This topic contains 9 replies, has 1 voice, and was last updated by 
-
Topic
-
Mig langar til að athuga hvaða lausnir menn hafa notað til að koma í veg fyrir jeppaveiki á 44″ dekkjum. Sjálfur er ég búinn að skipta öllu út í stýrisgangi, s.s nýjar legur, nýjir stýrisendar, stýristjakkur, stór stýrisdempari, allar fórðingar nýjar og svo koll af kolli. Það eina sem ég notaði voru gömlu spindillegurnar. Ég talaði við þá hjá Atric Truck og þeir bentu mér á að herslan á þeim þyrfti að vera rétt þ.e. þarf að vera ca. 4 Kg til að snúa liðhúsi. Ég á reyndar eftir að prófa þetta en ef einhverjir eru með aðrar góðar hugmyndir væru þær vel þegnar. Tek það fram að á 38″ dekkjum er bíllinn eins og hugur manns.
Kveðja Theodór.
-
Replies
-
Sæll Theodor,
athugaðu vel þetta með spindlana, þetta var að stríða mér það sem bjargaði mér frá veseni var að ég hitti Elvar son hans Ægis sem sagði mér að setja 5 millimetra skinnu með gorminum á efri spindilinn hjá mér auka spennuna á gorminn ég var reyndar með dana 60 hásingu, gerðum við þetta og steinhætti hann þessu hjá mér. Sagði að þeir gerðu þetta mikið oft strax í byrjun.
Kveðja Hjörtur og jakinn.
Las í ágætri bók einu sinni að "Jeppaveikin" hefði verið ástæðan fyrir því að sjálfstæða framfjöðrunin var fundin upp á sínum tíma. Víbringur í öðru dekkinu hefur minni áhrif á hitt dekkið með sjálfsæðri fjöðrun, en hefur bein áhrif á það í gegnum rörið á rörabílum.
Ástæðan eru dekkin, (Dekkjastærðin, þyngdin, snúningshraði dekkjana og þyngd hins ófjaðrandi massa o.s.frv.) Smá vibringur í dekkinu getur þannig magnast upp með eigintíðnivandamáli og valdið veikinni.
Lausnin eru betri dekk!
Held að fóðringar í þverstífunni hafi einna mestu áhrifin á þetta. Persónulega hefði ég talið að stífari fóðringar þar ættu frekar að draga úr þessu (leyfir minni hreyfingar hásingar undir bílnum -> meiri massi sem þarf að vibra). En hér gæti ég haft algjörlega rangt fyrir mér (eins og reyndar alltaf
En lausnin eru betri dekk.
Kveðja
Rúnar.
Sælir þjáningabræður..
Ég hef fundið aðferð sem hendar mér vel. En ég nota bílinn eingöngu þegar ég fer í jeppaferðir. Ég set bílinn á búkka og við það verður enginn jeppaveiki í bílnum. Málið er að þessi dekk verða svo leiðinleg ef maður lætur bílinn standa á þessum dekkjum. Það virðist vera að þessi dekk eru ekki hringlaga eins og þau eiga að vera, og ef bíllinn stendu á þessum dekkum þá verða þau hálf-kassalaga.
Það er líka ástæðan fyrir því að menn eru ánægðir með bílinn þegar þú kemur t.d niður að jökkli og pumpar úr 3 pundum í 25. Þá verður hann góður í stýri vegna þessa að dekkinn ná að hringlaga sig. En hitt sem þið eruð að tala um hefur líka áhrif. Það munaði miklu hjá mér þegar ég setti stýristjakk. Ég er reyndar líka með stýrisdempara en hann virðist skipta minna máli, vegna þessa að ég hef prófað að taka hann úr. Svo hefur þýngdin á bílnum helling að segja. Léttur bíll virðist alltaf vera verri í stýri heldur en þýngri bíll. Þýngri bíllinn nær kannski að klessa þetta eitthvað betur niður.
Annars er þetta eitt af þessum sjarma sem maður verður að sætta sig við. Þetta eru nátturulega ekki radial dekk og verða aldrei eins góð og 38" dekkinn. En þú kemst meira á þeim og þú rífur þau ekki í þessu helvítis snjóleysi sem virðist vera orðinn staðreind á íslandi í dag.
kv,
heijo
Teddi þú ert með síman hjá vöku rendu
bílnum bara þangað þá er jeppaveikin úr söguni. HA HA HAEyþór
1# Minnsta slag í þverstífu magnar jeppaveikina
2# Öflugasta leiðin til að drepa niður skjálftann er með öflugri dempun á stýrisgangi. Þú ert með stýristjakk sem er efni í góðann dempara, þrengdu götin inn í tjakkin niður í c.a 3-4 mm þvermál. Jú stýrið verður örlítið seinna kannski (ekki hægt að ratta alveg eins hratt og áður) en þetta slær út dýrustu stýrisdempara á markaðnum.Fikraðu þig áfram með gatastærð þar til þú nærð þessu úr.
3# Dekk hafa mikið að segja líka, en þröngur tjakkur og slitlaus stýrisgangur + þverstífa halda aftur af verstu skjálftatúttum. Ath líka að sumir herða Toyota endana fasta, þ.e pressa gorminn alveg saman, þó þannig að endinn sé "frjáls".
Sæll Óli.
Takk fyrir frábæra ferðalýsingu ykkar Jóns Bergssonar á fundinum í kvöld.
Mér þótti lýsing þín og tilþrif með eindæmum góð, eins og að "vakna 3x við að aka yfir stein" og að "verða a.m.k. 2x þunnur í túrnum" auk ýmissa annarra gullmola sem fuku um salinn. Svona sýn á lífið og tilveruna er ekki öllum gefin, haltu því endilega áfram á sömu braut!
Ferðakveðja,
BÞV
já stýrisdempun á 44" veitum að sumir eru að nota 3 stýrirdempara… en sniðug þetta með stýristjakkinn að þrengja hann svo hann virki sem dempari….!!
auðvitað athuga legur og stífugúmmi…..
ég tók stýrisdemarann úr hjá mér og var með 35" og hann byrjaði að djöflast…. fór vel yfir stífurnar og hliðastífugúmmi var farið stýrisdemparinn náði alveg að minnka þetta slag…. en þegar þú er með 44" þá eru átökin gífurleg…. betra hafa þetta í lagi,
svo þú verðir ekki með sjálfvirkan akreinaskipti….:)
Anonymous- Umræður: 0
- Svör: 16404
Mér datt fyrst í hug þegar ég sá þennan "link" að það væri verið að spjalla um þessa jeppasíki sem væri ólæknandi! Þ.a.s. Síkina í að eiga eitt stykki Fjallabíl! þannig er því einmitt háttað hjá mér…. ég er viss um að ef það væri til meðferð við þessu þá væri ég löngu farinn í hana! Því þetta er ekki ódýrt sport!…. Lýsingarnar og frásögnin á fundinum í kvöld voru frábærar af þorraferðini í laugar! Ég hef sjaldan eða aldrei heyrt betri lýsingu á einni ferð!!! En tilagan að Kvennaferð í ár, í byrjun lýsingar fanst mér standa uppúr! "afhverju farið þið stelpurnar ekki bara í Kerlingafjöll"
svo við tölum nú ekki um lámarkið 38"( þetta meiga menn skilja eins og þeir vilja!! he he ) Takk fyrir góðan fund í kvöld. Kveðja Davíð J
Satt þessi þráður gæti fjallað um hina einu sönnu jeppaveiki, veit satt að segja ekki hvort tilfellið er erfiðara að "meðhöndla"!
Kærar þakkir fyrir hólið félagar, alltaf gott að fá smá klapp á bakið
You must be logged in to reply to this topic.