Aukin eyðsla ???

verið að það eigi að vera oxigen sensor í hvarfakútnum, sem gæti ruglað tölvuna í bílnum.

Svo er eitt að þegar menn tjúna bílana sína með svo sem pústi og loftsíu sem ætti að lækka eyðsluna þá þyngist oft bensínfóturinn og bíllinn fer að eyða meiru en áður. Svo róast maður með tímanum og þá kemur oft fyrir að bílarnir eyði minna en áður. Hef eigin reyslu af þessu.

Það eru tveir súrefnisskynjarar, einn fyrir framan kút og einn fyrir aftan. Ef þú tekur kútinn burt þá lesa báðir skynjararnir sama súrefnismagn í útblæstrinum. Þá heldur vélartölvan að hvarfakúturinn sé bilaður og kveikir "check engine" ljósið. Jafnframt fer tölvan af "closed loop" (þá vinnur tölvan skv. uppls. frá skynjurum og stillir opnunartíma spíssana eftir þörf hverju sinni) og fer að vinna á "open loop". Þá vinnur tölvan skv. forriti og kallast það "limp home mode" eða "Home safe mode".

Þá verður bíllinn töluvert aflminni og fer að eyða meiru. Stundum áttar fólk sig ekki á þessu eða er sama og keyrir, jafnvel í mörg ár, með tölvustýringuna óvirka en fyrir vikið er bíllinn dýr í rekstri og leiðinlegri í akstri.

Lambda skynjarar (súrefnisskynjarar) eru til í tveimur útfærslum:
Önnur útfærslan (Zirconia) byrjar að virka við u.þ.b. 500°C. Þá fara rafeindajónir að myndast á platínu-plötum skynjarans. Hlutfall súrefnis í útblæstri stýrir magni rafeindajóna, sterk eldsneytisblanda (mikið bensín/lítið loft)= meiri rafeindamyndun= meiri spennumunur milli platna. Spennan sem getur myndast er 0-999mV.
Ef þú ert með svona skynjara þá þarf að finna hvaða vír af sennilega fjórum er sá sem flytur strauminn frá skynjara að tölvu. Á þann vír seturðu viðnám (finnur stærðina sem þú þarf að nota með því að mæla strauminn í vírnum) viðnámsstærðin gæti verið eitthvað í kringum 10ohm. Viðnámið lækkar þá strauminn til tölvunnar og aftari skynjarinn gefur minni straum en sá fremri þó að súrefnishlutfallið sé það sama, þá heldur tölvan að hvarfakúturinn sé að gera gagn og allt virkar eins og það á að gera. Þá er minna viðnám í pústkerfinu=meira afl=MIKIÐ GAMAN, MIKIÐ GRÍN HA HA HA HA HA HA HA HA HA.

Hin skynjaragerðin er Titania. Þá myndar hann ekki spennu heldur sendir tölvan til hans 0.45V spennu. Skynjarinn breytir svo spennunni eftir blöndunarhlutfallinu og sendir til baka til tölvunnar. Ég er ekki alveg viss hvað þarf að gera til að rugla hann en það ætti að vera hægt að finna hvaða vír sendir straum til baka til tölvunnar og finna út með mælingum hvort á að setja viðnám á 0.45V leiðarann eða þann sem sendir í tölvuna aftur.

Innvolsið í hvarfakútnum er stökkt svo það er auðvelt að nota t.d. steypustyrktarjárn til þess að mölva innan úr kútnum og hrista mylsnuna úr honum.

Sumir hafa áhyggjur af mengunn en gildið sem hvarfakúturin lækkar má vera 4.0 (man ekki hvaða en gæti verið CO(kolsýringur)). En gildið í flestum nýjum bílum er 0.00eitthvað svo það er í lagi að taka kútinn burt. Þar að auki er ekki skylda að hafa hvarfakút í bíl nema hann sé ’95 eða yngri.

Freyr Þórsson.

Man þetta ekki alveg nákvæmlega. Það getur vel verið að 10 megaohm sé talan sem ég fékk út. Félagi minn reif hvarfakútin undan Citroén Saxo og mig minnti að viðnámið hafi verið 10 ohm en er ekki viss, a.m.k. fór hann úr 125,6 í 129,8 hp. (mældur á dynotester) og tölvan kvartaði aldrei þannig að vinnámið var passlegt, ég skal spyrja hann hvað það var hátt.

Freyr