ballansstöng

Bíllinn getur orðið leiðinlegur að framan á klafabíl ef jafnvægisstangir vantar, gerði þetta við 2 rönnera sem ég hef átt og annar þeirra varð hundleiðinlegur en á hinum fann ég engan mun. Hef aldrei getað gert mér grein fyrir afhverju það munaði…
En að aftan skiptir þetta engu máli og er bara til bóta að rífa þetta undan.
kkv, Úlfr.

Ég tók stöngina undan mínum Toy X-tra cab og prófaði hann svoleiðis, eftir nokkra daga fór stöngin í ruslið

Mismunur á veltustífleika á milli framenda og afturenda getur víst haft áhrif á undirstýringu, yfirstýringu. Sagt er að ef bíll er of stífur að aftan miðað við að framan getur bíllinn orðið yfirstýrður, þ.e.a.s. frekari líkur á að afturendinn skjóti sér út í beygjum.
Þetta er væntanlega mjög misjafnt eftir bílum og bara gott að prófa. Ég gafst allavega upp á mínum fjaðra hilux að sleppa jafnvægisstönginni að framan. Hann varð alveg ferlegum á t.d. römpum (lyfti hjólum að aftan…), enda var ‘ann á ca 10 cm þykkum talibanafjöðrum að aftan

Eftir gormavæðingu er þó engin stöng í bílnum og sakna ég þeirra bara ekkert svo mikið.

kv
Rúnar.

Ég hef fjarlægt ballansstangir undan nokkrum bílum sem ég hef átt. Engin hefur farið undir aftur.
4runnerinn varð svolítið undarlegur þegar stöngin var farin að framan, en ennþá undir að aftan. Þegar aftur-stöngin fór líka í ruslið, þá varð allt miklu þægilegra.
Besta dæmi sem ég man eftir var þegar ég sannfærði félaga minn á Lada-Sport (33") um gildi jafnvægisstanga. Við tókum hana undan, skildum hana eftir á verkstæðisgólfinu og fórum í bíltúr á djöfullegum malarvegi.
Þegar við komum aftur inn á gólf tók hann stöngina og færði hana snyrtilega í ruslafötuna.
HINS VEGAR eiga jafnvægisstangir alveg rétt á sér í bílum með stutt á milli gorma og mikla yfirþyngd, bara til að halda draslinu nokkurn veginn lóðréttu á því sem næst sléttum vegi. Þess vegna er gott að muna hvernig fyrsti alvöru gormavæddi jeppinn (Range Rover) var byggður, alveg án jafnvæisstanga; langt á milli gorma og demparar utarlega. Það er uppsetning sem hefur hentað ansi vel í gegn um tíðina þrátt fyrir að flestir aðrir bílaframleiðendur hafi valið að troða grindinni á milli hjóls og gorms að aftan.
Ég er ansi hræddur um að RR útfærslan verði seint toppuð, þó svo að hún sé komin til ára sinna. Það væri allavega mjög gaman að hitta teymið sem hannaði þetta system, það er alveg víst.

kv
Grímur

Þegar ég reif stöngina úr Pajero hjá mér þá fann ég svosem engan stórmun innanbæjar nema hvað að þegar maður var að taka aðreinarnar frá miklubraut á sæbraut þá lagðist hann aðeins í restina, ekkert stórmál. En það var annað sem ég lennti í og fékk mig til að setja hana aftur í með nýjum gúmmíum. Þegar ég fór að keyra holótta malarvegi þá djöflaðist framfjöðrunin alveg eins og ég veit ekki hvað og það glamraði einhvernvegin allt undir bílnum og gerði hann mjög druslulegan að keyra. Um leið og stöngin fór í með nýjum gúmmíum hætti þetta og hann planaði malarvegina eins og ekkert væri.
Tek það fram að bíllinn er nánast ekkert uppskrúfaður. Eina sem hægt er að gera til að fá botn í svona er að rífa þetta úr og prufa en þá þarf líka að prufa allar aðstæður ekki bara malbikið í RVK. Eina sem liggur ljóst fyrir er að hann drífur meira í brölti með enga stöng en það gæti komið niður á manni þegar á að fara að keyra í hörðu og ósléttu snjólagi.