Árnar í Þórsmörk

Heill og sæll Freyr.
Best að byrja á smámunaseminni, áin heitir Steinsholtsá, ekki Steinholltsá. Svo er einfalt "i" í dreifðar. Nóg um það.
Í riti Sigurjóns Rist, "Íslenzk vötn", segir á bls. 23: "Eitt af höfuðeinkennum jökulvatna er, að þau hlaða undir sig og bylta farvegi sínum, þar sem flatlent er." Síðar segir: "Lofthitinn á auðvelt með að hafa áhrif á vatnshitann, því að jökulár renna yfirleitt dreift….Vatnsstaðan hækkar af grunnstingli og árnar leggur snemma að haustinu."
Grunnstingull er krapamyndun á botni árinnar og getur leikandi orðið hálfur til einn metri!!! Þannig getur áin líka fært sig um set.
Nú, Steinsholtsáin rennur frekar krappt (bratt) þar sem hún kemur úr dalkjaftinum. Þú kemur iðulega að henni á sama stað, að vaðinu þar sem vegagerðarmenn reyna að hafa áhrif á rennsli hennar með því að breikka farveginn og búa til brot. Gakktu að upptökum árinnar og fylgdu henni þar til hún sameinast Krossánni. Þá sérð þú betur hvert eðli hennar er.
Útivistarmenn hafa breitt farvegi Krossár fyrir innan Bása, og víðar eru leiðigarðar sem beina ánni að Merkurrananum. Ég man þá tíð að þurfa að krossa Krossána oftsinnis á leiðinni inn í Langadal. En, Krossáin mun "hlaða undir sig og bylta farvegi sínum".
Skoðaðu Krossána neðan Merkurranans, kannski hún bylti sér þar frjáls.
Mér finnst reyndar alltar svolítið skondið þegar ferðamenn eru að spá í færðina viku fram í tímann með tilliti til snjólags eða vatnavaxta. "Ég ætla á XXXjökul næstu helgi, hvernig var færðin um helgina". Það er aðeins ein leið til að komast að því, -sannreyna það! Álíka öflugt væri að spá í veður næstu helgar með tilliti til þeirrar síðustu…
Með kveðju og vonandi er stafsetningin í lagi hjá mér,
Ingi.

Af því að verið er að benda á stafsetningu má geta þess, að sögnin að breyta er rituð með y. Af samhnegininu verður ekki ráðið, að Útivistarmenn hafi breitt úr farveginum heldur breytt honum.

Vinsamlegast,

V

Þakka þér ábendinguna Vigfús, ekki er ég óskeikull enda hafði ég vit á að hafa fyrirvara á um stafsetningu mína.

Finnsa vil ég segja að ég kannast við að hafa skitið vítt, en hvorki breitt né breytt í skóinn minn.

Að öllu skítkasti slepptu, þá er ég að reyna að benda þér Freyr á, að ekki þýðir að meta jökulár út frá aðstæðum við eitt tiltekið vað, þú talaðir um árnar báðar mjög almennt í fyrsta póstinum. Eins og þú veist drengja best sjálfur, þá má iðulega finna betri vöð en þar sem slóðin liggur að ánum.
Ég hef ekki farið til Þórsmerkur mjög nýlega og dreg því svar mitt til baka.
Bestu kveðjur,
Ingi.