Auglýsingar á vefnum

BTF: Ég verð reyndar að vera sammála þér þarna.

… og Skúli – hvað segirðu um að mætast á miðri leið og samþykkja að hér megi auglýsa allt … nema Yaris. Ég færi mjög sáttur að sofa með þá niðurstöðu

Annars er ég líka að auglýsa Pajero fyrir föður minn – ef þú ert á annað borð á höttunum eftir bíl 😀

kv.
Einar Elí

Ég er viss um að einhver gúrúinn í vefnefnd getur skrifað forritsstubb sem eyðir aðgangsorðum og ræsist í hvert skipti sem einhver skrifar Yaris á auglýsingasvæðinu. Það væri alveg hægt að sættast á þá millileið svona þangað til einhver verður alvarlega brátt í brók með að selja þvottavélina sína eða eitthvað álíka.
Hlynur er náttúrulega með skilgreiningarnar á hreinu.
Kv. – Skúli

Ég er félagsmaður, og ég ætla að auglýsa Yaris hérna eins oft og mér sýnist, enda kemur það engum við.
Þeir sem ekki hafa áhuga á að skoða Yaris auglýsingar eða aðrar fólksbílaauglýsingar skoða einfaldlega næstu auglýsingu fyrir neðan, það fer nú ekki mikill tími í að skrolla niður skjáinn og ýta svo á "næsta síða".

Að gefnu tilefni vil ég benda á að ég er líka með ísskáp til sölu hahahahahaha
Endilega að hafa samband 899-2536

hvernig væri að hafa það með í dæminu að flestir af þessum mönnum sem eru að auglýsa fólksbílana sína eiga jeppa. eru að reynað selja fólksbílinn til þess að fá sér jeppa. eigum við að kalla það brask eða leið til að eiga fyrir hlutunum. eitt út annað inn?
ansk. eg ætla ekki að hafa samviskubit yfir því að auglýsa eithvað herna hvort sem það er fólksbíll eða jeppavarahlutir eða fylgihlutir til þess að eiga fyrir mínu áhugamáli.

óhofleg misnotkun á auglýsingaplássi er auðvitað bara merki um það að menn vilja losna við hlutina og reynað hafa þá á upphafsíðunni sem oftast þangað til þeir seljast.

ef ykkur er svona svakalega illa við eina yaris tík er þá bara ekki málið að skella samann í púkk og kaupana þá kanski hættir hann að auglýsa
eg er klár að kaupan þarf bara að selja smá drasl áður.. spurning hvort það sér brask

kv. einn sem fynst sápuóperur leiðinlegar

Ég hélt að þetta félag snérist um jeppamensku og því teingt en
ekki um yfirgengilegt auglýsingar rugll, og þá sem eru í þessu félægi sér til
gamans stunda þann ferðamáta vera á jeppum
kv,,, MHN

Ég sé ekkert að því að félagsmenn séu að auglýsa allt á milli himins og jarðar á vefnum svo framanlega að þeir séu félagsmenn og einnig er mér sama þó að sumir stundi spurningakeppni á vefnum því að ég er hlyntur frelsi en ekki höftum.
kveðja Trausti k.

Nei

Og margt gott sem hér hefur komið fram. Benni kemur hérna með ýmsa punkta sem kannski eru þeir mikilvægustu. Þ.a.s þjónusta við félagsmenn og hraðinn á vefnum.
Við núverandi aðstæður er vefurinn kominn að þolmörkum bæði hvað varðar hraða og auglýsingar umfang. Sennilega væri ekkert mál að flokka auglýsinga með þeim hætti að allir gætu auglýst nákvæmlega það sem hugurinn girnist hverju sinni. Þá þarf tvennt til.
Annars vega hraðvirkari vef og hinsvegar flokkun á auglýsingunum. En er vilji til þess að fara út í nýsmíði á vefnum eða hefur vefnefndin áhuga á því að dubba upp á auglýsingarflokkanna. Það er spurningin.
Hvað flokkun auglýsinga varðar þá væri hugsanlegt að flokka þær með þeim hætti að einungis ferða og jeppatengt efni birtist á forsíðu. Með því móti gæti meirihlutinn verð sáttur. Markmiðið með auglýsingunum var að hér yrði mest auglýsingarflóra útivistarmann og virðist það vera að verða raunin, en fólksbíla auglýsingar og búsárhöld trufla þá ímynd. Síðan er það stóra málið hvort eigi að fara að huga að endurnýjun vefsins eða hvort það eigi að láta eitthvað annað njóta forgangs. T,d skálamál eða önnur hagsmunarmál klúbbsins. Reynda er það orðið þannig að hjartað í klúbbnum er f4x4.is og
Flest snýst í kringum vefinn. Sennilega er það vefurinn sem skapar mest endurnýjun félagsmanna að öllu öðru ólöstuðu, þaðan koma líka flesta hugmyndirnar. Vefurinn er einnig tæki stjórnar og nefnda til þess að koma upplýsingum á framfæri. Þ.a.s allt snýst orðið í kringum f4x4.is.

Heyr, heyr Ofsi.
Það getur ekki verið að það sé mikið mál að laga þetta. Og þá eru flestir ánægðir.

Eina sem þarf að gera er að setja sér flokk fyrir fólksbíla. Og ekki láta hann birtast á forsíðu. Þá er málið leyst.

Og þessi blessaði Haukur sem er að auglýsa Yaris drusluna sína, segir að það komi ekki nokkrum við þó hann auglýsi bílinn hérna. Það er bara gjörsamlega alrangt hjá manninum. Það kemur okkur öllum við sem skoðum þennan vef og borgum félagsgjöld til að halda honum uppi.

Svo fer annað doldið í taugarnar á mér. Afhverju þurfa sumir að býsnast yfir því að það sé verið að rökræða hlutina.

Eins og t.d þessi:

"Ótrúlegir tuðarar
29. September 2007 – 23:06 | stebbi, 956 póstar
Þetta gengdarlausa tuð og þras tekur örugglega meira pláss en allar fólksbílaauglýsingar á þessum vef síðasta hálfa árið.
P.s.
Hvar fær maður 4×4 Yaris ?"

Og þessi:

"Auglýsum Yaris
30. September 2007 – 01:41 | Hlynur, 1187 póstar
Gerum f4x4.is að undirsíðu hjá barnaland.is, og láglendisvæðum starfsemina hið fyrsta, enda virðist það vera stefna flestra í dag, að taka undir og grenja með minnihlutahópum.
Góðar fasistastundir."

Ef þetta er ekki tuð þá veit ég ekki hvað tuð er.
Þetta er mun meira tuð en þegar menn eru að rökræða hlutina.
Alger óþarfi að fara rífast eða vera með skítkast yfir hlutunum, við erum nú flest fullorðið fólk og eigum að haga okkur eftir því.

Kannski er þetta allt sama bara grín hjá þessum blessuðu mönnum, en ef menn ætla ekki að taka þátt í umræðunum á skynsaman og málefnalegan hátt þá eiga þeir bara ekkert að vera pósta neitt. Það er allavega mín skoðun.

Annars finnst mér yfirleitt mjög gaman að skoða þennan vef. Og umræðurnar eru oftar góðar og málefnalegar en slæmar og ómálefnalegar.

Ég skoða hann á hverjum degi. Spjallborðið, myndaalbúmið og smáauglýsingarnar.

Uss uss þetta er alltof langt hjá mér.

Kveðja
Þengill

Skúli… Ég hefði nú alveg viljað vera fluga á vegg snemma í morgun þegar einhver hringdi að reyna að selja þér yaris

Benni