Auglýsingar á vefnum

Til að fá að setja inn aulýsingu eða fara inn á spjallið fynst mér
lámarks krafa að þar sé rétt nafn netfáng og símanúmer en ekki
dulnafn, það sama ætti að gilda um myntasíðuna líka. þeir sem
félagsmen sem eru að aulýsa einkvað annað en það sem snír ekki að jeppamensku ættu að finna þeim annan vetfáng til að aulýsa á, það sama gildir yfir alla hina utan félags menn. þeir sem hafa það að atvinnu að rífa sundur bíla ættu ekki vera hér inn eða önnur atvinusölumenska né annað í þeim dúr. Hvað annað á árærir er í góðu lægi
kv,,, MHN

Daginn

Mér finnst samt ákveðin skynsemi í því að leifa eingöngu félagsmönnum að auglýsa á vefnum jafnvel þó aðrir geti boðið upp á vöru sem tengjast sportinu.

Það virkar hvetjandi á menn að verða félagsmenn og borga félagsjöld ef menn fá frítt auglýsingapláss umfram aðra og það á vef sem eingöngu markhópur vörunnar skoðar.

Mér sýnist líka að allir sem hafa tjáð sig hér séu sammála um að uppræta auglýsingarnar sem eru settar inn í atvinnuskyni.

Kv Izan

Núna eru 4 fólksbílaauglýsingar í topp 10. Það þarf að breyta þessu eitthvað, en ég veit ekki hvernig.

Góðar stundir

Er ég eini maðurinn í klúbbnum sem á líka fólksbíl?

Ég lít eiginlega á það sem nauðsyn, þar sem ég er á gömlum jeppa og vil hvíla hann eins og ég get á milli ferða. Sömuleiðis eru nú flestir hérna í almennri ferðamennsku, en það mætti þá varla auglýsa prímus eða fellihýsi hér.

Ég skil svosem að það væri ekki sniðugt ef auglýsingaplássið fylltist af auglýsingum um erótískt nudd, bingókvöld eða herbalife – en mér þætti það hálfgerð þröngsýni að útiloka allt nema jeppa og vara- og aukahluti í þá. Ég held að það væri til þess fallið að minnka traffíkina hér aðeins, auk þess sem það er örugglega sáraeinfalt mál að bæta bara við flokki fyrir fólksbíla.
Ef einhver er á höttunum eftir bíl, þá lætur hann tvö til þrjú "click" ekki stoppa sig í leit að honum.

En væri ekki mögulegt að setja tímamörk á notendur, þannig að þeir gætu t.d. aðeins birt eina auglýsingu á hverjum 48 tímum? Það mundi losa okkur við spamið, sem ég held að sé meira vandamál en að fólk sé að bjóða öðru jeppafólki bæjartík til að snattast á.

1) Tvöfalda í það minnsta, fjölda nýrra auglýsinga sem sjást á forsíðu. 2)Stofna fólksbílaflokk 3) Takmarka fjölda auglýsingar (spam) í það minnsta í reglum, þó það væri ekki sjálfvirkt. Það er frekar þreytt, þegar menn setja sömu auglýinguna inn á hverjum degi.

Kosturinn við svona auglýsingasíður á sérhæfðum vefum eins og þessum er að þar er oft hægt að browsa eða skoða auglýsingar á tilteknu sviði eða á að vera þannig. T.d. finnst mér oft áhugavert að fara í bílaflokkinn og skoða hvað sé af jeppum til sölu, hverjir séu að selja, hvaða verð séu í gangi etc. Þegar önnur hvor auglýsing eða meira í þessum flokki er fyrir einhverja fólksbílatík verður þetta bæði leiðinlegra og tímafrekara, þetta drasl er bara að flækjast fyrir og ég mun aldrei kaupa fólksbíl sem er auglýstur þarna. Að þessu leiti er vefurinn ekki að virka sem sérhæfður jeppa- og ferðavefur. Þetta myndi batna mikið með því að þessar fólksbíladollur fengju sérstakan flokk, þá gætu þeir sem reyna að nota þennan vef til að selja þetta drasl sett auglýsingar þar inn án þess að þetta sé að flækjast fyrir augunum á okkur sem lítum á f4x4 sem 4×4 ferðavef. Og helst að auglýsingar í þeim flokki birtist ekki á yfirlitssíðu auglýsinga, þó það sé svosem ekki aðalatriðið.
Einar Elí, þetta útilokar ekki prímus eða fellihýsi, enda liggur það í orðana hljóðan að það er eitthvað sem á heima á vef ferðaklúbbs. Enda höfum við sérstakan flokk fyrir það. Hins vegar gegnir kannski öðru um eldavél í eldhúsið eða hjónarúm og ég hugsa að flestir yrðu frekar þreyttir á því ef vefurinn væri fullur af búsáhaldaauglýsingum.
Kv – Skúli

Það er kannski ástæða til að spá aðeins í afhverju þessi umræða kemur upp? Það er vegna þess að allrahanda dót ótengt jeppum og ferðamennsku er gríðarlega fyrirferðamikið á vefnum. Kannski minna af búsáhöldum en þeim mun meira af fólksbíladollum sem eiga jafn mikið skylt við ferðamennsku eins og búsáhöld.
Sem dæmi tók sig einhver til og setti fjórum sinnum í röð inn auglýsingu þar sem hann er að bjóða einhverjar 13 tommu felguskífur undir fólksbíla. Lancer drusla er auglýst þarna fimm sinnum á örstuttum tíma og talandi um Lancer þá er ljóst að þetta er frábær staður ef maður er að leita að gömlum Lancer tíkum því á síðustu dögum er að finna 11 auglýsingar þar sem slíkt hró er auglýst til sölu. Svo er það nú eiginlega grófasta dæmið sem líklega ýtir þessari umræðu af stað. Yaris er auðvitað frábær til fjallaferða eins og viðskiptavinir á bílaleigum vita eða telja, enda er að finna hér síðustu vikur hátt í 20 auglýsingar þar sem slík sardínudót er auglýst. Reyndar skekkir það myndina verulega að ég sé ekki betur en þarna sé SAMA AUGLÝSINGIN BIRT 16 SINNUM á jafn mörgum dögum. Ég ætla svosem ekki að fullyrða að þetta sé misnotkun, ekkert sem bannar þetta, en í þessu ljósi er ekki skrýtið að mönnum fari að leiðast þessar auglýsingar, þetta er svolítið dropinn sem fyllir mælinn. Þetta gæfi eiginlega tilefni til að banna sérstaklega að auglýsa Yaris dollur. Það væri kannski athugandi að skoða bílinn með því skilyrði að fá að fara prufutúr á honum um Vatnahjallaleið eða Arnarvatnsheiði.
Kv – Skúli

Ég sé ekki enþá vandamálið – enda er leitarvélin frábær og ef mig vantar eitthvað þá leita ég í auglýsingunum.

Ég lít á þennan vef sem þjónustu við félagsmenn – ekki þjónustu við þá á takmörkuðu sviði. Þannig finnst mér ekkert að því að félagsmaður auglýsi þvottavélina sína eða lancerinn til sölu hér. En utanfélagsmenn eiga ekkert erindi með að nota "fría" þjónustu félagsmanna án þess að þeir greiði sérstaklega fyrir.

Og Skúli – ég hugsa að það hafi farið fleiri Yarisar um hálendi Íslands í sumar en t.d. Landrover, eða breyttir jeppar almennt
(en þessi staðreynd ein og sér dugir til að ég kaupi aldrei notaðan yaris af ótta við að hann hafi verið hálendisbíll – ekki það að ég myndi nokkurntíman láta sjá mig á Toyotu aftur ! )

Og svo að lokum minni ég á :

2. grein.
Markmið félagsins eru:
. Að ná til sem flestra sem áhuga hafa á ferðalögum um landið á fjórhjóladrifsbifreiðum.
. Að gefa gott fordæmi um….. O.sfrv.

Yaris er til fjórhjóladrifinn…….

Benni

P.S.

Væri nú ekki ráð að fara að eyða púðri og peningum í að koma þessari síðu í hýsingu þar sem 95 % notendana er og á almennilegan vélbúnað þannig að hún hætti að vera hægvirkasta síða norðan Alpafjalla.

Hvað er málið með Skúla og Yaris ?
hefur Yaris gert þér eitthvað eða gleymdurðu bleiku pillunum í morgunn.
Alveg ótrúlegt hvað hægt er að eyða miklu púðri í ekkert eins og þessi þráður er………..
Kveðja Lella

En hvað með alla hiluxana og L 200 t.d sem eru með klafa að framan?????

En annars er ég algjörlega sammála þessari breytingar tillögu á 2. grein lagana.

Hásingar kveðja
Snorri Freyr