Bannað að aka inn í Hrafntinnusker ?? ??

Þetta hef ég ekki heyrt…. hef heyrt um einkabíla keyra þarna inneftir og aldrei heyrt svona sögu áður??????

Það hefur fallið dómur um að það sé vegur inn að skálanum í Hrafntinnuskeri. Þótt hann hafi verið lagður að beiðni Ferðafélags Íslands, þá eiga þeir hann ekki og hafa ekki nokkur yfirráð yfir honum. Eins eru skálaverðir FÍ bara venjulegt fólk sem getur ekki bannað mönnum að keyra einhverja vegi. Ef grunur er um utanvegaakstur, þá á að sjálfsögðu að kalla til lögreglu.

Góðar stundir

Sumarið 2006 mætti ég grautfúlum skálaverði þegar ég kom akandi niður að skálanum, það var í fyrsta skipti sem skálaverðirnir þarna reyndu að banna mér að keyra þarna. S’iðan hefur þetta gerst tvisvar eða þrisvar. Þetta hafa verið allt frá "vinsamlegum ábendingum" í skammarræður. Ég hef alltaf passað mig á að vera bara kurteis en ákveðinn og þá gefast þeir fljótt upp enda hljóta þeir að vita að þeir hafa ekkert í höndunum.

Kveðja, Freyr

Við fórum í fyrrahaust þarna inn eftir og þá kom skalavorðurinn einnmitt út og lét öllum illum látum og sagði að það væri bannað að aka þarna.

Væri ekki ráð að senda FÍ bréf og fá það á hreint hvað er eiginlega í gangi þarna. Það hlýtur að liggja ljóst fyrir hvort að þetta er bannað eða leyfilegt, og ef það er leyfilegt, þá er alveg ömurlegt að þurfa að upplifa svona hegðun.

Það væri ágætt að fá upplýsingar hvaða dómur þetta er, svo að maður gæti lesið hann til að geta vitnað í, ef maður lenti í því að vera skammaður af skálaverði.
Kv. Kristján Kristjánsson

[quote="hhaf":15srx4yf]Það er ekki bannað að keyra þarna en ekki alltaf vinsælt hjá skálavörðunum enda frekar þröngt í kring um skálann og bílastæði fyrir einn bíl.gott ráð til að halda friðinn við vörðinn er bara að labba 200 metra niður brekkuna og ég er viss um að vörðurinn yrði svo glaður og þakklátur að hann byði uppá kaffisopa þegar hann sæi svona kurteisa jeppamenn ég sjálfur er gamall skálavörður og jeppakall en það fór svakalega í taugarnar á mér þegar hlaðið fylltist af jeppum og menn stylltu sér upp í röð drápu ekki á bílnum opnuðu gluggann og spjölluðu hentu svo jafnvel út stubbnum og þöndu dósina og keyrðu í burtu. En auðvitað þurfa allir að sýna kurteisi skálaverðir jafnt sem við jeppakarlar. kveðja Dóri.[/quote:15srx4yf]
Það er allt annað i dag

hmm…

ÓE

Upplýsandi, takk fyrir þetta Jón. Hvernig er salernismálum háttað hjá þeim FÍ mönnum í þessum skála? Nú koma sjálfsagt margir þarna sem er brátt í brók, – ætli aðstaðan anni að þessu leyti?
Ef maður setur sig í spor skálavarðar í þessum skála þá held ég að maður væri frekar pirraður, – alla vega yfir annatímann, sem er nú reyndar stuttur sem betur fer.
En svo maður haldi sig við efnið, má ekki fjölga bílastæðum?

ÓE

Var að fá meðfylgjandi óbreytt svar við fyrirspurninni,
(svar Umhverfisstofnunar hafði dregist því því viðkomandi starfsmaður var í sumarfríi)

"[i:2bu1rrt6]Umræddur slóði upp að skála FÍ við Hrafntinnusker var ekki myndaður með heimild Umhverfisstofnunar og er ekki á aðalskipulagi sveitarfélagsins. Hann er ekki merktur og hefur ekki verið samþykktur af stofnuninni.
Slóðinn er innan friðlands að Fjallabaki en í auglýsingu um friðlandið segir m.a. að umferð vélknúinna ökutækja er aðeins leyfð á akvegum og merktum slóðum á friðlandinu.

Samkvæmt 17. gr laga um náttúruvernd nr. 44/1999 er lagt bann við akstri vélknúinna ökutækja utan vega með tilteknum undantekningum. Nánari útfærslu undanþága til aksturs utan vega er að finna í reglugerð um takmarkanir á umferð í náttúru Íslands, nr. 528/2005. Samkvæmt 4. gr. reglugerðarinnar er bannað „að aka vélknúnum ökutækjum utan vega í náttúru Íslands. Heimilt er þó að aka vélknúnum ökutækjum á jöklum svo og snævi þakinni og frosinni jörð svo ekki skapist hætta á náttúruspjöllum.

Umhverfisstofnun veitir venjulega ekki leyfi til aksturs um slóðann nema um sé að ræða sérstakar aðstæður. Til þess að sækja um slíkt leyfi þarf að senda erindi á ust@ust.is, óska formlega eftir leyfi og gefa greinagóða skýringu á tilgangi akstursins.[/i:2bu1rrt6]"