Árgjaldið

Það væri gaman að sjá tölulegar staðreyndir um það hvort fjöldi félagsmanna hafi aukist eftir þessa hækkun, eða staðið í stað, eða jafnvel fækkað… Og þar af leiðandi hver mikið þetta hefur skilað í kassann.
.
Sjálfur nota ég ekki afslætti sem eru í boði á vegur f4x4 og ég nota skálana sem f4x4 sára lítið, og þegar það gerist, þá borgar ég mín skálagjöld eins og aðrir.
.
Reyndar fer konan í kvennaferð sem var yfirleitt styrkt af bönkum og fl. aðilum, sem verða kannski mis fúsir að styrkja svona ferðir í ár. Einnig hefur þurft að greiða gjald fyrir gistingu og fl.
.
Einnig höfum við farið á þorrablót, en það hefur heldur ekki verið "í boði klúbbsins", heldur unnið af dugnaði einstakra félagsmanna og við svo aftur greitt bæði mat og gistingu.
.
mbkv.
Atli Eggertsson.

hvað meinarðu með að þú endir með að borga meira fyrir olíuna hjá Shell heldur en Atlantsolíu, ert þú á einhverjum sérafslætti hjá Atlantsolíu? Ef svo er ekki þá held ég að það sé misskilningur að að þú borgir meira hjá Shell, en ef við snúum okkur að upphafi þráðarins þá er þetta sama tala á árgjaldinu og í fyrra þannig að hlutfallslega hefur það þá lækkað, L.

Fyrir mína parta þá finnst mér þetta vera smámunir miðað við kostnaðinn í þessu sporti en það er auðvitað afstætt hvernig menn líta á þetta.
Ef við hugsum bara um krónur og aura þá næ ég þessu auðveldlega til baka bara með afsláttunum og þá er ég ekki að reikna inn eldsneytisafsláttinn en sá útreikningur er auðvitað mismunandi á milli manna. Reyndar er örugglega mun auðveldara að nýta sér afslættina hér í ´borg óttans´ en á landsbyggðinni.
En það sem mér finnst menn oft gleyma í þessu eru hlutir eins og afnot af VHF kerfinu en það er búið að leggja mikla vinnu og peninga í það sem verður seint metið til fjár. Vonandi heldur sú uppbygging áfram og þú ert að styrkja það. Einnig má minnast á það að klúbburinn á og rekur skála sem maður notar öðru hvoru, þú ert að styðja við þá vinnu. Heimasíðan er líka mjög öflug og að lokum þá hefur klúbburinn ávallt unnið að hagsmunamálum jeppamanna og þessa sérstæða ferðamáta okkar og gerir það vonandi áfram.
.
Þar sem ég covera gjaldið auðveldlega bara með afsláttum þá er restin bara bónus. Ef þú sérð ekki neina hagsmuni í ofantöldum atriðum þá myndi ég ekki borga 6.000 kall ef ég væri þú.
kv
AB
ps. Gjaldið var líka 6 þús kall fyrir 2008

Athyglisvert.
Þegar sagt er að ég noti ekki neitt frá 4×4 einsog Atli nefnir og segist fara í þorrablót.
.
En Atli gleymir því að félagsmenn eru klúbburinn. Og svo gleymist eitt og annað í þessu. Það er mikið til í því að við ökum á breyttum jeppum og á snjó einmitt af því að klúbburinn er til. Ég er sannfærður um það að, ef 4×4 væri ekki fyrir hendi þá væru fljótlega allar jeppabreytingar bannaðar og allur vetrarakstur bannaður. Einungis á linum misserum þá hefur klúbburinn komið í veg fyrir stórslys í reglugerðum um vetrarakstur og jeppabreytingar.

Ég er sammála Ofsa menn mega ekki gleyma því að ef klúbburinn væri ekki til þá ækjum við ekki á þeim bílum sem við eigum í dag. Félagsgjöldin standa td. straum að kostnaði VHF kerfisins, munið þið eftir rukkununum sem við fengum einu sinni á ári frá fjarskiptaeftirlitinu???, aðstöðunni upp á Höfða og marrgt. fl. Það sem árgjaldið gefur jeppamönnum almennt er miklu meira en bara félagsgjald, við fáum afslætti hjá mörgum fyrtækjum. Klúbburinn er þrýstiafl á stjórnvöld og hafa nefndir í klúbbnum unnið öturlega af því að standa vörð um frjálsa ferðamennsku. Slóðamál, utanvegaakstur og ESB málin eru stór mál sem klúbburinn þarf að vinna í. Ég lít svo á að með greiðslu félagsgjaldsins sé ég að stuðla að því að efla og styrkja starf klúbbsins og því greiði ég það, hvort ég græði 100 kr af bensíni á ári eða einhvað annað það er aukaatriði og bara bónus. Því ég veit að félagsgaldið fer líka í að standa vörð um þá hagsmuni sem frjáls ferðamennska gefur mér. þ.e. að fá að ferðast á mínum fjallabíl.
Kv.
Sveinbjörn R-043

Sex þúsund kall á ári er ekki rassgat. rétt um 16 krónur á dag. maður þarf nú að vera fjárans nánös held ég til að týma því ekki í jafn mkilvægt félag og Ferðaklúbbur 4×4 er fyrir okkar sport.

ég hugsa að 6 þúsund kall á mánuði færi kanski aðeins fyrir brjóstið á mér, en skitinn 500 kall á mánuði (sem gerir 6 þús á 12 mánuðum) er bara ekkert.

Ég reyndar viðurkenni fyrir mitt leyti að ég er duglegur að nýta afslættina og borgar þetta sig upp nánast í hverjum mánuði.

ég mun allavega ekki væla yfir kostnaðinum þótt ég sé ekki mjög duglegur að nýta mér annað en afslætti sem félagsskírteinið færir. önnur not eru bónus (m.a. afsláttur af gistingu í setrinu ofl.)

nú vona ég bara að tækninefndir og aðrar nefndir beiti sér ötullega gegn lagasetningum sem banna sportið okkar í komandi ESB árás. vonandi náum við að brjóta þá vitleysu á bak aftur

kveðja,
Lalli

Félagsgjaldið er ekki hátt miðað við hvað er innifalið í félagsgjaldinu.

Ég nota alltaf shell kortið þegar ég tek olíu og á ca tveim mánuðum er ég kominn með meiri afls hjá shell en félagsgjaldið er.

Við sem erum með vhf þurfutum áður að borga 2500kr til póst og fjarskiptastofnunar en nú er þetta gjald komið inn í félagsgjaldið.

Skoðum gjaldið í samhengi og þá sjáum við hvað við fáum mikið fyrir penninginn.
mun ég glaður greiða félagsgjaldið um næstu mánaðarmót

SÆLIR .
Þetta er reyndar ágæt umræða eins og fram hefur komið .
‘Argjaldið er fljótt að skila sér í formi afsláttar á vöru og þjónustu .
Minnst var á hér ofar að kortið nýttist ekki viðkomandi nógu vel sem afsláttarkort .
Mæli með að meðlimir kynni sér vel þá afslætti
sem veitast við að vera greiddur félagi í 4×4.
Allt hitt er svo eins og fram hefur komið, bara bónus .
‘Eg er meðlimur í 5 klúbbum og viðurkenni vel að það munar um þá upphæð sem þetta tekur til sín .
‘Eg borga 6000 kallinn í 4×4 glaður .
Gleðileg jól !

Kreppan kemur aldrei til mín hvað varða árgjaldið í okkar góða klúbb. Ég fæ þetta margfalt inn á hverju ári, olíuafsláttur, VHF-kerfið, afslættir, nota þá að vísu ekki eins mikið og ég vildi, allar uppákomur klúbbsins og svo allt það mikilvæga og skemmtilega starf sem við vinnum í sameiningu þá finnst mér árgjaldi bara verðskuldað. Ég vildi óska þessi vísitala og verðbólga héldi á mínum lánum. Ég reyki nærri því pakka af vindlum á sólarhring, stundum meira og minna, og pakkinn er frá 530 – 600 kr. En það er náttúrulega bara mín sóun á líkama og peningum.

Kv. Magnús G.

Ég hef ekkert á móti því að borga þetta árgjald en vildi bara benda á það að það er rétt hjá þeim sem segja að það sé ódýrara að versla hjá Atlantsolíu heldur en hjá Shell, það er margbúið að reikna þetta hjá Atlantsolíu, en ég vinn þar við að keyra út þessari olíu.
Það er hægt að fá 2kr. afslátt með dælulykli og svo er hægt að velja eina "heimastöð" og þá er hægt að fá auka krónu á þeirri stöð alltaf, einnig er 5kr. afsláttur á afmælisdegi dælulykilshafa.