BENSÍNVERÐ!!

Þetta er bara góð hugmynd, og er maður nú til í þetta,,

er það ekki ennþá þannig að Olís kaupi eldsneytið sitt af Olíudreifingu sem er í eigu Esso í dag?
.
Er þá ekki heldur að versla bara við Atlantsolíu og leyfa þeim þannig að finna verulega fyrir þessu?
Gallinn þar reyndar þá að þeir verða svo fljótt uppiskroppa með eldsneyti blessaðir þegar að mikið verður að gera hjá þeim.
.
En gott framtak, verður að gera eitthvað. En öðru fremur ættu samt snillingar þessa ágæta klúbbs okkar að einbeita sér að því að finna upp alvöru orkumikla vél sem gengur fyrir vatni svona eins og hjá þeim þarna í Japan.

Orkan er í eigu shell er það ekki? Olís kaupir eldsneiti af N1 er það ekki. Hvar á fólk þá kaupa eldsneiti sem býr úti á landi? T.d á Neskaupstað þar sem ég er í fríi núna. En þetta er góð hugmynd sem er ervitt að frammhvæma… Ég er með.
–
ps hver á egó stöðvarnar? og allar hinar?

Ólís á ÓB
Skeljungur á Orkuna
N1 á EGÓ

Atlandsolía ??????
ég sé ekki annað en að Atlandsolía sé að græða langmest á þessu háa eldsneytisverði.
Ég verslaði þar þegar þeir komu á markaðinn en mér finnst muna allt of litlu á verði hjá þeim og hinum stóru. Nánast sama verð þar og annarstaðar.
og engin yfirbygging. Allavega get ég ekki mælt loftið í dekkjum, ryksugað bílinn eða þvegið hann hjá Atlandsolíu svo já spurt er hver græðir mest.
ég myndi segja Atlandsolía því þar er engin þjónusta í boði.
Kveðja Lella

Ég er sammála ykkur með Atlandsolíu, þeir ættu að geta verið mikil lægri en hin félöginn þar sem ekki er nein yfirbygging hjá þeim. En þeir eru komnir í saman verð og aðrar stöðvar. Ég tók eftri því meðan ég bjó í bænum að það munaði ekki nema 20 aurum á orkuni og Atlandsolíu í Hafnarfirði þar er mjög stutt á milli þessara tveggja stöðva.

Olíufélögin dans öll í kringum sömu krónutöluna, sá sem bíður lægst er leiðandi á markaðnum. Þegar ég bjó í Danmörk fyrri 14-19 árum var bensínið 30-40% dýrar á íslandi en danmörk. Núna hefur þetta snúið við því í dag kostar benzin í danmörk 186,40 ísl. kr/lítri en 174,4 kr/lítri hjá Atlantsoliu.
Að myrða kindiberann hefur aldrei gefið góða raun og verður okkur ekki til framdráttur.
kv. vals.

daginn

Það er staðreynd að allar markaðsaðstæður eru að hækka eldsneytisverð á Íslandi. Það eru samt nokkrir hlutir sem angra mig. Þar ber fyrst að nefna hvers vegna hráolían hækkar svona mikið umfram bensínið. Þetta er mér algerlega hulin ráðgáta.

Um það leyti sem skatturinn var lagður á olíuverðið sagði ég og skrifaði minnir mig hér á spjallið að þrátt fyrir að ríkisstjórnin lofi því, sem hún gerði, að olían verði alltaf ódýrari en bensínið hækki olíuverðið langt umfram bensínið þegar meginþorri landsmanna verður kominn á díselbíla. Sjálfur átti ég ekki von á svona hrikalegum hækkunum.

Kunningi minn sagði að málið væri einfalt: olíufélögin hafa aldrei grætt krónu með gati á bensíni en allar þeirra tekjur komið inn á hráolíu. Mér finnst þetta lógískt. Núna eru olíufélögin að nýta sér kreppuna til að taka okkur díeselbilaeigendur, sem á að vera náttúruvænni kostur, í ósmurt púströrið, og við bara brosum og biðjum um meira.

Hitt sem mér finnst óeðlilegt eru svör olíufélaganna við áleitnum spurningum um nákvæmlega þetta ofangreint.

"Það er mun dýrara að flytja hráolíu því að líterinn af henni er þyngri en af bensíni". Ég skal ekki efast um það en var það bara að breytast núna á þessu ári. Eru það ekki dálítið gömul vísindi sem hefði átt að trufla verðlagið dálítið fyrr.

Maður spyr sig!!!

Djöfull sem þessir glæpónar eru að láta okkur kenna á því. HVER KLAGAÐI Í SAMKEPPNISEFTIRLITIÐ?

Hvað mótmælum lýtur er ekkert grín að gera eins og menn ræddu hér ofar á þræðinum. Atlasolía er ekki svo víða á landsbyggðinni og hin félögin hafa búið sér vel í haginn með því að hækka olíuna rétt fyrir fyrsta slátt að þeir tóra þó að helmingur reykvíkinga noti atlasolíu.

Kv Jónsi

P.s. ég held að menn mótmæltu mest og best með því að kaupa sér reiðhjól.

Dísel vigtar um 0,9kg per líter, en bensín um 0,7kg per líter.. Mér þykir þetta óskaplega langsótt að flutningskostnaður á gasolíu hækki svona ofboðslega á þessum tíma. Miðað við hve lítill munurinn virtist vera hér áður fyrr, en ég hef svosem ekki sett upp neina flókna útreikninga, enda vantar manni allar tölur frá olíufélögunum til þess.
.
Eitt enn, ef við færum okkur útí það að versla við sjálfsafgreiðslustöðvar (sama hjá hverjum), og pössum okkur að versla ekkert úr búðunum hjá N1/Skeljungi/Olís, þá hefur það meiri áhrif en margan grunar, því tekjur olíufélaganna eru mestar á verslunarþættinum.
.
kkv, Úlfr
E-1851

Í Danmörku kostar lítrinn af 95 okt. bensíni 11,71 DKK, sem gerir, miðað við gengi dagsins, 202,80 IKR. Ef við berum saman laun verkamanns þá er tímakaupið 120 DKK, þannig að sá danski getur keypt 10,2 lítra fyrir tímalaunin. Þar sem ég veit ekki hver tímalaun eru á Íslandi, þarf ég bara að reikna hvað 10,2 lítrar kosta á Íslandi og bera það saman við Danmörku, þeas. ef við förum einföldustu leiðina, sem er í raun ekki samanburðarhæf.
Um það bil 50% nýskráðra bíla í Danmörku eru dísel og helgast mest af því að díselbílar eyða minn eldsneyti og þar með eru bifreiðagjöldin lægri, því þau eru reiknuð út frá eyðslu bílanna, en ekki þyngd.
En að segja að kaupmáttur sé meiri í Danaveldi, get ég ekki fallist alveg á. Tekjuskattur er td. 48%, sem er umtalsvert hærra en á Íslandi, vsk er örlítið hærri, öll gjöld á vélknúnum ökutækjum eru mun hærri, tryggingar eru að minnsta kosti jafn dýrar, ef ekki dýrari, rafmagn, vatn, gas til húshitunar; þetta er allt miklu dýrara en heima, einnig er matvara ekki eins ódýr og margir virðast halda, þannig að samanburður er ekki eins einfaldur og maður gæti haldið og að segja að maður fái 50% meira fyrir kaupið sitt í Danmörku stenst enganveginn, en þetta er spurning um hvernig samanburðurinn er gerður, hvaða skilaboðum maður vill koma á framfæri.
Kveðja frá Danmörku
Steinmar