This topic contains 76 replies, has 1 voice, and was last updated by 
-
Topic
-
AnonymousAð undanförnu hefur borið mikið á því að f4x4.is sé misnotaður af fyritækjum og bröskurum í allavega starfsemi. T,d virðis fólksbílasölumarkaðurinn vera að teygja sig inn í auglýsingarnar og standa auglýsingar félagsmann orðið stutt við á forsíðunni þess vegna. Ég mæli með að stór bílabraskarar noti bílasölur.is en þar eiga þessar auglýsingar heima. Sömu sögu er að segja um fyrirtækja auglýsingar í smáauglýsingardálknum. Þær eiga ekki heima þar. Og geta fyrirtæki leitað til vefnefndar eftir örðum auglýsingarmögurleikum ella verður þessum auglýsingum eytt jöfnum höndum. Einnig eiga vefnotendur að gefa upp nöfn sín í prófílnum. Okkur langa einnig að benda auglýsendum að nota ekki myndaalbúmið undir auglýsingamyndir en all að 10 % myndaalbúmsins er undirlagt af ruslmyndum af dekkjum, dekkjamunsti og felgum og öðru drasli. Tökum til á vefnum.
Hér má sjá prófíl notandans og dæmi um auglýsing sem ekki samræmist skilmálum
síðunar.halldorat
Veffang
http://
Tökum að okkur járnsmíði!, Bílar
halldorat, 24. September 2007 – 11:55
Dundaverk er vaxandi félag sem tekur að sér meiri eða minni járnsmíði eða viðgerðir. Kerrur, mótorfestingar, kerrulásar, stífur ofl.
Hafið samband og ræðum málin. Jón og Halldór.
Hafðu samband: dundi@simnet.isSkilmálar f4x4.is
1. Skilmálar þessir gilda fyrir alla notkun á vefsvæði Ferðaklúbbsins 4×4, f4x4.is.
2. Skilmálarnir geta breyst án fyrirvara ef þörf þykir.
3. Notkun vefsvæðisins skal vera í samræmi við hlutverk klúbbsins eins og það er skilgreint í lögum hans.
4. Brot á skilmálum þessum getur valdið tafarlausri brottvikningu af vefsvæði klúbbsins og síendurtekin brot geta varðað brottvísun úr klúbbnum.
5. Notendur skulu gefa upp rétt nafn og kennitölu við nýskráningu. Skráningum sem ekki uppfylla þetta skilyrði verður tafarlaust eytt.
6. Óheimilt er að nota aðgang annarra. Þar með talið er óheimilt að lána öðrum aðgangsorð sitt, nota kennitölu eða félagsnúmer annarra, reyna að komast yfir aðgangs- og lykilorð annarra eða nota á annan hátt gögn sem tilheyra öðrum.
7. Óheimilt er að nota aðganginn til að að brjótast eða reyna að brjótast inn í tölvukerfi eða tölvunet annarra eða til að valda tjóni á búnaði eða gögnum. Ferðaklúbburinn 4×4 ber ekki ábyrgð á því tjóni sem slíkt kann að valda.
8. Haga skal notkun í samræmi við góða siði og umgengnisreglur. Ærumeiðingar, tilhæfulausar ásakanir og árásir á aðra notendur eru ekki liðnar. Þursar, sem hafa það eina markmið að koma af stað rifrildum, eru ekki umbornir og mun slíkum þursum verða meinaður aðgangur að síðunni í skemmri eða lengri tíma. Vefnefnd metur það hverju sinni hvort viðkomandi notandi sé að þursast eður ei og getur lokað aðgangi hans tímabundið. Stjórn Ferðaklúbbsins 4×4 í samráði við Vefnefnd ákveður hvort lokun skuli vera varanleg.
9. Notendum skal vera ljóst að þeir bera sjálfir persónulega ábyrgð á öllu sem þeir skrifa eða senda á vefinn. Þeir skulu því haga notkun sinni á vefnum með þeim hætti að ekki sé brotið á friðhelgi persónu né einkalífi annarra. Vefnefnd mun fjarlægja slík skrif án nokkurs fyrirvara.
10. Óheimilt er að nota upplýsingar af vefsvæðinu til að senda óumbeðnar fjöldasendingar.
11. Auglýsingar frá notendum skulu vera á auglýsingasvæði, ekki í myndasafni eða spjalli. Fyrirtækjum er óheimilt að auglýsa á vefsvæðinu nema gegn greiðslu.
12. Óheimilt er að birta efni á f4x4.is sem ekki er í samræmi við lög og reglur eða almennt velsæmi, þar með talið ærumeiðandi efni.
13. Forsvarsmenn Ferðaklúbbsins 4×4 munu eftir fremsta megni reyna að tryggja öryggi þeirra gagna sem geymd eru á vefsvæðinu. Klúbburinn ber þó ekki ábyrgð á tjóni sem kann að orsakast af notkun vefsvæðisins eða ef vefsvæðið er ekki aðgengilegt af einhverjum ástæðum. Einnig ber klúbburinn ekki ábyrgð á gögnum sem geymd eru á búnaði vefsvæðisins ef þau tapast eða skemmast.
14. Ferðaklúbburinn 4×4 áskilur sér rétt til þess að nota allt efni sem notendur vefsvæðisins birta á vefsíðunum, s.s. myndir, texta eða skrif á spjallið, í þágu starfsemi Ferðaklúbbsins, hvort sem það er til birtingar annars staðar á vefsvæðinu, í félagsritum eða öðrum vettvangi í nafni Ferðaklúbbsins. Önnur nýting á efni því er birtist á vefsvæðinu er óheimil án heimildar stjórnar klúbbsins og höfunda viðkomandi efnis.
-
Replies
-
Hreinsaði til á heimasvæðinu, Henti út 3 myndum af dekkjum.
Alveg sammála með þessar smáauglýsingar. Ef maður setur inn auglýsingu þá er hún farinn af aðalsíðunni eftir sirka 5 mín… svo mikill er ágangurinn hérna í þetta.
Ég spyr, er leyfilegt fyrir 4×4 félaga að auglýsa hvað sem er á þessum vef, eða einungis hluti sem tengjast þessum vef ? Eða jeppamennsku.
kv
Gunnar hinn forvitni
Mér finnst nú í lagi að menn séu að braska hérna á vefnum en sammála þessu með fyrirtæki.
Annað sem mig langar til að benda á varðandi auglýsingar. Alltaf að rekast á auglýsingar þar sem menn eru að auglýsa jeppadekk á felgum og verð, en svo eru menn ekkert að nenna að segja undir hvernig bíl þessar felgur ganga.
Það er orðið svo mikið af auglýsingum hér á vefnum að mér finnst vera orðið tímabært að loka á auglýsingar aðrar þær en tengjast jeppasportinu.
Það er til nóg af öðrum auglýsingavefum þar sem hægt er að auglýsa ókeypis. T.d. færi ég frekar á mbl.is en hingað í leit að fólksbíl eða hestakerru ef ég væri í þeim hugleiðingum.
Ég veit að það eru ekki allir á þessari skoðun svo að það er spurning hvort að ekki sé hægt að setja bara upp alveg sér auglýsingakerfi fyrir ójeppatengdu auglýsingarnar. Þær hefðu þá sér flokk/flokka og sinn eigin dálk á forsíðu (eða bara ekkert á forsíðunni).
sko það eru auðvitað hreinar línur að fyrirtæki eiga ekki að vera að nota þennan vef til að auglýsa nema kannski í því tilfelli að viðkomandi fyrirtæki (segjum söluaðili 38" dekkja) sé með tilboð til félagsmanna einhver xx% í afslátt svo lengi sem það er umsamið við klúbbinn og komi út í hagnaði fyrir hinn venjulega jeppamanns. Að öðrum leiti á ekki að leyfa fyrirtækjum að auglýsa hér!
svo með að aðeins greiddir félagsmenn geti auglýst það er jákvætt og neikvætt þ,e það eru margir ógreiddir sem auglýsa einmitt eitthvað sem greiddum félaga vantar og svo visa versa, því held ég að það ætti aðeins að pæla betur í því, en auðvitað eigum við ekki að vera að auglýsa nærbuxur og sleikipinna hérna heldur aðeins því sem tengist þessu sporti,
Kv Davíð Karl
svona að allt öðru að þá finnst mér í góðu lagi hinsvegar að ef að menn fái afnot af vefnum ef að menn eru að fara að flytja eitthvað inn eins og gám af 44" eins og hefur gerst eða einhverju svona því þar sem það skilar sér jú í hagnaði fyrir félagann
bara svona ef að þessi þráður fer að fjalla eitthvað um það:D
Kv Davíð K
Það má reyndar ekki gleyma því að auglýsingarnar eru mikið notaðar af einstaklingum líka, þó þeir séu ekki í "braski".
Ég var að setja inn auglýsingu núna (02.00) og síðan 19.00 í dag hafa 14 auglýsingar verið birtar í undirflokknum bílar. Ég sá ekki í fljótu bragði að þar væru annað en einstaklingar að auglýsa, en skoðaði svosem ekki hverja auglýsingu fyrir sig.Svo er það spurning um brask og ekki brask. Ég hef hingað til birt auglýsingar á vefnum fyrir fólkið sem stendur mér næst ef ég held að lesendur vefsins hafi einhvern áhuga á því sem er verið að auglýsa. Ég er sennilega í auglýsingabraski með fríar smáauglýsingar
En það hlýtur að vera akkur í því fyrir okkur að vita ef einhverjum dettur í hug að rífa Cruiser eða henda Patrol, þó að það þurfi að birta nokkrar auglýsingar? Spurning hvort línan eigi að liggja á milli einstaklinga annarsvegar og fyrirtækja eða einstaklinga í rekstri hinsvegar?
En mér þótti ábendingin um myndaplássið góð – vissi upp á mig sökina og hreinsaði 17 myndir /3 albúm út. Það hljómar ekki mikið en þetta telur þegar saman kemur.
Er ekki annars að fara að snjóa?
…nú að koma með einhverja hugmynd einu sinni en var skotin á kaf um leið.
https://old.f4x4.is/new/forum/default.as … fsida/7334
Kv.
Þengill
Það má fjölga flokkum, nú eða fjölga auglýsingum sem hanga inn á forsíðunni, eða bæta leitina.
Ég mæli samt endilega með að menn tjái hug sinn í könnuninni á forsíðunni. Markmiðið á auðvitað að vera að smáauglýsingarnar á vefnum þjóni félagsmönnum sem best.
Daginn
Það er náttúrulega ekki viðunandi að fyrirtæki auglýsi á þessum vef frítt. Það eru í raun félagsmenn sem greiða fyrir vefinn og þar með auglýsinguna. Þessi fyrirtæki þarf að þefa uppi og rukka þegar í stað.
Þetta með flokkunina er að mörgu leyti sniðugt en aðal leiðindin sem menn temja sér á auglýsingadálknum er að setja sömu auglýsinguna í marga flokka. Þannig birtist sama auglýsingin með sömu fyrirsögninni 3-4 sinnum á forsíðunni og ýtir öðrum auglýsingum út samstundis.
Kv Izan
Líst vel á þessa hugmynd að bæta við fólksbílaflokk þá er fljótlegra að browsa í gegnum jeppana þegar maður vill skoða hvað sé verið að selja. Samhliða yrði náttúrulega að vera klár heimild til vefnefndar til að eyða út auglýsingum sem ekki eru í réttum flokk (eða augljóslega frá fyrirtækjum)
Þetta leysir þó ekki þetta vandamál með hvað veltuhraðinn er mikill og auglýsingar stoppa stutt á forsíðu og fyrstu auglýsingasíðu. Það stafar bara af því hvað vefurinn er vinsæll auglýsingamiðill.
Kv – Skúli
Hvernig tekur maður út auglýsingar? Er svo lítill tölvukall, Stefán
Já það mætti nú vera hægt að taka þessar auglýsingar,en það er víst ekki hægt en það ku vera hægt að FELA þær.
Mæli með að maður geti fjarlægt þær alveg,í stað þess að vera í einhverjum feluleik.
Með því að fela auglýsingu þá ertu í raun að merkja hana til eyðingar, þ.e. hún hverfur eftir tilsettan tíma úr kerfinu.
Alla vega hafa þær horfið hjá mér á endanum….
Auglýsingar hverfa eftir ákveðinn tíma sem mig minnir að sé mánuður. Fela felur bara fyrir öðrum en eiganda.
-haffi
Ekki virðast auglýsingarnar hverfa á einum mánuði við það að vera faldar því ég er t.d. með falda auglýsingu frá því í nóvember 2005.
kv, Bergur
Ef búinn er til "Fólksbílaflokkur/Annað ekki tengt jeppamennsku" þá ætti að vera hægt að hafa hann þannig að hann birtist ekki á forsíðu smáauglýsinga. Þá er sá flokkur ekki að trufla veltuhraðan Á jeppastöffinu.
Svo er ég ekki sammála því að auglýsingar og spjallið (fyrir utan Innanfélagsmál) eigi að vera lokað almenningi.
Við getum grætt fullt á því að fá auglýsingar frá jeppamönnum almennt. Líka það að þeir kynnast kannski aðeins starfinu í gegnum vefinn og vilja þá kannski gerast félagar.Kv
Þengill
Hvar ætlarðu að draga línuna … sbr [url=http://www.f4x4.is/new/forum/default.aspx?file=faerd/10444:1byotokz]spjallið hér[/url:1byotokz] 😀
Siggi
Spurning um hvort að þetta verði ekki að miðast bara við fjórhjóladrifsbíla, sama hvað þeir heita.
Þá allavega losnum við megnið af fólksbílaauglýsingunum.Hvort sem okkur líkar betur eða verr!!!
Kveðja
Þengill
Bara láta ykkur vita að það er Toyota Yaris diesel til sölu á vefnum. Sú auglýsing verður eiginlega að flokkast sem spam, og ég er kominn á þá skoðun að þeir sem "spama" auglýsingar svona mikið ættu að fá tiltal, eða aðra skömm í hattinn. Því miður er þetta að skemma fyrir öðrum. Ef ég er að leita að einhverju sérstöku, eins og Toyota Yaris, nota ég að sjálfsögðu leitarvélina á síðuni, oftast með ágætis árangri.
Góðar stundir
Ef ég er að leita að Yaris þá fer ég ekki á heimasíðu ferðaklúbbsins 4×4. Ég fer á bilasölur.is, tilsölu.is, mbl.is, visir.is, haninn.is allt annað en hingað. 😉
Kveðja
Þengill
You must be logged in to reply to this topic.