Auglýsingar

Sæl veriði.

Ég keypti í gegnum smáauglýsingarnar fyrir margt löngu fjórar felgur sem ég hafði auglýst eftir. Ég tók fram hvað mig vantaði með ýtarlegri lýsingu og fékk upphringingu og keypti felgur í gegnum símann. Felgurnar litu vel út þegar þær komu og loksins fóru þær undir nú fyrir skemmstu. Þá kemur upp úr dúrnum að miðjugatið er ekki það sem lofað var og miðjan í einni þeirra á öðrum stað miðað við hinar þar að auki sem sú felga er rammskökk. Nei, þessi þráður er ekki til að finna þann sem seldi mér felgurnar eða rífa kjaft á nokkurn hátt, ég átti að sjálfsögðu að skoða strax hvað ég hafði í höndunum. Hinsvegar er held ég ekki úr vegi að minna fólk á að vita fyrir víst að það sé að senda frá sér heila hluti þegar sent er á milli landshluta (sem og alltaf) því ekki lendir alltaf inni á gólfi hjá manni það sem um var rætt.

Bestu kveðjur, Hjörleifur.