This topic contains 12 replies, has 1 voice, and was last updated by 
-
Topic
-
AnonymousBílar og Sport verða með stóra mótorsýningu og hafa boðið Ferðaklúbbnum 4×4 að vera með. Þar er um að ræða bás þar sem klúbburinn gæti kynnt starfsemi sýna og verið með 2-3 jeppa. Og kannski fleiri úti. Því leitar klúbburinn eftir áhugasömum einstaklingum, nefndum og deildum til þess að taka þátt í þessu og veita þessu forstöðu, og gera þetta sem veglegast úr garði.
Það vanta hugmyndir t.d af því hvað jeppa ætti að sýna þarna og þá vinsamlegast EKKI copy-Paste myndum að áhugaverðum jeppum inn á þennan þráð, því það minkar sýningargildi þeirra ef það eru jeppar sem lítið hafa sést. Heldur sendið inn ábendingar til stjorn@f4x4.is.Af Bílar og sport .is:
Stórsýningin Bílar & Sport 2006 Slóð http://www.bilarogsport.is/?pid=1623Tímaritið Bílar & Sport hefur nú verið starfrækt í rúmt ár og hafa móttökur áhugafólks og auglýsenda farið fram úr björtustu vonum. Á þessu rúma ári hefur Bílar & Sport tímaritið fest sig í sessi sem traustur miðill áhugamanna um bíla og mótorsport. Frá stofnun þess hefur verið stefnt að því að tengjast bílamarkaðnum og mótorsporti með mjög nánum hætti.
Bílar & Sport hefur verið fræðandi um markaðinn og skapað sér sérstöðu með gagnrýninni umfjöllun um nýja bíla á Íslandi. Markaðurinn í innflutningi á nýjum bílum, vélhjólum, bátum og öðrum vélknúnum farartækjum hefur slegið öll met á síðastliðnum árum og hefur áhugi almennings og kaupgeta aldrei verið meiri. Einnig hefur áhugi á mótorsporti vaxið gífurlega eins og tölur um innflutning vélhjóla og annarra tækja gefa til kynna.
Í ljósi þessa hefur verið tekin ákvörðun um að tengjast markaðnum og félagasamtökum enn sterkari böndum með því að halda Bílar & Sport 2006, stórsýningu bíla og mótorsports á Íslandi. Sýningin verður í anda stóru bílasýninganna sem haldnar eru erlendis en concept-bílar, sportbílar, breyttir jeppar, nýir bílar sem og fornbílar verður meðal þess sem sést. Mótorhjól, vélsleðar, bátar og flugvélar fá sinn skerf einnig sem og önnur tæki og tól sem og þjónustuaðilar sem tengjast bílum og mótorsporti.
Sýningin verður haldin í nýju íþrótta- og sýningarhöllinni í Laugardal dagana 9. – 11. júní. Þar höfum við Íslendingar loksins fengið alvörusýningarhöll sem hægt er að vera stoltur af en þar er öll aðstaða til fyrirmyndar, jafnt fyrir sýnendur sem og gesti en höllin er 16.000 m2 að stærð með aðgengi að útisvæði ásamt toppaðstöðu fyrir ráðstefnuhald og veitingasölu.
Búist er við gífurlegum fjölda fólks þar sem ekki hefur verið haldin slík sýning áður hér á landi en ekki verður eingöngu um að ræða sömu tæki og verið hafa á öðrum minni sýningum heldur er sóst eftir einstökum gripum sem fáir hafa séð og myndað. Sýningin verður einnig kjörið tækifæri fyrir fólk til að gera góð kaup, þar sem mikið verður lagt upp úr tilboðum söluaðila á sýningunni. Eitt helsta markmið sýningarinnar er einmitt að koma kaupendum og seljendum saman á skemmtilegu stefnumóti í glæsilegri sýningarhöll. Það er okkar hlutverk að vekja áhuga og umræðu um bíla og mótorsport á Íslandi, þessi sýning verður liður í áframhaldandi starfi okkar við það.
Nánari upplýsingar um sýninguna, teikningar, sýningarpláss og fleira er og verður aðgengilegt á vefnum http://www.bilarogsport.is. Ef óskað er eftir að hafa samband strax við okkur varðandi sýninguna skal senda tölvupóst á hallur@bilarogsport.is eða hringja í síma 588-7888. .
Sýning
-
Replies
-
Skoðum nú málið aðeins. Klúbburinn hefur nokkrum sinnum haft sínar eigin sýningar og stundum meira að segja haft einhverja aura út úr þeim. Erum við nokkuð að rýra okkar möguleika í því efni með þessu. Þátttaka klúbbsins þarna kemur væntanlega til með að kosta hann peninga? Ekki meiningin að vera neikvæður, bara að velta upp öllum hliðum!
Sæll Guðbrandur, að sjálfsögðu þarf að velta fyrir sér hlutunum, og spyrja spurninga.
Hvort 4×4 tekur þátt, fer nú auðvita eftir viðbrögðum félagsmanna. En þetta er í boði.
Og nú er sjá til hvort mönnum líst vel á eður ei.Hvort þessi þátttaka okkar sé að rýra tekjur okkar, þá tel ég ekki svo vera. Því landslagið hefur breyst í þessum sýningar og afþreyingar málum, framboðir er orðið slíkt að með ólíkindum er. Síðasta sýning 4×4 Laugardalshöll gaf klúbbnum á aðra miljón í tekju en samstarfs aðilar okkar fengu nokkrar millur í hausinn. Þannig að ef við hefðum sjálfir staðið fyrir þeirri sýningu. Þá hefði orðið mjög verulegt tap á sýningunni. Þetta hefur sennilega dregið úr áhuga félagsmanna á því að halda sjálfstæðar sýningar. Síðan þetta var höfum við tekið þátt í sumarsýningunni í Tennishöllinni í Kópavogi, klúbbnum að kostnaðralausu. Einnig hofum við tekið þátt í útivistarsýningum í Smáralind klúbbnum einnig að kostnaðarlausu. Þannig að það eru fordæmi fyrir því að vera með í svona sýningum. Klúbburinn hélt að vísu eigin sýningu, sem var smá að vöxtum í sýningarsal hjá Bílabúð Benna og held ég að margir hafi verið ánægðir með það form og þóttist takast vel til með hana.
Ég tel að til þess að keppa við núverandi sýningar aðila, þá séum við bara ekki í stakk búnir til þess. Þ.a.s sýninginn Líf og Heilsa í Egilshöll, þar eru 3-4 starfsmenn eingöngu í sýningarundirbúningi mánuðum saman. Sama held að sé uppi á teningnum við sýninguna Sumar eða nú hvað hún heitir sem er í Tennishöllinni. Og núna í Laugardalshöll þá eru sýningaraðilarnir hjá Bílar og sport að sjálfsögðu fyrirtæki og þurfa að fá greitt fyrir sýna vinnu. Í þessu ljósi held ég að það væri erfitt að keppa við þessa aðila. En hinsvegar væri kannski hægt að standa að sýningarmálum með öðrum hætti.
Til hamingju með þúsundasta póstinn!
hvernig er með sýninguna sem við vorum með 2001 að mig minnir eða 2002 í laugardalshöllinni höluðum við ekki inn einhverjar krónur á því þ,a,s klúbburinn það var flott sýning í alla staði og að ég held þá mundum við (en tala ég um við klúbburinn) gætum halað inn mun meiri tekjum með því að halda eina góða sýningu í sumar í höllinni með tilheyrandi jeppum tækjum og öllu sem því fylgir frekar en að fá bás útí horni með 2 jeppa og upplýsingabækling. mikill áhugi er hjá landanum að koma á sýningar og held ég að flestir fjölskyldufeður vilji taka fjölskylduna á á jeppasýningu frekar en einhverja smástrákasportbílasýningu (mitt álit) og ef af jeppasýningu yrði þá mundi eflaust klúbbmeðlimir vinna á sýningunni og eflaust launalaust eins og hingað til hefur verið eftir því sem ég best veit því held ég að okkar eigin sýning væri mun skynsamlegri aðgerð og mundi skila okkur mun meiri hagnaði en einn bás í þessari sýningu en ég er alls ekki á móti því að f4x4 hafi bás á þessari s´´yningu til að kynna okkur og okkar störf en ég held að það skili nú ekki miklum hagnaði í okkar sjóð og hagnaður fyrir klúbbinn er eitthvað sem er alls ekki slæmt. En þetta er alfarið mín skoðun á hlutunum..
Kveðja Davíð R-2856 og grái runnerinn
Hér á árum áður skiluðu sýningarnar klúbbnum umtalsverðum tekjum, en eins og Ofsi bendir á var ekki hagnaður á síðustu sýningu þó svo samningar þá við samstarfsaðila hafi tryggt klúbbnum ákveðnar tekjur en samstarfsaðilarnir fengið skell. Sérhæfðar jeppasýningar voru góð hugmynd á sínum tíma og bar vott um stórhug, en hins vegar held ég að það sé rétt sem Ofsi segir að þær hafi runnið sitt skeið og væri veruleg fjárhagsleg áhætta fólgin í því í dag að fara út í slíkt. Þess vegna held ég að það sé ágæt leið að taka þátt í svona sýningum þegar okkur býðst það frítt (sem er alltaf okkar krafa) og fá þannig tækifæri til að kynna klúbbinn. Ein leið væri að halda aftur svona ‘low profile’ sýningu eins og við gerðum í fyrra og gætum jafnvel tekið inn einhvern pening á því.
Kv – Skúli
sýninginn er reyndar ekki bílasýning smástráka á sportbílum heldur alhliða mótorsportsýning það sem væntanlega verður bifreiðaríþróttarklúbburinn, Vík með mótorhjól, kvartmýluklúbburinn og svona mætti lengi telja. Þetta verður semsagt alhliða mótorsportsýning með stóru M-i.
Þessi sýning sem þú er að minnast á þarna 2001-2002 eða hvenær sem hún var síðasta sýning þá, þá var ég að segja það hérna að ofan. Það var miljóna tap á henni en 4×4 slapp við það vegna góðra samninga við Hausverk um Helgar ehf sem fengu smellinn. Hefði klúbburinn fengið þann smell værum við sennilega ekki í 4×4 í dag
… þá skilaði síðasta sýning rætt tæplega tveimum millum til 4×4, en Hausverkur tapaði um einni og hálfri millu…
Þannig að 500.000 kall er ekki mikill peningur fyrir stóran klúbb, þar sem margir leggja fram krafta sína. Ég hugsaði sem snöggvast að ég hefði betur verið klár í að leggja fram 5.000 kall og hinir hundrað sem unnu á sýningunni líka… :o)
Þannig að hárrrétt er, að það er ansi hæpið að halda sér sýningu þar sem breyttir jeppar eru einungis til sýnis..það eru breyttir jeppar í hverri götu nú orðið. Fínt að lauma sér inná svona sýningu með öðrum, þetta gefur okkur mikla kynningu og um leið skrá sig alltaf nokkrir í klúbbinn…
Svo mætti alveg ímynda sér að það væri hægt að vera með einhverskonar fjáröflun í þessum bás, happadrætti, eða hlutaveltu… Eitthvað sem gæti gefið okkur aur. Td vera með tvo bauka í básnum, annar merktur sérstöku verkefni í landgræðslu og hinn til að standa straum að einhverju öðru verkefni, td til að bjóða langveikum börnum í stuttan jeppatúr.. ?
kv
Palli
tek undir þetta væri gaman að geta farið stuttan túr með
börn og fólk sem getur og myndi njóta þess að fá að fara í svona bíltúr. Fyrir hönd klúbbsins…
Allavega væri minn litli bíll í boði 😉
tek undir þetta væri gaman að geta farið stuttan túr með
börn og fólk sem getur og myndi njóta þess að fá að fara í svona bíltúr. Fyrir hönd klúbbsins…
Allavega væri minn litli bíll í boði 😉
ég tek undir það líka það væri frábært að geta gefið eins og t,d langveikum börnum að sjá nátturuna eins og okkur hér í f4x4 finnst sjálfsagt að sjá þetta finnst mér frábær hugmynd minn bíll og ég erum í boði fyrir svona ferð runner 38" annars er ég á því máli að við eigum allir að reina eftir mestu megni í að láta gott af okkur leiða og virða þá náttúru sem við eigum ekki vera spólandi í skíðabrekkum eins og einhverjir vitleysingar voru að gera!!!!
en ég er boðinn og búinn ef það vantar einhverja sjáfboðavinnu fyrir sýninguna eða hvað sem er
Davíð R-2856 S:6934878 hringið ef ykkur vantar hjálp
kv davíð og grái runnerinn
Ekki spurning minn bíll er til taks í svona ferð og ætti hún að vera fastur liður á dagskrá f4x4.
Kv Klakinn
Ágætu félagsmenn
Þar sem ég hef unnið meira eða minna á flestum sýningum klúbbsins og tel mig hafa nokkra reynslu af þeim tel ég að stærri sýningar á vegum klúbbsins hafi runnið sitt skeið á enda. Flest jeppaumboðin sýna og auglýsa breytta jeppa og bílasölurnar eru fullar af þeim.
Því tel ég að áhugi almennings hafi minnkað það mikið að of mikil áhætta verði af því að halda svona sýningar, nema hægt verði að halda ódýra sýningu eins og t.d. hjá Bílabúð Benna um árið.Ég tel hins vegar góða hugmynd að nota tækifærið og taka þátt í þessari sýningu sem um er talað og reyna þar að kynna klúbbinn sem best og markmið hans
Kveðjur
óli Óla
You must be logged in to reply to this topic.