Athyglisvert!

Það er allavega ljóst að klúbburinn er ekki að ná til allra. Ef ég skil þetta rétt er þessi túr þeirra farinn 1. maí og þá var búið að auglýsa lokun á þessari leið. En það að menn setji frásögn af glæpnum á netið bendir nú til þess að vanþekking sé stór orsakavaldur þarna.

Kv – Skúli

Sælir

Ég er sammála ykkur með það að þetta er sorglegt að sjá og til skammar fyrir þá sem þarna voru á ferð.

Það verður að koma í veg fyrir að svona lagað geti gerst – það verður að gera þessum drengjum og öðrum grein fyrir því að svona háttarlag verður til þess á endanum að okkur verður gert ókleyft að nota bílana okkar nokkuð.

Kveðja
Benedikt

Sælir,

Ég telst vera ungur, en er reyndar að mínu mati frekar reyndur. Það er gamla kallinum að þakka og er greinilegt að þeir hafa ekki fengið álíka uppeldi og ég og er greinilegt að þeir hafa enga þekkingu í þessum "bransa".
Við sem erum á milli 17 til 20 og teljumst því ungir horfum ekki á fréttirnar eins og þið flestir, en þessi lokun var einmitt bara auglýst hér, vef vegagerðarinnar og í fréttum í útvarpi og sjónvarpi. En þetta skilti þarna sem þeir keyra framhjá og sumum fannst vera ófyrirgefanlegt höfum við hérna flestir keyrt framhjá enda er þetta skilti þarna alltaf yfir vetrartíman og meiripart sumars.

Ég tel að það sé hægt að ná tali af þessum hópi sem er að byrja í þessu, en þessi hópur hlustar ekki ef það er gert með hótunum um að hengja þá á kúlunni eins og einn skrifaði. Þið verðið að taka soldið tillit til þess að við erum ungir og vitlausir og hugsum um fátt annað en stelpur og áfengi. Þið hljótið að kannast við þetta sjálfir. Einhvertíman hljótið þið að hafa verið ungir, óupplýstir og á 200km hraða inní ellina!

En það er bjartara hinumegin við hæðina og það er hægt að koma í veg fyrir þetta.

Kv, Ásgeir

er ekki málið að láta lögrelgu vita af þessum akstri, myndirnar greinilega sýna bílnúmer,
Suzuki, ZT-825
Toyota KF-861
Toyota TF-202
Myndir sem sanna þetta eru á síðunni hjá þeim en svo hef ég líka tekið afrit af þeim….

Hvað fynnst ykkur?

Ég held að menn séu hreinlega að misskilja feitt hvað stendur þarna á síðuni. Þeir sem voru í þessari ferð eru ekki 17-20 ára drengir né voru menn að skemma eitt eða neytt. Það var ekkið á veginum allann tímann nema í eitt skipti þar þem þurfti að fara yfir eina á þar sem vegurinn var í sundur hjá henni, þá var farið 1-2 metra af veginum og farið yfir á með grjót/sand botni og beint aftur á veginn. Það var ekki verið að skemma land né annað í þessari ferð.

Þessi pistill var skrifaðu meira sem djók á milli vina heldur en annað. Ég var í þessari ferð og ég get alveg lofað ykkur að það var ekki verið að skemma landið enda er það e-ð sem að þessi hópur færi aldrei að gera. Þetta var fyrsta ferð sem þessi Súkka fór í en þeir sem voru með í ferð voru vanir jeppamenn en ekki 17-20 ára börn.

Ég skil alveg að menn misskilji þennann pistil þar sem hann er skrifaður sem innan-hóps-grín en ekki e-ð sem aðrir kanski fatta alveg. Ég get alveg lofað ykkur því að það var bara ekið rólega á þar til gerðum vegi og svo var farið uppá jökul til að spóla og leika sér en ekki útfyrir veg.

Það vill oft gerast að menn misskilji hluti þegar þeir eru lesnir og sérstaklega þar sem pistillinn var skrifaðu fyrir hópinn og í gríni. Held að menn ættu aðeins að spá í því hvort að þeir séu að skilja þetta 100% áður en það er verið að kalla fólk fífl og fávita og ég veit ekki hvað.

Það liggur alveg fyrir að vegurinn var lokaður á þessum tíma og hvað sem öðru líður sést vel á frásögninni að sú aðgerð Vegagerðarinnar er ekki ástæðulaus. Þegar aðstæður eru [url=http://myndir.5aur.net/albums/Langjokull/IMG_0708.jpg:1bt0qkcr]svona[/url:1bt0qkcr] fara vegirnir mjög illa og þess vegna er sett á þá akstursbann. Það þarf s.s. ekki utanvegaakstur til, það þarf líka að varast að valda skemmdum á vegum og slóðum.

Það er rétt sem Ásgeir segir að allan veturinn er merki sem sýnir að vegirnir séu ófærir, þá má sjá þá merkta með rauðu á [url=http://www3.vegag.is/faerd/island1.html:1bt0qkcr]korti Vegagerðarinnar[/url:1bt0qkcr]. Á þeim tíma fara menn framhjá lokunarskiltinu. Síðan þegar vorleysingar byrja koma akstursbannmerkin yfir rauðu strikin og ef þið skoðið kortið er það á flest öllum fjallvegum núna. Á meðan svo er halda menn að sér höndum og fara ekki þessa vegi eða slóðir. Þið hafið það í huga næst.

Kv – Skúli

Ég skil þig vel Maddi að halda að þarna hafi verið sannleikur á ferð en eins og ég sagði áðan var þessi pisttill skrifaður sem djók á milli manna en alls ekki e-ð til að taka alverlega og orðrétt. Ég get alveg skrifað nákvæma lýsingu fyrir þig á þessari ferð okkar og hún verður ekki eins og þessi grein sem þarna er. Það er verið að leika sér með orð og myndir þarna og mikið tekið úr samhengi og kryddað duglega uppá djókið. Í raun bara æsifréttamennska.

Það var bara lallað mjög róla alla leið upp á jökul og á leið uppeftir lenntum við aðeins í því að vegurinn var farinn í sundur á einum stað og þar var barðið of bratt til að keran kæmist niður það án þess að skemmast kanski. Það sem var gert þar er að sá jeppi sem var að draga hana fór niður vegin og yfir ánna bara við hliðina á veginum. Þar sjást svo myndir af bílnum drullugum og það var af því að kerran sökk við ánna. Það var ekki verið að spóla í sundur gróið land eða neytt þannig. Það hefur greinilega verið meira í þessari á en var þegar við vorum þarna því að þar sem kerran var til vandræða var í árfarveginum. Þar var blautur leir/mold sem að varð aðeins til vandræða. Þetta var s.s. þar sem áin flæðir þegar meira er í henni þannig að þetta er líklegast skolað í burtu núna. Þetta var alls ekki bara einhverstaðar utan vegar í rugli heldur var þetta í árfarveginum.

Við sáum þarna aðra jeppa og 3 krossara sem voru að leika sér hér og þar en það var alls ekki það sem við vorum að gera. Við tókum þessu bara rólega og stoppuðum meir að segja nokkuð oft á leiðini til að spjalla og horfa í kringum okkur.

Ég vil bara byðja menn að taka ekki mark á þessari grein, hún er skrifuð sem 95% djók og alls ekkert annað. Þetta virðist vera allt byggt á misskilningi og ég skil ykkur alveg að menn séu pirraðir eftir að hafa lesið þessa grein en eins og ég er oft búinn að skrifa, þá á ekki að taka mark á henni.

Eitt sem ég skil nú samt ekki er að sömu mennirnir sem eru að kalla okkur krakka og ég veit ekki hvað eru að skrifa þvílíka ruglið á síðuna og ekki einu sinni undir nafni… ég bara spyr, hvar er þroskinn í þessum mönnum ?? Að vera að kalla menn fífl, fávita og vera með hótanir og ekki einu sinni hafa manndóminn í sér að skrifa undir nafni er alveg útí hött. Sérstaklega þar sem menn voru greinilega ekki einu sinni mað staðreyndir málsins á tæru. Það er góður ávani að vita um hvað maður er að tjá sig áður en að maður fer að rífa kjaft.

Ef ykkur langar að vita e-ð meira um þessa ferð og hvað var gert, þá bara endilega komið með spurningar, ég skal glaður svara þeim eins fljótt og ég get. Þetta er leiðinlegur misskilningur og ég skal gera mitt besta til að leiðrétta hann.

Smá að lokum til Skúla, þessi mynd af Hiluxinum í pollinum er eini staðurinn sem þetta gerðist á, vegurinn var alls ekki svona á floti allann tímann. Það sem hann lennti í á þessum Hilux er að hann ekur óvart ofaní djúp hjólför eftir annann jeppa. Ég stökk út og tók þessa mynd til að nota í greinina og koma með "sögu" við hana. Myndin var tekin með það í huga að láta hana líta út eins og allt hafi verið í hakki. Það eina sem að hann gerði eftir þetta var að bakka úr hjólförum sem hann var í og keyra svo áfram við hliðina á þessu án vandræða. Þetta var smá æsifréttamennska í gangi þarna en það er þess virði að það komi fram að hann var ekki að spóla þetta allt upp heldur fór ofaní för eftir annann sem hafði verið þarna.

Ég skal láta bæta við pistilinn að hann sé skrifaður í gríni eða e-ð slíkt og ætti ekki að vera tekinn alvarlega. Oft sem að svona lagað er skrifað og ætlað einhverjum hóp sem svona "local" húmor en misskilst svo þegar aðrir lesa.

Ég skal alveg játa það að ég vissi ekki að vergurinn væri lokaður heldur var aðeins skilti þarna til hliðar sem stóð á að það væri ófært en ekki að það væri lokað og það er munur þar á. Við tókum ekki sömu leið tilbaka heldur fórum við í gegnum Húsafell en á leiðnini uppeftir var skiltið ekki einu sinni fyrir veginum heldur var það til hliðar. Ég veit ekki hvort að einhver sem fór þarna á undan okkur hefur fært það eða hvað. Það voru fleirri þarna en við, bæði jeppar og krossarar.

Það er samt gott að sjá að einhver hérna hefur þroska til að skrifa e-ð af viti en ekki bara kjaftbrúk og hótanir. Ef ég á að segja eins og er, þá ætlaði ég að skrá mig í 4×4 en eftir að ég er búinn að sjá bæði það sem stendur hér að ofan og það sem vissir menn innan 4×4 skrifðuðu á síðuna okkar þá er ég ekki lengur viss hvort að það sé þess virði að vera í þessum hópi. Finnst það alveg lágmark að vita alveg um hvað er verið að tala áður en menn koma með kjaftbrúk og hótanir, svo hafa þessi ræflar ekki einu sinni kjark til að skrifa undir nafni. Finnst svona lagað hreint út sagt barnalegt og lýsir kanski viðkomandi aðilum betur en það sem ég skrifa.

Gott að vita samt að það er fólk hér með viti og ég þakka þau svör sem komu sem voru góð.

Ég vil byrja á að þakka Birgi fyrir að upplýsa okkur hina um að þessi athöfn hafi ekki verið eins slæm og myndirnar sýna, en það þarf ekki nein snilling til að sjá að Hilux-inn er ekki á kafi í neinum árfarvegi.

Í morgunblaðinu í morgun var grein um félagsskap mótorhjólamanna ásamt tveimur öðrum akstursíþróttafélögum við jarðvegsviðgerðir eftir utanvegaakstur við Djúpavatn. Þessi grein hjálpar þessum félögum í áróðurstríðinu sem gengið hefur yfir okkur og þá síðustu vikur.

Getum við ekki gert eitthvað svipað í staðin fyrir að agnúast hér á þessum vef sem fáir aðrir en við sjálfir lesum. T.d. væri hægt að búa til nokkur skilti í samráði við Vegagerðina, setja þau upp á völdum stöðum eins og Kaldadal (norðan, vestan og sunnan) Djúpavatnsveginn, Kjalveg og e.t.v. fleiri staði.

Textinn gæti litið svona út:

Þessi vegur er lokaður allri umferð á
meðan frost er að fara úr jörðu.
Akstur á þessum tíma skemmir vegi
og anna jarðveg sem ekið er á.
Vinsamlegast farið eftir þessum tilmælum.

Ferðaklúbburinn 4X4

Eða einhver annar texti. Svo geta menn skotist með skiltin, skrúfað þau upp við hlið Vegageðaskiltisins eða tekið þau með þegar menn eru á ferðinni. Ég held að svona aðgerðir ásamt fréttaumfjöllun gæti hjálpað klúbbi eins og okkar mikið. Þessi tillaga gæti fallið undir önnur mál á næsta aðalfundi.

kv. vals.
R-3117

Miðað við þau svör sem koma frá viðkomandi sem fór í þessa ferð finnst mér af skrifum hans (gringo) að hann sé í raun að taka hanskann upp fyrir hina sem voru með og lýsa öllu sem DJÓKI,En fyrir mann eins og mig sem sér þessar myndir og les textann sem fylgir get ég ekki tekið undir þetta sem djók.
Nú ef þú hefur verið að hugsa um að ganga í klúbbinn en ert farinn að sjá að það sé ekki fyrir þig,þá verð ég að segja að fyrir mig persónulega er þessi klúbbur það skemmtilegasta sem ég hef gengið í- bara að komast í ferð með vönum sem óvönu fólki og kynnast þeim sem maður ferðast með er alveg frábært,og svo lærir maður helling sem maður (ÉG) hafði ekki hugmynd um,
Svo eru það allir þessir afslættir sem koma vel og af góðum notum.

Svona skelltu þér í klúbbinn og komdu svo með okkur inní þórsmörk 20 Mai.

kv,
Jóhannes þ Jóhannesson
R-3257