This topic contains 8 replies, has 1 voice, and was last updated by 
-
Topic
-
Sælir, ég er með benz gírkassa sem búið er að breyta fyrir v8 small block chevy. Vandamálið er það að ég hef ekki hugmynd um það hvaða kúplingsdisk menn hafa verið að nota í þetta. Á kassanum mínum er benz öxulinn og hann er mun sverari heldur en nokkur chevy öxull. Þægilegast væri náttúrulega að breyta öxlinum þannig að hægt væri að nota allt chevy dótið. Vitið þið hvernig menn hafa verið að breyta þessu, og eða hverjir hafa verið að standa í þessu.
Kveðja Elmar
-
Replies
-
Prófaðu að tala við Ægi á Rennverkstæði Ægis, sími 587 1560. Hann hefur skipt um miðjur í kúplingsdiskunum, sem er tiltölulega einföld og haldgóð breyting. Það er líka möguleiki að sjóða saman tvo öxla, en ekki eins sterkt þar sem það verður alltaf einhver brothætta í kringum suðuna, jafnvel þó efnið sé afspennt og allt gert eftir kúnstarinnar reglum.
Kv. Steinmar
Sæll Elmar.
Ég hef áhuga á að gera þetta, það er að setja Bens við v8 cevy, hvaða kassi er þetta sem þú ert með og settir þú þetta í ? Veistu hlutföll í þessum kassa og þyngd? Mér er sagt að það sé svo leiðinlegt að skifta þessum kössum? Ef þú getur frætt mig um þetta þá væri það vel þegið, annaðhvort hér eða í maili, stebbiho@hotmail.com.Kv, Stefán
Þakka ykkur fyrir skjót svör, ég var búinn að hugsa þetta með að skipta út miðjunni í disknum. Hugsa að það sé einfaldast
Sæll Stefán, ég er með 5 gíra bens kassa, skilst að þessi kassi komi úr Benz 608. Ég hef ekkert átt við þetta, ég keypti mér vélarlausan willys með þessum kassa í. Búið er að smíða aftan á hann millikassa sem ég veit ekki heldur hver er, en hann er amersíkur þó. Ég hef ekki fundið neitt um hlutföllinn í þessum kassa, hef verið að prufa að googla hann en ekkert fundið, en fyrsti gír er sirka 7.25:1 sem ég tel nokkuð gott, annar gírinn er með töluvert hærri gírun og 5 er bara 1:1. Ég tel þetta vera mjög flottan jeppakassa
en hann er enginn léttavara 
. Ég get samt þér eitt að bróðir minn átti ford Econline með 6.2 dísel og svona kassa, og það var ekkert að því að skipta þessum kassa hjá honum, mér fannst þetta nokkuð gott, en bróðir mínum fannst þetta aftur á móti mjög leiðinlegur búnaður. Þetta er bara svona allt hvað mönnum fynnst Þú getur alveg haft samband við mig ef þú villt eitthvað vita meira um þetta, get sent þér myndir eða þú séð þetta hjá mér, ekkert málElmar Þór 9000@visir.is
Ég er með 5 gíra Benz kassa í G. Benz ( við Benz vél ). Ekkert mál að skipta. Kassinn er smurður með sjálfskiptiolíu. Diskurinn er held ég úr Benz 309.
Jónas
Sælir.
Ég hef verið með svona kassa í 23 ár, fór þá leið að sjóða saman
öxulinn og það var lærifaðir Ægis (Þorgrímur) sem mælti með og gerði það,
að sjálfsögðu notaði var Chevrolet öxul og stútnum fyrir kúplingslegu var
líka breytt fyrir chevrolet legu.
Ég ætla ekki að mæla með að breyta miðju í disknum því að öxullinn í bens
er mjög sver og það er klúðurslegt að troða svona sverum öxli í venjulegan
disk og líka asnalegt að þurfa að breyta nýjum disk.
Að sjóða saman öxul fyrir framan gírkassa er í góðu lagi því það er ekkert
álag þar og það þarf ekkert að afspenna eða neitt svoleiðis .
Varðandi hlutföll í kassanum þá man ég þaug ekki alveg en man þá að
1 gír er 6.7:1. 2 gír er 4.:1. 5 gír er 1:1.Kveðja Bói.
Smá viðbót við innleggið hér að ofan. Ég hef keyrt bílinn hjá Berg og þótti kassinn frekar stirður og óþjáll en honum þykir bara ljómandi fínt að skipta honum……. Kassinn er klárlega stirðari en margir/flestir nýrri kassar en það venst örugglega mjög fljótt. Hinsvegar er þetta mjög sterkur kassi og gírunin þannig að hægt er að notast við til þess að gera há drifhlutföll, og þ.a.l. sterkari.
Freyr
Sæll Elmar og þakka got boð, verð kanski í sambandi við þig þega ég fer að skoð þetta betur. En eru þessir kassa þá úr þessum litlu rútum og kálfum sem voru hvað mest hér á götunum áðurfyrr? Eru þá ekki nokkrar gerðir og með hugsanlega einhverjar misjafnar útgáfur af hlutföllum, og jafnvel misþungir? Öruglega er hægt að venjast því að skifta þessum kössum, ef á annaðborð er eitthvað leiðinlegt að skifta þeim. En ég er með það í huga að setja þennan kassa aftan á þann sem fyrir er í bílnum, orginal kassin í Suburban með extralágum. Margir hafa ráðlagt mér frá því og það eflir mig bara í að gera þetta, ég rekkst ekki vel! En ég veit líka að þetta er í nokkrum bílum og hefur reynst vel þar sem ég hef frétt. Þannig að ég þarf svo sem ekki að velta fyrir mér hvernig öxullnn fram úr er, það verður eitthvað mixað í það en í þá umræðu langar mig samt að koma að, er ekki hægt að renna þennann öxul eins og gert er við öxla í hásingar? Veit að á renniverkstæði Ægis eru menn að ranna öxla, allavega í fullfloting og eitthvað í aðra. Er það ekki besta lausnin?
Kv, Stefán
Benz notaði svipað uppsetta kassa í flesta vinnubíla undir u.þ.b. 200hö frá litlum sendibílum upp í vörubíla. Væntanlega eru þeir misstórir og misöflugir en yfirleitt mjög svipað uppsettir. Þetta eru eiginlega ekki eiginlegir 5 gíra kassar heldur 4 gíra + extralágr. Mér fannst alltaf mesti gallinn á þeim að gírunin var svolítið ójöfn þannig að maður þurfti að þenja í rauðabotn í sumum gírum og svo dó næstum því á þeim þegar skipt var næsta sem er ekki gott þegar vélarnar eru afllitlar en skiptir kannski minna máli með stórar vélar. Ég man ekki eftir því að væru neitt að bila en það verður þó að hafa í huga að vélarnar sem sem voru fyrir framan þá voru gjörsamlega andvana þannig að það reyndi kannski ekki svo mikið á þá, veit ekki hvernig þeir standa sig aftan við alvöruvélar.
Seinna (líklega milli 1980 og 1990) fóru þeir að koma með sex gíra kassa (5 + extralágr) sem er kannski álitlegri kostur.
Hvað varðar að skipta þeim þá eru þeir engir fólksbílakassar, orginal eru þeir yfirleitt með frekar langri stöng og þar með ekki þungir að skipta þeim en með styttri stöng eru þeir væntanlega ekkert sérstaklega léttir né þægilegir.
You must be logged in to reply to this topic.