This topic contains 12 replies, has 1 voice, and was last updated by 
-
Topic
-
Best að vara menn við því sem ég lenti í um helgina en þar sem við vorum á tjaldstæði á suðurlandi gat einhver fundið það hjá sér að stela króknum af bílnum hjá mér. Ég var með síkkaðan krók sem einungis er nothæfur á háa bíla og datt því miður ekki í hug að taka hann af yfir helgina. Þegar átti að fara að huga að heimferð í gær sunnudag kom í ljós að krókurinn var á bak og burt og þurfti að fá fólk til að koma og sækja fellihýsið fyrir okkur. Ósvífninni eru greinilega engin takmörk sett.
-
Replies
-
Rétt er að eigendur dráttarkróka athugi regulega að festingar og splitti eru í lagi svo ekki hljótist tjón af.
Óþolandi þegar fólk stelur svona hlutum. Þarf maður nú að fara að punkta allan andskotann fastan við jeppann og ganga svo um með slípirokk í svissneska vasahnífnum.
.
kkv, Úlfr
E-1851
.
P.s. Dagur, átt þú ekki að vera farinn að sofa? Farinn að rausa tóma vitleysu held ég. Hehe
Ég lenti í þessu sama í Þórsmörk fyrir þremur árum. Við tjölduðum í Básum en skruppum í dagsferð yfir í Húsadal. Þegar ég svo kem til baka í Bása og sit við grill og bjór tek ég eftir því að krókurinn er horfinn. Þegar betur var að gáð og ég labba í kringurm bílinn voru hlífarnar af kösturunum horfnar líka. Þetta var allt á um morguninn þegar við fórum úr Básum. Við vorum sem betur fer í tjaldi þannig að ég þurfti ekki krókinn, en það er alveg ótrúlegt hvað menn leggjast lágt.
Daginn
Ég fann krók á veginum inn í Þórsmörk um helgina ef einhver hefur tapað svoleiðis. Símanúmerið er 617-6492 hjá mér.
Það eru skíthælar allstaðar – það eru til sniðugir boltar fyrir spil og króka sem eru með læsingum. Sá að Arctic Trucks var að selja þetta.
Annars er ég með þetta dót boltað fast þannig að menn þurfa allavega verkfæri til að ná króknum – auk þess er hann það síður að það eru fáir sem geta notað minn krók – nema kannski sem ripper.
Benni
Krókurinn fannst, þökk sé Helga. Splittið virðist hafa dottið úr þó ótrúlegt sé.
Kv.
Barbara Ósk
Það er kannski full bjartsýnt af mér en ég tapaði svona prófíl-dráttarkrók ca. 12 – 15 cm síkkun, um páskana inn við Bragabót eða Gjábakkavegi. Ef einhver hefur fundið hann þá væri æðislegt að fá hann aftur.
Kv. Magnús G.
Uppl. í GSM 896-8564
Ég tapaði felguró á leiðinni vestur, á melunum úr Þórsmörk á laugardaginn. Ef einhver hefur rekið augun í hana og/eða tekið hana með má sá hinn sami endilega hafa samband
Kv,
Sigurbjartur
Ég tapaði vitinu einhverstaðar á netinu, finnandi er vinsamlegast beðin um að prenta það út og senda í póstkröfu. Á sama stað óskast siðferði og samlund á miklu magni, þarf að ganga í Türhausen mykjudreifara með mjóa stútnum.
Ég googlaði á netinu og fann vitið en það hafði hreiðrað um sig vírus í því og hafði greinilega verið þar lengi, einskinvirði svo ég henti því. Restin hefur aldrei verið til staðar.
kv. vals.
En er svosem allt í lagi því ég fékk helvítð aldrei til að virka á meðan ég hafði það.
Í sumarferð á suðurlandi
stödd hún var í helgartúr
þá þjófstelandi þjófafjandi
þjófstal króknum bílnum úr.
.
Það var þvert á hennar vilja
þar var enginn krókurinn
eftir verða einan skilja
eðaldúkkuvagninn sinn.
.
Helgi kom til hjálpar henni
heimti krókinn Þórsmörk í
svíðingar og sakamenni
sakaruppgjöf fengu því.
.
Kveðjur, L.
You must be logged in to reply to this topic.