This topic contains 7 replies, has 1 voice, and was last updated by 
-
Topic
-
Sælir,
Hvernig hafa menn verið að tengja aukatanka við aðaltank ?
Nota menn einfalda rafmagnsdælu og þá hverskonar dælu ?
Eru menn yfirleytt með mæla við þessa tanka ?
Hvaða skoðun hafa menn á efnisvali,- ál, stál, plast ?
Gaman væri að heyra hvernig þið gerið þetta.Kveðja
Sverrir
-
Replies
-
Anonymous- Umræður: 0
- Svör: 16404
Það eru sjálfsagt öll efni notuð í þessa tanka en ég myndi velja rustfritt stál. Oft er sett rafmagnsdæla á aukatankinn sem fyllir aðaltankinn en það eru til margar útfærslur á þessu. Ein er t.d þannig að hafa aukatankinn örlítið ofar en aðaltankinn og hafa stútana á þeim neðanverðum. Leggja slöngu á milli þeirra með einstefnuloka og stút til að fylla aukatankinn tilheyrandi loftinntökum. Þetta virkar þannig að þegar þú notar bara aðaltankinn hindrar einstefnulokinn aukatankinn í að taka við eldsneyti en þegar aukatankurinn er í notkun þá er yfirborðið á eldsneytinu alveg jafnt og þá sýnir aðaltanks mælirinn rétta stöðu um eldsneytismagn á báðum tönkunum.
Kv Isan
Anonymous- Umræður: 0
- Svör: 16404
Var að velta þessu fyrir mér líka – en þeir sem þekkja vel til segja að álið sé það eina sem dugi. Þarf bara að vera úr nægilega þykku efni. Ég er sjálfur með áltank úr of þunnu og verður alltaf til vandræða. Springur á suðum á ársfresti. stáltankarnir springa þó meira nema maður setji undir upprunalegan aukatank (sé með tvo eins tanka) en þá er eldsneytismagnið í heild minna en með áltanki, u.þ.b. 120 lítrar í stað 150. Við mæli hefur maður ekkert að gera á aukatankinn. Maður dælir bara á milli. Dælan kostar fimm þusund krónur.
bv
Sæll Sverrir,
ég myndi nú bara smíða hann úr venjulegu smíðajárni,ég gerði svona tanka úr áli svo þurfti ég að breyta þeim og þá byrjaði veseni með að fá þá til að þétta (líka verður álsuðan stökkari en það er atriði sem ég trúi ekki).Nú er ekki tankurinn hjá þér úr venjulegu smíðajárni og svo bara ryðvarinn og endist í mörg ár, ég svona eftirá að hyggja skil ekki afhverju varatankar þurfa að vera úr betra smíða-efni en aðaltankurinn. Reyndar er ég nokkuð hrifinn af aðferð Jóns með að hafa hann aðeins ofar uppá renslið úr honum og líka varðandi mælinn. Nú annars eru þær ódrepandi dælurnar úr Bílanaust fyrir 6,2 GM , en þá er þægilegra að vera með mæli í aukatanknum og ljósrofa fyrir dæluna.
Kveðja Hjörtur og jakinn.
Sælir félagar.
Ég er með 2 stk. aukatanka í barbí og með 2 stk. dælur sem dæla úr þeim á aðaltankinn. Aukatankarnir mínir eru úr ryðfríu stáli, smíðaðir fyrir 3 árum. Einu sinni hefur þurft að lagfæra sprungna suðu í örðum þeirra, þrátt fyrir mikið álag og nudd við móður jörð.
Ég held að álið sé almennt að stríða mönnum meira en stálið, enda þykkara (þolir minni hreyfingu) og því lítið/ekkert léttara en stálið þegar upp er staðið. Skil alveg að menn skoði líka venjulegt smíðajárn, þótt ég þekki einnig til ryðvandamála með það með tímanum (einnig að innanverðu => stíflaðar síur…).
Ég sé ekki þörf á að nota mælir í aukatank, enda veistu hvað þú ert búinn að dæla miklu af honum/þeim ef þú hefur mælir á aðaltanknum. Sammála að 6,2 GM dælurnar eru ódrepandi og einnig að nauðsynlegt er að hafa ljós á rofum til að gleyma sér ekki við áfyllingu.
Að mínu viti er best að hafa áfyllingarrör á aukatank út úr hlið aðaláfylingarrörs og taka dælustúta frá aukatönkum upp í áfyllingarstút aðaltanks, þá er einfaldlega hægt að fylgjast með / skoða hvernig dæling á milli tanka gengur (með berum augum).
Ferðakveðja,
BÞV
Anonymous- Umræður: 0
- Svör: 16404
Ég er með 80 l áltank og var einmitt búinn að lenda í þessu tvisvar að þurfa að rífa hann undan til að laga sprungu. Í seinna skiptið setti ég gúmmípúða á milli þar sem hann boltast við grindina og síðan hefur hann verið til friðs. Málið er að þegar grindin vindur sig vilja tankarnir springa en með gúmmípúðunum er kominn nægjanlegur sveigjanleiki til að koma í veg fyrir það.
Kv – Skúli H.
Anonymous- Umræður: 0
- Svör: 16404
Ég er með 93 l aukatank úr áli og er búinn að vera með hann undir í tvö ár án vandræða. Hrafn í s. 821 9222 smíðaði tankinn úr áli sem hann flutti inn sérstaklega í tankasmíði.
Ég smíðaði svo léttan ramma úr svörtu stáli undir tankinn sem ég hengdi upp í grindina í bílnum og setti gúmmí milli tanks og ramma. Með þessu móti liggur tankurinn í rammanum en ber ekki þungan af eldsneytinu og auk þess tekur ramminn að mestu við átaki þegar grindin svignar eða tankurinn rekst niður. Ég tók svo auka grein út úr áfyllingarstútnum og er með rafmagnsdælu úr Bílanaust til að dæla á milli. Þetta er allt frekar landbúnaðarlegt en virkar ágætlega en það er mikilvægt að velja ál sem hentar í tankinn.
Þakka ykkur fyrir góð ráð og skemmtilegt að heyra hvernig menn hafa misjafnar skoðanir á þessu. Mín ákvörðun endaði með því að ég setti í bílinn hjá mér stáltank með einfaldri dælu á milli. – semsagt svolítið landbúnaðarlegt, eins og einhver sagði, en einfalt, sterkt og ætti að virka vel.
Kv
Sverrir
You must be logged in to reply to this topic.