Bensín VS Disel

Fyrir mitt leyti… Ég er nú á Hilux með vonlausri bensín vél sem eyðir alltof mikklu miðað við það sem hún skilar. Ég er mikið búinn að vera að pæla að skipta um vél og var ég sínum tíma ákveðin í setja í hann 2,4TDI, sætta mig við að hún væri kanski ekkert rosalega kraftmikil en kanski ekki eins mikklar breytur í eyðslu. Nú þegar verðið á diesel er eins og það er í dag er ég búinn að skipta um skoðun og er að leyta mér af Chevy 4,3 Vortec. Vonandi verð ég búinn að láta verða af því fyrir næsta vetur og þá gætur maður kanski brosað eftir að hafa verið tekinn í ra****** á bensíndælunni.
.
Í stuttu máli, ég er alveg til í að sætta mig við 20l eyðslu ef vélin skilar einhverju fyrir þessa 20l….
.
Kv.
Óskar Andri

Það er auðvitað hárrrétt að það er ekki hægt að setja 4cyl dísel mótor í sömu setningu og 8cyl bensínmótor.
.
En svo er það, ef bera á saman svipaða stærð af bensínmótor og dísel fer þetta að verða spurning um þyngd (fyrir suma allavega) V8 sbf viktar undir 300 kg ef mig minnir rétt en stóru dísel rokkarnir vikta vel á/yfir 500 kg, (6bt cummins (5.9) er að mig minnir yfir 500kg)
.
Berandi er saman kannski stóru toyotu dísel rokkana (12H-T 1HD-T osfrv.) og V8 smallblock bensín. Held það sé nú bara ekki nokkur einasti kjaftur búinn að skipta þeim út hjá sér fyrir bensínmótor, sem segir mikið fyrir þessa mótora.
.
Svo er þetta bensín Vs. dísel bara ósanngjörn spurning nema menn viti nákvæmlega hvað þeir vilji útúr bílnum og til hvers hann verði notaður mest.
.
En það selur mér enginn að bensínmótor eyði minna eða það sama og dísel í sama bíl, og hananú .:)

Snorri Freyr er þarna í fyrsta innlegginu að lýsa ferðalagi sem ég þekki ágætlega. Maður er allan túrinn að bíða eftir 2 til 4 lítra dísil bílum, svo þegar líða fer á túrinn fara þeir jafnvel fyrstir að væla um olíuleysi. Ég held reyndar að þetta sé mikið til vegna þess að það virðis loða við suma þá sem velja sér díselbíla að telja það ekki skipta miklu máli í snjónum þó bíllin sé þungur og er það mjög gjarnan svo að bílarnir þeirra eru ofhlaðnir af allskonar óþarfa vörum eins og tengdamömmuboxum fullum af rusli. Víð skulum átta okkur á því að svona toyota eins og snorri er að tala um getur auðveldleg verið 30 % þyngri en en eins bensínbíll og vegna þess að bensín eyðslan í lítum talið er minna en 30 % meiri en á dísil þá verður heildareyðsla díselbílsins meiri í snjónum.. svo þegar færið þyngist og þyngri bíllin fer að drífa illa getur þetta orði þannig að þynngri bíllin fer að eyða jafn vel margfalt á við þann léttari.

Já , þetta eru djúpar og mjög þarfar pælingar .
Spurningin er , hvað viljið þið fá út úr jeppanum ykkar .
‘Eg er með á hreinu hvað ég vil . Það er ein díselvél sem ég get talið glóru í að gagnist mínum þörfum í afli og togi og vélarþyngd .
Það er verðlaunavélin Duramax og ekkert annað . Verð því miður að sætta mig við annað í dag , en sówat !
Hún er bara því miður allt of dýr þessi elska fyrir mitt næfurþunna veski .
Fyrst þegar ég heyrði menn tala um að STANDA þessa díselfáka , þetta byrjaði um 1989-90 .
‘Eg vissi fyrst ekki hvort ég átti að taka þessu sem léttu gríni eða alvöru kafla í jeppamennsku ‘Islands .
Reyndar í dag eru til grútarbrennarar sem þokast ágætlega áfram og eru bara fínir mótorar á sinn hátt .
Að ná afli út úr dílelvél kostar mikla peninga ,sem menn hafa oft vanmetið .
Eins og Duramax , er verðið ótæpilegt og er ekki á allra færi .
Verð á bensíni er svipað og oft á tíðum lægra en á grútnum .
Það er vel leggjandi í þá vinnu að smíða góða bensínvél í bílinn sinn í dag og fá feikna afl og tog auk viðunandi eyðslu . Mismunurinn er svo lítill .
Við vissar aðstæður er bensínið að renna hraðar í gegn en grúturinn .
‘Eg ók um hálendið í mörg ár á V8 bensín og líkaði vel .
Spurningin er , hvernig er V8 vélin uppsett og hvaða hlutir eru í henni .
Hvaða gírkassi eða skipting , drifhlutföll í millikassa og drifum , þyngd bílsins og ekki sýst , aksturslag ökumannsins .
‘A endanum , aflið einfaldlega kostar meira , spurningin er , hvursu mikið meira .

Kveðja Valli S.

Kemur á óvart að heyra slíkar eyðslutölur í dísiljeppa. Þetta hlýtur að vera eitthvað extreme dæmi enda á álíka eyðsla almennt ekki við í litlum díselvélum.

Ef bera á saman jafnstórar bensínvélar og dísel þá verða þær að vera frá svipaðri árgerð því ör þróun hefur verið í mótorum undanfarin ár og þá einna helst á díselvélum. Ef bornar eru saman þróuðstu dísilvélarnar þá eru þær býsna seigar og skáka túrbínulausri jafnstórri bensínvél að mörgu leyti og eru um leið ótrúlega sparneytnar. Ókosturinn við eldri turbo dísilvélar og þá aðallega þær af minni gerðinni er að þurfa að treysta á aflið sem túrbínan gefur sem gerir bílinn allan þyngri í vöfum enda verra að hafa ekki fullt afl nema á afmörkuðum snúningshraða og þá oftast loksins þegar bíllinn er kominn á einhverja ferð að ráði. Bensínvélar byrja að skila sínu á mun lægri snúningshraða sem auðveldar bílnum að rífa sig af stað úr kyrrstöðu og halda ferð þegar skipt er um gíra. Einnig er stór kostur við bensínvélar að þú getur náð meira hraðasviði í hverjum gír og þarft minna að skifta um gíra.

það er gaman að sjá þegar menn tapa sér í pælingum um það hvort sé betra í jeppa, bensínvél eða díselvél.
niðurstaðan er alltaf sú sama, bílaeigendur skiptast í tvo hópa, annars vegar menn sem sjá ekki sólina fyrir díselrokkum og sjá bensínvélum allt til foráttu. og svo hinir sem aka um á bensínbílum og þurfa ekkert að hafa áhyggjur af túrbóþrýsting, afgashita og öllum öðrum leiðindarvandamálum sem fylgja díselvélum.
hérna segja menn að ekki megi bera saman epli og skemmda banana og bera svo saman annars vegar 6 til 7 lítra díselvélar upptjúnaðar eins og hægt er með tölvukubbum og túrbínum og venjulegar 4 til 5 lítra bensínvélar orginal og túrbínulausar og segja að ekki sé hægt að láta sér dreyma um að ná bensínvélunum í 500 hesta og sama tog og díselvélar.
nýja útfærslan á gömlu 383 chevy sem er 5,7 lítra vélin í nýja jeep, er að skila sambærilegu og 6 lítra díselvélin í fordinum hanns benna formanns, og er samt ekki að nota nema 15 lítra af bensíni á 100 km í venjulegum akstri. hún er líka túrbínulaus þannig að hægt er að fá meira útúr henni. þetta er vél sem er 200 kílóum léttari en 6 lítra disel og reikna ég með að hún þurfi einhverju milljónum króna minna viðhald til að duga 200 til 300 þúsund kílómetra akstur.
það er af sem áður var að díselvélar dygðu milljón kílómetra akstur nánast án viðhalds og bensínvélar voru góðar ef þær náðu 200 þúsund km. núna eru bensínvélar yfirleitt endingarbetri en díselvélar, en á móti eru díselvélar orðnar sambærilegri í hestöflum léttleika og eyðslu.
akureyringurinn segir að gæði góðra díselvéla megi meta útfrá því að þeir sem fá sér land crúser með díselvél detti ekki til hugar að skipta yfir í bensín. þetta er að mörgu leiti rétt, en það eru líka til menn sem eiga land crúser með 8 gata bensín og dettur ekki til hugar að skipta yfir í dísel.
hér var nefnt að léttleikin skipti máli. auðvitað gerir hann það, menn smíða sér stakk eftir veksti. það væri óðs manns æði að ætla að setja 6 lítra díselvél í hilux. bíllinn væri alltaf á nefinu með 500 kíló í húddinu. 5,7 lítra bensín væri BARA GAMAN að hafa í hilúx, þá væri líka hægt að hafa tengdamömmubox fullt af drasli á toppnum og bíllin væri samt léttari en með 6 lítra díselvél og eyddi minna eldsneiti.
kveðja siggi bensínkall og hef bara gaman af því.

"..En eitt er ég samfærður um: Sama hvort það er bensín eða diesel, ef vélin er undir 4L þá er hún of lítil í jeppa.."
.
Gott að reyna að forðast svona fullyrðingar, 4L og 4L er ekki það sama og jeppi og jeppi er ekki það sama.
.
Talandi um mun á 6 litra Powerjoke og 383, þá myndi 383 rellann einfaldlega deyja í húddinu á svona 4-5 tonna 49" skrímsli, væri heppinn að ná að taka af stað í lágadrifinu.
.
frekar væri berandi saman 460 og 6.0, en þá er þyngdin orðinn gott sem sú sama og eyðslan í 460 dótinu kominn fram úr öllu hófi.
.
ef verið að tala um hilux, jú þá er 350 alveg stórskemtileg örugglega, góð af mótor sem var í grunninn hannaður 1955.
.
Í stórann 3 tonna+ jeppa myndi ég hiklaust velja stóran dísel rokk, vegna togsins, ekki að það sé ekki hægt að knýja þannig bíl með bensínvél, þá erum við bara komnir aftur niður á eyðsluna.
.
við erum ekki bara að bera saman Hilux og Willys … er það nokkuð?

Góðan daginn, ég á kannske ekki að vera að blanda mér í þessa umræðu, þar sem ég á ekki jeppa. En ég á húsbíl sem ég var búinn að setja 4,3 vortec í (Wv LT 35), og eyddi hann um 18 til 20 ltr. á hundraðið. Sl. vor færði ég húsið af LT bílnum yfir á Benz Sprinter með 5 cyl. diesel. Ég vildi ekki skipta aftur, Eydslan er um 12-13 ltr.

Ég er með Teracan bensín. Þegar ég keypti hann fyrir hálfu ári þá stóð mér til boða eins bíll sama árg en bara disel. Verðmunurinn á þessum tveim bílm var sá að diselbílinn var 600.000 dýrari þrátt fyrir að vera keyrður meira. Ég tók bensín bílnn. eyðslan er nokkuð góð milli 14-15 L/100 hef farið í 11.2L/100 í langkeyrslu. Aflið í þessum bil er gott og hann er að skila sýnu vel. Miðað við verð á eldsneyti í dag þá tæki nokkur ár að borga mismuninn á innkaupsverði á bensín v.s díselbíl

Skal nú alveg láta það vera að hafa prófað eitthvað meira en þú en kannski aðeins öðruvísi
Jú Lc120 dísel mótorinn er örugglega skemmtilegur þrátt fyrir aðeins 3 lítra rúmmtak, svo eru nýju tacoma mótorarnir góðir, eru reyndar 4L sléttir.
V6 3l hilux 4runner mótorinn er ekkert leiðinlegur þó honum þyki sopinn góður, léttur extracab með þannig mótor á 38" er ekkert leiðinlegur.
4bt cummins grjótmulningsvél (3.9L) alveg einsog stóribróðir, ódrepandi rella sem þolir auðveldlega 200 hö og endalaust tog
Jú og 3.4l (5VZFE) stóribróðir 3.0 hér að ofan er jú örugglega skemmtilegur mótor í léttum bíl.
.
Svona má endalaust telja upp.
.
En hver er þá eiginlega ástæðan fyrir því að gríðarlegur meirihluti jeppa í dag er dísel? er menn bara almennt svona vitlausir eða?
.
Ekki að maður hafi neitt á móti bensín rokkum sem slíkum, bara Amenin og Halelúja-in sem koma alltaf hérna þegar einhver talar um bensín eru svo svakaleg að maður verður bara að hrauna eitthvað á móti