This topic contains 27 replies, has 1 voice, and was last updated by 
-
Topic
-
Í tilefni af Dakar Rallinu hefur verið sett upp Mitsubishi bílasýning í Smáralind. Sýningin mun standa yfir meðan á ralli stendur og e.t.v nokkrum dögum lengur.
Sýndir verða fjórir bílar í einu og áhersla lögð á Pajero, Outlander og Lancer. Auk þess var komið fyrir DAKAR jeppa, framleiddum af starfsmönnum HEKLU á fyrstu dögum þess árs.
Söludeild MMC verður með starfsfólk, alla daga þegar mest traffík er um húsið. Samstarfsaðilar í þessu verkefni er m.a. Opin Kerfi.
Þess má geta að rallið gengur vel og eftir sérleið dagsins, nr. 5 af 18. á Mitsubishi 8 af 20 efstu bílum í flokki jeppa, og þar af bæði fyrsta og annað sæti.
Staða 9 efstu eftir sérleið númer 5 sem lauk um hádegi í dag.
1 203 PETERHANSEL / COTTRET MITSUBISHI 4h 26′ 31″ 00′ 00″
2 201 MASUOKA / PICARD MITSUBISHI 4h 32′ 43″ 06′ 12″
3 212 DE MEVIUS / GUEHENNEC BMW 4h 42′ 04″ 15′ 33″
4 207 ALPHAND / MAGNE BMW 4h 42′ 28″ 15′ 57″
5 208 DE VILLIERS / JORDAAN NISSAN 4h 42′ 36″ 16′ 05″
6 202 MC RAE / THORNER NISSAN 4h 42′ 43″ 16′ 12″
7 200 SCHLESSER / LURQUIN SCHLES-FORD 4h 44′ 30″ 17′ 59″
8 206 BIASION / SIVIERO MITSUBISHI 4h 45′ 00″ 18′ 29″
9 259 AL ATTIYAN / BARTHOLOME MITSUBISHI 4h 51′ 20″ 24′ 49″
-
Replies
-
Sæll Jónas
Ég hef gríðarlega gaman af því að fylgjast með jeppasögunni þinni.
"Sæll Björn!
Já því miður er ég búinn að selja Krúserinn. Maður þarf óvænt að fara til útlanda í óákveðinn tíma en get reyndar komið að honum vísum þegar ég kem til baka ef ég verð alveg veikur. Svo þarf að skipta um húsnæði þannig að maður verður sennilega á einhverri þægilegri Toyotu fólksbifreið þangað það er afstaðið. Að sjálfsögðu ;-)"eins og þú sagðir rétt eftir jól…. Þú hefur s.s skellt þér á fólksbíl, en ekki er það Toyota.
"Mitsubishi Pajero GLS 3,2 sjálfskiptur, 38" breyttur að sjálfsögðu með sjálfstæða fjöðrun allan hringinn
"Var Jeppi ekki inn í myndinni, huxanlega LC 80????
Keðja,
Björn ævisagnaritari
Anonymous- Umræður: 0
- Svör: 16404
Sæll, það er nú ágæt að einhver hafi það fyrir utan mig og segi þegar gott er komið. 😉 En tímarnir breytast og mennirnir með. Þetta utanlandsdæmi er búið, þannig að ákveðið var að hella sér aftur í þetta. En þannig er:
Það er nú þannig að ég ferðast nú svoldið, hvort sem er að sumarlagi eða vetrarlagi. Og áður en ég fór í þessi Cruiser kaup þá gleymdi ég að spyrja mig. Þarf ég 44" tommu bíl? Hef ég not fyrir hann? Hvaða bíl ætla ég að nota í bænum. Þetta varð allt eftir í spenningnum og fljótheitum. Mér finnst lc80 þurfa 44" og ég hef ekkert við svoleiðis bíl að gera. 44" er ókeyrandi nema einhversstaðar fyrir utan malbikið. Nenni og vill ekki að vera skipta yfir á 38" og 44" eftir hvert maður er að fara. Konan þver neitaði að keyra þennan bíl ´´i bænum og var þá kalliðkomið á að kaupa annan bíl fyrir frúnna og fjölskylduna til að vera innanbæjar. Það kom ekki til greina.Þessi pæja datt upp í hendurnar á mér. Stór fjölskyldubíll sem er góður innanbæjar, betri á þjóðvegum og bestur í torfærum. Stór fjölskyldubíll eins og þú vilt kalla hann. Þó hann beri nafnið : konungur jeppanna hjá Heklu og auglýsingafyrirtækinu sem þeir skipta við. En sú auglýsing er hætt að heyrast vegna niðurskurðar hjá Heklumönnum. En þetta eru ein bestu kaup hjá mér síðustu ára þó að glitnir ríki stórfrændinn eigi nú eitthvað í honum. Ágætis maður sá, hann gerir vel við þig ef þú gerir vel við hann.
Síðustu kaup þessa árs og næsta allavega.
Jónas
Sæll Bolli.
Varðandi kraftinn.
Ég gleymdi því þarna áðan að vélin í Pajero er náttúrlega 3,2 l. á móti 3,0 l. í Toy. Síðan munar dálitlu á toginu, sem er 343 nwt. í Toy en 373 nwt. í Pajero ef ég man rétt. Það gerir 9% meira tog…
Svo held ég að þessi 5 þrepa skipting sem er hrein snilld skili því talsvert betur í hjólin en þessi venjulega Toy skipting (hef svo sem ekki lagst í miklar rannsóknir á því).
Annars var ég alltaf mjög sáttur við 3,0 Toy. vélina, þessi er bara ennþá skemmtilegri… :>)Ferðakveðja,
BÞV
Sælir drengir.
Jahá…
ja, ætli ég taki ekki bara 120 bílinn af sölu núna, mér skilst að það verði búnir til 44" kantar fyrir dolluna. Spurning bara hvort það ferli taki jafn langan tíma og þetta blessaða dekk þeirra í AT?
Annars er ég búinn að ferðast mikið á 120 bílnum í snjó og til gamans þá má segja frá því að á sínum tíma keypti ég 4:88 hlutföll (í komin) með pakkanum og enn þann dag í dag hef ég ekki séð ástæðu til að skipta út þar sem dollan er bara að virka flott á orginal hlutföllunum á 39,5" Trxus. Vissulega svolítið hátt gíraður en hann hefur aflið til að koma sér ágætlega áfram.
Ég gladdist mjög svo þegar ég frétti að vinur okkar Aron væri að setja 44" undir Pæjuna (ekki veitir af híhí…) en það var greinilega til þess að ýta aðeins við ormunum í AT með að koma með eitthvað sambærilegt, þ.e. 120 44".
Þetta með að pæjan sé að virka betur en 120 bílinn þ.e. afl, er mjög mikill miskilningur. Þvert á móti er 120 bílinn að skila sér mun betur áfram og tala ég af reynslu hér! Hestöfl og tog á pappírum segja eitt og þarf ekki endilega að endurspegla það sem vélin raunverulega skilar. Þetta höfum við flestir vitað lengi, sama á við þyngd og eflaust fleira.
Kv.
Benni
Hó Benni og gleðilegt ár!
Pappírshestöfl könnumst við Pajero eigendur ekki við, en þeim mun betur þekkjum við raunverulega virkni þeirra…
Varðandi kantasmíð, þá er hún ekkert flóknari en önnur mannanna verk; það þarf bara að gera hlutina… Já, ég er sammála þér að ég er hissa á vinum mínum í AT að vera ekki búnir að klára þetta "44 mál með 120 bílinn, sérstaklega þar sem þú ert búinn að "bíða á kantinum" eftir lausnum alveg frá því þú/þið fenguð ykkar bíl… Ég fylgdist aðeins með þessu kantamáli hjá Aroni vegna "44 breytingarinnar og mér sýndist fara í það nokkur dagsverk að klára þetta frá "38 köntunum þannig að það væri alveg skammlaust. Þetta með dekkið þeirra AT manna er náttúrlega að verða "skrípasaga aldarinnar" í jeppabransanum og sjálfur er ég steinhættur að reikna með því að það sjáist nokkurn tíman í almennri sölu úr því sem komið er. Reyndar hafði ég tröllatrú á projektinu um nokkurt skeið og lagði það á mig að keyra á haugslitnum hjólum í meira en ár, meðan ég beið eftir "dásemdinni" sem aldrei kom…
Jæja, en hvað um það, þá eru margir hissa á vandræðaleysi þessara pajero bíla (sem þjóðsagan sagði um 3ja ára skeið að ekki væri hægt að setja á "38 hjól). Þú talar um að þú hafir reynslu af því að 120 LC sé að skila sér betur áfram en Pajero; mér er spurn, hvaðan hefur þú þá reynslu???
Ef þú ert að vitna í Hrafntinnuskerstúrinn okkar síðan í fyrra, þá vil ég nú minna þig á að þar varst þú sjálfur á 90 LC með milligír, sem er líklega u.þ.b. 200-250 kg. léttari en nýji Pajero og 120 LC. Auk þess var minn bíll þá hlutfallalaus og án framdrifslæsingar sem þú státaðir af. Ég vissi ekki að þú hefðir í annan tíma ferðast með Pajero með þróaðri fjöðrun???
Ferðakveðja norður í fannfergið,
BÞV
Ég fer að halda að BÞV hafi fengið ljósrit af frægri bók (501 ástæður fyrir því að ég dríf ekki neitt) í einkaeign. Í þessari bók er hægt að finna afsakanir fyrir því af hverju jeppinn er ekki að drífa, og virðist mér að þessi bók sé nú staðalbúnaður í Pæjum. Meðan aðrir skoða landakort og njóta fjallaloftsins, virðist afsökunbókin vera helsta uppflettirit þeirra Pæjumanna og er hún trúlega orðin hin nýja biblía í þessum sértrúarsöfnuði.
Hlynur
Blessaður Hlynur og velkominn til byggða…
Þetta eru "skýringar" en ekki "afsakanir". Á því er mikill munur. Auðvitað er þetta eitthvað sem þið Patrolkallar þyrftuð að leggja meira uppúr, þar sem þið standið nú oft frammi fyrir allskyns uppákomum oft í hverjum túr…
Nei annarst, það er ekki hægt að leita skynsamlegra skýringa á því öllu… lærum að lifa með þeim hlutum…
Ferðaleðja,
BÞV
You must be logged in to reply to this topic.