þá sem framleiða þá þætti og fá þá jafnvel til að gera þátt um breytta jeppa,eða að fara í samstarf við þá um einn eða tvo þætti.

Nú eða að ræða við þá í Umferðaráði um gera þátt eða þætti.

Hvernig er það var ekki Artic Trucks að gera einhverja þætti um breytta jeppa frá þeim einhvern tíman eða er það vitleysa hjá mér.

Svo er það líka möguleiki að ræða jafnvel Ómar Ragnarsson þann landskunna bílaáhugamann,kannski að hann eigi einhverjar spólur um breytta jeppa.

Það er líka jeppaáhugamaður að vinna á stöð 2 sem hefur verið að prófa hinu ýmsu jeppa og önnur faratæki fyrir Ísland í dag,kannski væri ráð að tala við þá á stöð 2 um gerð á einum þætti.

kv
Jóhannes
R-3257

Stórhuga og góðar hugmyndir sem hér koma upp. Þessi hugmynd um sjónvarpsþátt um jeppamennsku hefur töluvert verið að koma upp. Það er örugglega mjög gott mál og öflugasta leiðin til að fræða almenning um hvað þetta sport gengur út á, eyða ranghugmyndum og kynna klúbbinn. Ef við færum eitthvað áfram með þessa hugmynd væri fyrsta skref að fá einhverja kostnaðaráætlun á þetta, en tala upp á 5 millj. kæmi mér ekki á óvart og þá miðað við að fara frekar ódýrar leiðir en samt nógu faglegt til að sjónvarpsstöðvarnar gefi því séns. En þetta gæti samt verið góð fjárfesting því öflugri leið til að ná til almennings er ekki til.

Kv – Skúli

Sælir félagar.

Fín hugmynd með að útbúa þátt. Fullyrði það hér að ein milljón dugar fyrir fínum þætti. Auðvitað er enginn vandi að eyða fimm milljónum líka. Svo mætti örugglega finna einhverja með í þetta verkefni sem kostendur. Kannski ekki galið að leggja þetta til á aðalfundi í kvöld ? Veit til þess að menn eins og Birgir Þór og fleiri væru klárir.

Varðandi flutningabílana, þá er endalaus barátta að halda þeim við efnið. Hluti af þessari vinnu lendir á mér í starfi mínu hjá Flytjanda. Þegar nýjir menn eru ráðnir, þarf að fara með þeim í gegnum marga hluti og menn þurfa að læra að hinum reyndari. Einnig eru þessir reyndari að gera misstök, bæði stór og smá. Aðalatriðið í þessu er að fá alla með, allir þurfa að vera meðvitaðir um að það er verið að fylgjast með þeim, og taka á hverju einastu kvörtun sem berst. Þannig er hægt að halda þessu niðri.

Síðustu ár höfum við farið þá leið að líma aftan á flutningabílana, örstutt skilaboð til annara vegfarenda, hvað umræddur bílstjóri ætlar að leggja að mörkum í umferðinni. Skilaboð eins og "alltaf í belti", "á löglegum hraða" og fl. Það segir sig sjálf að ökumaður sem er með slíkan límmiða aftan á bílnum sínum vill með engu móti láta hanka sig á því sem stendur á límmiðanum.

Það væri því hugmynd að allir þeir sem sjá jeppamenn haga sér eins og kjánar í umferðinni / á fjöllum / eða annar staðar, gætu sent inn upplýsingar til Ferðaklúbbsins um atvikið. Hægt væri að taka á þessu innan stjórnar og tekið ákvörðun um að setja sig í samband við viðkomandi. Og aðallega til þess að sýna mönnum fram á það að það er berið að fylgjast með. Og er viðkomandi er ekki félagi í klúbbnum, eigum við líka að hafa samband og benda honum á þau mistök sem hann kann að hafa gert.

Ég hef td haft það sem venju, ef hringt er í mig vegna bílstjóra, hef ég samband við bílstjórann og fengið hans hlið á málum. Einnig hef ég náð saman í einu símtali, umræddum bílstjóra og þeim sem kvartar og heyrt þá báða lýsa sama atvikinu og oft munar þá ekki miklu. Það eru nefnilega þrjár hliðar á öllum málum. "mín, þín og síðan sú rétta".

Kv
Palli

Frábær hugmynd að gera sjónvarpsþátt þar sem farið er yfir málin. Mér finnst mjög mikilvægt að haldið sé uppi mótáróðri, það hefur jú hallað töluvert á þá sem aka breyttum jeppum undanfarið, þar sem neikvæðni í þeirra garð virðist hafa "snjóboltaáhrif", þ.e magnast upp. Breyttir jeppar eru nefnilega þjóðhagslega hagkvæmir (þetta er nú skattað í bak og fyrir), nauðsynlegir við björgunarstörf, nauðsynlegir fyrir þá sem leggja raf og símalínur, þá sem stunda vatnamælingar og önnur slík vísindastörf og svo mætti lengi telja. Fyrir utan skemmtanagildið og mannræktargildið sem er stórlega vanmetið. Hálendisferðir eru nefnilega hrein mannrækt eins og önnur náttúruskoðun.

Ég býðst hins vegar ekki til þess að leika í myndinni, sakir hallærisleika mín og ökutækis míns, en mun horfa spenntur þegar þar að kemur.

Kv. Drekinn

P.S Ég sé Ómar Ragnarsson fyrir mér sem þáttagerðarmann, enda maðurinn (meðal annars að sjálfsögðu) búinn að vera sýnilegasti talsmaður þess frelsis sem felst í því að komast um hálendið um árabil, að öðrum ólöstuðum. Gamla Toyotan hans kemst ábyggilega um allt nú eins og áður.