Árbók FÍ 2010

Langar að benda mönnum á málsgrein á bls. 173 í nýju árbók Ferðafélags Íslands:
„Vélsleðar eru undratæki og opna landið þannig að á svipstundu er hægt að skjótast á staði sem tæki marga daga að ganga á. Hitt verður að viðurkenna að mengun og hávaði fylgir sleðunum þannig að mörgum þykja þeir spilla þeim verðmætum sem felast í kyrrð, friði og tign öræfanna. Þá er því heldur ekki að neita að þeir skilja eftir sig brautir sem ýmsum finnast spilla órofinni fannbreiðunni.“
Hvernig er hægt að verjast svona málflutningi, þetta er forseti FÍ sem skrifar þetta? Hvað skyldu margir vera gangandi á Fjallabakssvæðinu frá október til apríl á hverju ári, miðað við þá sem eru á ferðinni á sleðum og jeppum? Ég hef aldrei rekist á gangandi menn á Fjallabakssvæðinu á þessum tíma. Ég var næstum búinn að segja mig úr Ferðafélaginu þegar ég las þetta.

Kveðja frá Noregi
Heiðar Snær Engilbertsson Ö-1225