This topic contains 7 replies, has 1 voice, and was last updated by 
-
Topic
-
AnonymousGætuð þið spekingarnir ekki komið með ykkar ráð hérna varðandi heddpakkningar, því að nú hafa margir sína aðferð til að finna út hvort heddpakkning sé farin?
Við hinir sem minna vitum gætum vel notað ráð ykkar :).
Takk fyrir.
-
Replies
-
Ég er enginn bifvélavirki en….
1. Gangtruflanir (vatn í sprengirymi), hvítur reykur
2. Kælivatn í olíu
3. Olía í kælivatni
4. Vél gengur of heit-haffi
Sæll,
Það sem ég geri alltaf er að athuga hvort það komi loftbólur í vatnskassann, einfaldast er að taka bara slönguna úr forðabúrinu fyrir vatnskassann og stinga henni í plastflösku eða hvað sem er með vatni í og gá hvort það komi loftbólur.
kv, Ásgeir
Ef miðstöðin hættir að blása heitu í hægagangi, en blæs heitu ef aðeins er hert á gangi vélar. Þetta er eitt besta ráðið.
Anonymous- Umræður: 0
- Svör: 16404
Sæll
Hjá mér voru í raun fyrstu merki um ónýta heddpakkningu vatn í vinstra framljósi. Yfirfalið á vatnskassann var fyrir aftan ljósið og það yfirfylltist af heitu vatni og spjó gufu um þetta svæði.
Kv Isan
Anonymous- Umræður: 0
- Svör: 16404
ég gleymdi að ég sannfærðist þegar ég fann angandi bensínlykt af kælivatninu. ´
Kv Isan
Eitt ráð til sem mér var sagt af bifvélavirkja:
Taktu öll kertin úr, startaðu einn hring og athugaðu hvort það komi raki í einhver kertagötin.
Skoðaðu líka þráðinn um V-6 toy heddpakkningu á spjallinu (nýlegur) þar fékk ég góð ráð í bunkatali.
kv.
Einar Elí
Þetta er allt gott og blessað, en það er hægt að minnka líkurnar á því að lenda í svona, með því að fylgjast með kælkikerfinu og með fyrirbyggjandi viðhaldi.
Flestir framleiðendur mæla með því að skipt sé um frostlög á tveggja ára fresti, til þess að viðhalda tæringarvörn kælivökvans.
Það er líka nauðsynlegt að fylgjast með því hvort kerfið er farið að leka. Á bílum sem eru með sjálfstætt forðabúr, sem er ekki undir þrýstingi (þetta á við alla japanska bíla sem ég hef séð síðustu 25 árin), þá er best að athuga vökvamagnið þegar bíllin er kaldur, og bæta á forðabúrið eftir þörfum. Lokið á vatnskassanum á aðeins að hreyfa þegar bíllin er kaldur, þar á alltaf að vera fullt upp í stút. Ef vatnskassin er ekki stútfullur, þá er líklegasta ástæðan sú að forðabúrið hafi tæmst eða að vatnskassalokið sé bilað.
Ef hvergi lekur, þá liða margir mánuðir milli þess sem bæta þarf á forðabúrið, ef ekki hefur komist loft inn á vatnskassann. Það getur þó tekið nokkra daga að losna við loft af kerfinu eftir að skipt er um kælivökva eða kerfið hefur verið opnað vegna viðhalds.
Ef fylgst er með forðabúrinu reglulega, þá er hægt að finna og laga leka, áður en svo mikill kælivökvi tapast að það fari að hafa áhrif á miðstöð eða hitamæli. Þegar svo er komið er mjög líklegt að heddið hafi mishitnað og skemmst. Algengasta ástæða fyrir lekum eru lausar hosuklemmur eða sprungur í gömlum miðstöðvar eða vatnskassa hosum. Gúmíslöngur harðna og verða stökkar með tímanum, því er ráðlegt að skipta um allar hosur þegar þær fara að eldast.
Auðveldast er að finna leka rétt eftir að bíllin er settur í gang, og þrýstingur er byrjaður að myndast á kerfinu, en vélin ekki orðin svo heit að vökvinn gufi strax upp. Eitt sinn fór heddpakkning hjá mér að leka vökva út á blokkina, ég uppgvötvaði lekann áður en verulegt magn vökva tapaðist, þar sem aldrei hafði soðið á bílnum sleppti ég því að láta plana heddið þegar ég skipti um pakkninnguna, þessi viðgerð hélt í a.m.k. sjö ár.
Ef bæta þarf vökva á forðabúrið oftar en á nokkura mánaða fresti, og enginn leki finnst, þá er líklegt farið sé að leka með heddpakkningunni.
-Einar
You must be logged in to reply to this topic.