Átta göt í Hilux?

Sæll. Ég er með sömu vél (geri ráð fyrir að þú sért með 2,4) í gömlum Runner og kannast ágætlega við einkennin. Ég er þó ekkert að gera miklar kröfur í krafti en þó að hann hafi það tork sem þarf í þungar brekkur. Fúlt að vera stopp í miðri brekku vegna aflleysis meðan gripið er nóg. Ein leiðin er að breyta úr Toy-ota yfir í Toy-let, s.s. Chevrolet vél en þær ganga víst nokkuð vel þessa bíla. ég fór í vetur í ferð með einum slíkum með 4,3 sexu og það var ekki fyndið hvað hann var að virka mikið betur en minn gamli, sérstaklega hvað varðar torkið. Eyðslan á henni er á svipuðu róli og þú ert að lýsa. Sjálfsagt eitthvað þyngri en orginal vélin, en mun léttari en einhver átta auk þess sem aflmikil átta er bara uppskriftin að því að brjóta eitthvað. Drifbúnaðurinn er miðaður við ákveðið mikið (lítið) afl og ef þú ert kominn langt yfir það er orðið mun auðveldara að brjóta eitthvað.

Áhugavert þetta með loftventilinn, sjálfsagt að prófa allar einfaldar lausnir til að bæta við hestum í húsið. Hefurðu einhverjar nánari upplýsingar

Kv – Skúli

ég er með lausnina fyrir þig 350 Vortec með 48LE skiptingu og millikassa 97 módel ekin ca 19 þús ásamt rafkerfi aitanator,startara,airconditionog vökvastýrisdælu S:8697541

Takk fyrir þetta Daggi, ég hef þig í huga.
Er þetta þung vél og í hvaða bílum er svona rokkur? Aldrei heyrt hanna nefndan, en það er nú fákunnáttu minni um að kenna.
Kv,
BV

Sæll, ég er eigandi bílsins sem Skúli talar hér um í sínum skrifum. Í bílnum er 91´4.3L Chevrolet blazer mótor. Einnig lét ég fylgja sjálfskiptinguna þannig að þetta passaði bara nokkuð vel. þetta er búið að vera í bílnum í tvö ár og hefur ekki slegið feilpúst allan tímann. Vélin togar sæmilega en ég vara menn við því að halda það að bíllinn standi upp á endann með svona mótor. Ég er á 4:88 drifum þannig að hann er að snúast eðlilega á vegakeyrslu eða í kringum 2200 á 100 km hraða þannig að eyðslan er í kringum 15 – 16 lítrar á 38´tommu dekkjunum. Það er ólýsanlegt hversu mikill munur er á þessu miðað við það kram sem var í bílnum en eins og Skúli sagði er munurinn verulegur. Einnig er ég mjög ánægður að hafa sett sjálfskiptinguna í því það er flottur búnaður þegar maður er búinn að læra á hann. Ég vigtaði bílinn að framan áður og eftir vélaskipti og var munurinn 30 kíló sem er ótrúlega lítill munur. Í dag er þessi bíll jafnþungur að framan og 3.0L dísel 4Runner.
Ég sé ekki eftir þessu brölti og þetta varð til þess að ég nennti að eiga bílinn í stað þess að reyna að finna mér annann en eins og menn kannast við þá er súrt að losa sig við bílinn eingöngu út af vélarvandamálum þegar allur annar búnaður er kominn um borð.
Kveðja,
Gunnsi.

Sæll Bolli.

Ég er þjáninga bróðir þinn í þessum málum.
Sniðugasta lausnin sem ég hef séð í þessum málum er 22R-TE sem er sama vél með orginal túrbo.
Félagi minn setti þessa vél í bílinn hjá sér í vetur og breytingin á bílnum er ótrúleg.Það besta við þessa breytingu er að hún er mjög einföld og eyðsla og þyngd eykst ekki mikið sem er mikið atriði þar sem helsti kostur Hilux bílanna er léttleykinn.
Einnig langar mig að benda þér á http://www.lcengineering.com.
Þeir framleiða allan hugsanlegan búnað fyrir þessar vélar.
Vona að þetta hjálpi eitthvað.

Kveðja Smári.

Sæll BV.

Ég átti mér þann draum að setja 4.3l Chevy Vortex í HiLuxinn minn og lét verða að því fyrir ca. 2 árum að fjárfesta í svona vél sem er úr 1997 árg. af Blazer ekin ca. 16000 km. Ég er búinn að leggja óhemju vinnu við að kynna mér hvernig þetta er gert og redda mér flestum þeim hlutum sem ég þarf.

Nú er öldin önnur og fjölskylduaðstæður hafa breyst. Þ.a.l. er þessi draumur hjá mér úr sögunni í bili og vélin er til sölu.

Henni fylgir 4L60E sjálfsk. sem er endurbætt útgáfa af 700R4 skiftingunni. Flest það sem fylgir tölvunni er með og ný vatnsdæla, millikassi (mæli samt með að nota Toy kassann), drifsköft og annað.

Ef þú hefur áhuga á að kynna þér þetta nánar er þér velkomið að hafa samband við mig í brynthor@centrum.is eða í síma 8991539 og ég skal glaður kynna fyrir þér verð og annað. Ég var kominn leiðinlega langt með þetta þegar ég hætti við og búinn að leysa flest vandamálin við þessa breytingu.

Kveðja, Brynjar

P.S.
Þetta er víst frábær vél í þennan bíl.

Sælir. Ég er búin að fylgjast með hinum stór skemtilegum og fróðlegum umræðum sem fram fara á þessari síðu. Ég er ný búin að eignast ´89 Toyota DC og strax farin að velta fyrir mér möguleikum á breytingum, t.d. vélarskipti og þá umrædda Vortech vél. Einnig hef ég velt fyrir mér möguleikanum á að koma höndum yfir stutta landcruserinn og nota undan honum fjöðrun og jafnvel hásingar. Eins og þið e.t.v. getið ykkur til er ég nýgræðingur á jeppasviðinu og með gamlan en góðan bíl, og væri vel þegið að fá álit reyndra og fróðari manna á þessum vangaveltum mínum.

Með fyrirfram þökk, Geir

e.s. Ef brynthor á enn umrædda vél þætti mér vænt um ef haft yrði samband við mig í síma 893-8408

Sæll félagi. Ég átti við þetta sama vandamál að stríða KRAFTLEYSI. Ég átti 22rt-e vél úr gömlum x-cab sem ég setti í DC fiskibílinn minn. Orkan breyttist svo mikið að félagi minn þurfti að setja 6,5 turbo í landcruserinn sinn til að eiga von á langaskafli í vetur. Vélin passar beint ofaní en það þarf að breyta rafmagninu fyrir vélina. Vélin sem ég er með er árgerð 87 en bíllinn 92 þar passar ekkert saman (rafmagn).Það þarf að hafa orginal rafkerfi með vélinni ásamt tölvu til að dæmið gangi upp. En við þessar breytingar þarftu ekki að opna kaffibrúsann við brekkur og ef þú sérð wyllis þá striðiru honum bara.
kveðja Eyþór.

Ég tók eftir einhverjum hvin í ventlinum þegar ég sló af, en með því að stilla hann aðeins aftur hvarf það. Það getur vel verið að það séu einhver aukahljóð í honum í átaki en ég heyri þau ekki í gegnum önnur vélahljóð. Gæti verið að þetta sé pirrandi á einhverjum fínum drossíum sem ekkert heyrist í en ekki á gömlum Runner.
Kv – Skúli