Bensíndælu vandræði

Venjuleg innspýting með einn spíss fyrir hvern sílender er að keyra á einhverjum 40-60 punda þrýsting, jafnvel meira. Síðan er Chevy TBI innspýtingin (2 spíssar í throttle boddyinu) að keyra á einhverjum 15 pundum minnir mig og blöndungar einhvers staðar vel undir 10 pundunum. Þið þurfið að finna út hversu mikill þrýstingur á að vera á bensínkerfinu og finna ykkur dælu sem ræður við það. Það þýðir ekkert að vera að láta dælu sem er gerð fyrir lágan þrýsting rembast við að halda margföldu því sem hún er gerð fyrir!

[b:1hqpap9t]Náttúrulegur[/b:1hqpap9t] dauðdagi fyrir Bosch innspýtingardælur (BMW, Benz, Saab, os. frv.) er hægfara og langdreginn. Dælan verður háværari með hverri vikunni sem líður og bíllinn fer að missa kraft og verður síðan vondur í gang. Þegar hljóðin í dælunni minna helst á kaffikvörn á yfirsnúning mæla flestar betri viðgerðabækur með því að skipt sé um dælu við fyrstu hentugleika.

Það er augljóst að ofangreind lýsing passar ekki við dauðastríð parsins sem þú ert með undir höndum. Það sem hefur líklega gerst hjá þér er að svarf (nýsmíðaðir tankar) eða einhver korn hafa farið í dælurnar og fest þær. Það er mjög lítil rýmd í dælum af þessu tagi og það þarf ekki nema [b:1hqpap9t]eitt [/b:1hqpap9t]korn til að gikk-festa dæluna og eyðileggja hana þar með. Þetta er alþekkt vandamál með smíðaða tanka og innspýtingardælur. Þú [color=#FF4000:1hqpap9t]verður að setja síu[/color:1hqpap9t] fyrir framan dælurnar til að vernda þær fyrir grófum aðskotahlutum – þ.e ef þú ert með pósitívar dælur. Ég hef notað grófsíur (netsíur) úr plasti sem ég fann einhversstaðar. Líka notað stórar plastsíur (pappasíur) ætlaðar fyrir blöndunga. Það er ekki góð hugmynd að vera með of þétta síu fyrir framan þessar dælur. Original er netsíur fyrir framan þær í flestum bílum. Ég mundi fara í gamlan BMW, Saab, Benz, og ná mér í tvær dælur í viðbót. Það er fínt að hafa tvær innspýtingadælur við höndina ef önnur bilar skyndilega.