This topic contains 31 replies, has 1 voice, and was last updated by 
-
Topic
-
Góðann daginn félagar.
Þannig er málið, að móðir mín á Freelander árg. 2003, og það fór í honum heddpakningin í 47000km.
Við það þá fara skilst mér stimplarnir í blokkina svo að vélin er ónýt. Ég veit að þetta var galli í bílnum árg. 98 og 99, en hélt að það hefði verið lagað.
Umboðið vill alls ekki viðurkenna að um galla sé að ræða, en hefur samt boðist til að taka á sig 150.000 ásamt framleiðanda, af um 600,000kr, þetta finnst mér nú bara viðurkenning á því að um galla sé að ræða,
Það er búið að taka endalausar hringingar og þras að fá þetta fram en umboðið hefur ekkert viljað gera. Móðir mín getur ekki án bíls verið vegna aðstæðna, en samt var ekki hægt að fá lánaðan bíl hjá umboðinu í nokkra daga á meðan leitað væri að öðrum bíl, Þetta bara kom þeim ekki við, ekki þeirra vandamál.
Nú langar mig til að vita hvort þetta sé bara standard ending á landrover vélum, og hvort að umboðið ætti þá ekki að auglýsa svona sirka 50.000km hámarks akstur á þessa bíla.
En annars, þá finnst mér ástæða til að vara menn við því að versla þessa bíla, ef endingin er svona, og svo þjónustan í samræmi við það.Veit einhver til þess að vélarnar í yngri bílum en árg 2000 hafi verið að gefa sig?
Kv. Trausti Bergland
-
Replies
-
Greinilega mismunandi eftir umboðum. Konan á polo sem gírkassinn fór í og var hann keyrður um 60000 km og 4 til 5 ára þegar það gerðist. Fór með hann í Heklu og þeir sögðu ekki það ekki eðlilega endingu og settu annan kassa í mér að kostnaðarlausu.
Ég veit ekki um ykkur en mér finnst þetta vera galli, það er ekki hægt að vera sáttur við að bílvélar í dag séu bara gerðar fyrir 50.000km.
Þessi tiltekni bíll er á Akureyri, og hefur að mér vitandi aldrei farið útaf malbiki, og alltaf hugsað mjög vel um hann, enda 47000km á rúmum 4 árum engin keyrsla.
Varðandi það sem Ivar segir hér að hann skilji ekki að konan hafi ekki fengið bíl að láni, þá var mönnunum hjá B&L gert það alveg ljóst að konan gæti ekki verið án bíls, en eins og ég sagði áður þá bara kom þeim þetta ekkert við, Ekki möguleiki að fá lánaðan bíl í 2 til 3 daga.
Ég þekki persónulega svipað mál hjá öðru umboði, þar var bíllinn samt ári eldri, en samt var hann tekinn og sett í hann ný vél það þurfti ekki einu sinni að ræða það, og bíll lánaður á meðan þetta var gert. Það umboð samþykkir ekki að vélar hjá þeim séu bara fyrir – 50.00km.
Kv. Trausti Bergland
Ef meðlimir 4×4 geta ekki tjáð sig hér á síðu 4×4 hvar á þá að gera það??????
En aftur á móti þurfa skrifin að vera málefnaleg.Ég tel það okkur til góða að vita ef eitthver hefur fengið góða þjónustu hjá fyrirtækjum eða slæma.
Reindar er allt og oft rætt um það slæma frekar en það góða.Kveðja
Agnes Karen Sig
Formaður 4×4
Varla er Freelander bilanalaus frekar en aðrir bílar. Er frekar hissa á að heyra að menn í jeppaklúbbi séu að halla á Land Rover Defender bíla bara fyrir að vera það sem þeir standa fyrir en það er jeppi af gamla skólanum sem stendur undir nafni sem slíkur.
Án þess að ég ætli nú að blanda mér með beinum hætti í þessa umræðu langaði mig bara að benda á að það er sitthvort að vera lélegur eða gallaður.
Bara þó vara standist ekki kröfur sem eru byggðar á reynslu af öðrum óskyldum vörum er ekki hægt að segja að hún sé gölluð. Hún er bara léleg.
Standist varan hinsvegar ekki þær kröfur sem framleiðandi segir að hún eigi að standast – þá er hún gölluð.
…án þess að ég sé að fullyrða eitt eða neitt um þær vörur sem hér eru til umræðu.
Ef að allar freelander vélar myndu hrynja í kringum 50 þús þá væru þetta lélegar vélar.
Svo er ekki, þessi vél hrinur, þessi vél er þá gölluð.Svona ef menn vilja fara út í þetta nánar.
kv
Gunnar
Ég ætla alls ekki að þræta fyrir það að 50.000 km sé óeðlilega stuttur líftími.
Annars rakst ég á þennan þráð, sem ég nennti að vísu alls ekki að lesa endanna á milli – enda 126 síður af færslum þarna:
http://forums.preloved.co.uk/fuseaction … 8a53d.html
Sumir fá huggun út úr því að vita að þeir eru ekki þeir einu sem eru að glíma við ákveðin vandamál. Mér sýnist að þið séuð nógu mörg til að stofna lítið eyríki…
Kannski finnurðu eitthvert fordæmi þarna sem þú getur stuðst við, annars vona ég bara að þetta blessist einhvernvegin hjá þér.
þess má til gamans geta eftir alla umræðuna um hvað IH er miklu betra umboð en bogl, að þetta er eitt og sama fyrirtækið. sömu eigendur, sama yfirstjórn, sama tölfukerfi og bráðum sama verkstæðið.
Verður þá ekki bara farið að setja Land Rover vélar í þessar Patrol hækjur, það virðist allavega vera betri ending á þeim
Það var nú einn ágætur kunningi minn að skipta um vél í Defendernum sínum, þannig að vélaskipti í Defender eru ekki alveg óþekkt. Munurinn er sá að sú vél var búin að snúast 500.000 km. og örugglega engan sérstakan sparakstur. Ætli þessi bíll verði þá ekki sprækur og hress næstu 500.000 kílómetrana.
Kv – Skúli
Það er ekki óalgeingt að skipta þurfi um velar sem mikið eru eknar. En í sumum gerðum af landróver hefur verið um of miklar bilanir til að geta sagt að það sé eðlilegt. Fyrir ári þá keypti ég mér Teracan frá BogL á sama tíma var ég að spá í að fá mér Landróver. Sölumaðurinn hjá BogL sem seldi mér bílinn sagði við mig að þar sem ég væri búsetur úti á landi í dreifbíli þá væri landrófer ekki góður kostur fyrir mig þar sem bilanatíðni væri of mikill og ekki væri gott að búa þá á stað sem langt væri á verkstæði. Þetta var sölumaður hjá BogL sem benti mér á þetta. Þarna er greinilega verið að viðurkenna að bíllinn er gallaður að einhverju leiti.
You must be logged in to reply to this topic.