auka boost á túrbínu

hmmmmm

það ætti að vera slanga sem kemur úr loftintaki, rétt fyrir framan túbínuna og í "veistgeit" ventilinn, taktu hana í sundur og settu "T" stykki og slöngu þaðan inní bíl í mælinn

til að auka boostið er fínt að losa brakketið sem að heldur ventlinum á túrbínunni, 2 boltar, og setja skinnu á boltann á milli túrbínu og brakketsins þannig að brakketið færist fjær túrbínunni

best er að tengja mælinn fyrst til að geta fylgst með boostinu, þannig að ef ein skinna er ekki nóg þá bara setja aðra o.s.fr.

ég hef boostið í mínum um 0,5-0,6 bar

vona að þetta hjálpi

Mig minnir að orginal 2LT kveiki aðvörunarljós í mælaborðinu við ca 10 psi. Ætti að vera allt í lagi að boosta það miklu.

Ekki vera að fikta neitt í þessu nema hafa mæli. Ég mæli með að þú setjir mælinn vélarmegin við intercoolerinn. Það verður nefnilega töluvert "þrýstingstap" yfir millikælinn (kaldara loft tekur jú minna pláss en heitt loft, og svo er alltaf einhver mótstaða í kælinum, sérstaklega ef hann er íslensk smíði).

Þægilegast er að auka boostið með skinnunum. Hver skinna eykur töluvert, líklega ein 2-3 psi.

Annað, diesel mótor er bara mjög sáttur við að fá fullt af lofti og lítið af eldsneyti, en á sama skapi mjög ósáttur við að fá fullt af eldsneyti og lítið af lofti (öfugt við bensín mótor). Of sterk blanda = ónýtur mótor.

Gangi þér vel.

kv
Rúnar.

Sko.
Ég veit ekki hvað þú veist mikið um virkni þessa hluta túrbínunar, þe wategateið.
Pústið af sem kemur út af vélinni fer í gegnum pústgreinina og inní túrbínuhúsið. Þar eru tvær leiðir, önnur í gegnum túrbínuna og hin í gegnum wastegate. Wastegate er ventill sem opnast þegar fyrirfram ákveðinn þrýstingur hefur myndast í blásturshluta túrbínunar. Hann er venjulega lokaður, þannig að pústið fer allt í gegnum túrbínuna þangað til hún er búin að ná upp þeim þrýstingi sem æskilegur er. Þá er blaðka í pungnum lengst til hægri á neðri myndinni sem ýtir stöng/teinn sem liggur úr þeim pung og í arm sem stýrir ventlinum og hleypir umfram pústi beint útí púströrið.
Ég er ekki klár á því hvar menn hafa verið að setja þessar skinnur, þe hvort við viljum lengja eða stytta teininn, ég er bara ekki klár á því í hvora áttina hann fer þegar wategateið er opnað. Það er ekkert mál að sjá það ef þú opnar húddið með bílinn í gangi og gefur honum inn og fylgist með í hvora áttina armurinn fer.

En sú aðferð sem ég hef notað þegar ég vill blása meiru, er að nota svona boost controller eins og ég sýndi hérna á link aðeins ofar, sem framleiðandinn kallar voodoo boost controller. Hann er einfaldlega settur á slönguna sem fer úr túrbínuhúsinu og í punginn. Hann er mjög einfaldur, samanstendur af hné, gorm, kúlu og stilliskrúfu og virkar þannig að stilliskrúfan ýtir ákveðið fast á gorminn og kúluna á endanum að það þarf ákveðið mörg pund til að opna lokann. Nú er hilux original að blása um 7 pund. Setjum upp dæmi, boost controllerinn er stilltur þannig að hann opni við 3 pund, og þá er stærðfræðin einföld, 7+3=10 pund sem túrbínan blæs. Þetta er síðan stillanlegt alveg eins og maður vill, og græjunni fylgir að sjálfsögðu stoppró til að stilliskrúfan fari ekki á flakk. Ég mæli eindregið með þessu apparati, kostar skitna 15 dollara + sendingarkostnað, enda keypti ég 3stk

Þetta væri alveg örugglega hægt að orða betur enda er ég hvorki skáld né pistlahöfundur, en ég vona að þetta verði að einhverju gagni.

Er ekki betra að taka teininn sem er á milli wastegate og pústgreinar úr og taka hann í sundur í miðjunni, stytta aðeins, snitta báða enda og setja langa ró uppá hann. Þá getur þú stillt túrbínuna með því að losa annan endann á teininum og skrúfað hann inn eða út. Ég gerði þetta við minna gamla 60 krúser og kom þetta vel út. þar var endinn á pústgreininni festur með splitti og auðvelt að losa og stilla.

Sælir

Mér þykir þessi skinnu/teina aðferð allt of flókin. Það er mikið einfaldara að fara út í Landvélar og kaupa sér nálaloka og setja hann á slönguna sem stjórnar afgaslokanum. Þetta er aðgerð upp á ca. 1.000.- kr. og er algerlega stillanleg. Virkar eins og lokinn sem ElliOfur bendir á.
Ísetningin tekur ca. 10 mín. og er alger snilld. Við höfum gert þetta svona félagarnir og reynst vel. Ég sjálfur er að nota boost mæli frá Landvélum (er reyndar ekki hugsaður sem slíkur og ekki sérlega skemmtilegur mælir). Ég á því miður engar myndir af þessu hjá mér, en þetta er afskaplega einfallt í framkvæmd.

Ég sjálfur hef lengst af verið með gamla mikið slitna 2LT vél og blásið inn á hana 12 Psi. Nú er ég með 2L og blæs ca. 8 psi á hana.

Kv. Emil

Sæll Brynjar

Villtu ekki kíkja á þetta hjá mér? Er það ekki einfaldast? Ég verð í skúrnum annakvöld, fimmtudagskvöld. Hringdu í mig í 898-8506 ef þú villt kíkja.

Emil

Hvernig túrbína er þetta sem þú ert með herra Emil?

kv
Rúnar