This topic contains 3 replies, has 1 voice, and was last updated by 
-
Topic
-
Ég fékk athugasemd í skoðun vegna þess að xenon perur sem ég hafði sett í staðinn fyrir gömlu þreyttu halógen perurnar voru of bjartar. Reyndar var athugasemdin um það að geislinn væri of bjartur til hliðanna og ekki nóge vel skorinn eða fókuseraður.
Þetta eru H4 perur, tveir glóðarþræðir í halógenperunni en xenon peran er með innbyggðum færslubúnaði til að skipta milli háa og lága geislans og passaði xenon peran beint í sæti gömlu halógenperunnar og líka í raftengið.
Hafa einhverjir aðrir lent í svipuðum útistöðum við yfirvaldið og hvaða reglur skyldu annars annars gilda um þetta ?
Kv.
Ágúst
-
Replies
-
Já, ljósgjafinn er öðruvísi í laginu í Xenon en Halogen svo þetta getur gerst. Ég spurði út í þetta í síðustu skoðun hjá mér og það hljómaði nú pínu eins og þetta væri geðþóttaákvörðun (lesist: "matsatriði") en vissulega skal skurður aðalljósa og dreifing vera fyrir "hægri umferð". Það sem er verið að stríða þér út af þarna er 07.01 grein í reglugerð um gerð og búnað ökutækja nr. 822/2004
kv
Tryggvi
Persónulega er ég á móti xenon ljósum í bíla sem eru ekki með luktir sem eru gerðar fyrir xenon, óþolandi að mæta þeim á vegi. Alltof björt í aðalljós en ágæt í auka ljós á fjöllum.
kv Trausti
Ég setti Xenon perur í 4runnerinn minn, en gafst upp á þeim í sumar eftir tveggja vetra notkun. Þær virtust alls ekki henta fyrir luktirnar í bílnum. Dreifingin á lága geislanum var slæm og háu ljósin virtust aðallega beinast upp á við. Að minnsta kosti fannst mér ég alls ekki fá góða lýsingu nema vera með kveikt á kösturum líka. Þeir eru ekki í dýrari kantinum en lýsa þó ágætlega fram á veginn.
Ég fékk ekki athugasemdir við Xenon ljósin í skoðun, en menn, sem ég var að mæta blikkuðu iðulega á mig vegna þess að lágu ljósin hjá mér virtust blinda þá. Einnig kvörtuðu samferðamenn mínir, sem lentu fyrir framan mig í bílalest undan því að lágu ljósin hjá mér skinu í augun á þeim um baksýnisspegilinn.
Ég fór með bílinn í ljósastillingu en það breytti engu. Ég reif því Xenon búnaðinn úr í sumar og setti aftur hefðbundnar H4 perur í.
Má segja að þarna hafi 25 þúsund kall farið fyrir lítið.Kv. Sigurbjörn.
You must be logged in to reply to this topic.