This topic contains 20 replies, has 7 voices, and was last updated by 
-
Topic
-
Ég ákvað að gera tilraunir með Android spjald sem GPS tæki.
Ég mun halda utan um þessar til(raunir) hér á spjallinu eftir því sem fram líður.
Ég fór á útsöluna hjá Tölvutek milli jóla og nýárs og krækti mér í 8-tommu ACER spjald með sæmilegu innra minni og GPS móttakara. Ég var búinn að prófa tvö forrit á Android- símanum og leist sæmilega á, en síminn er svoddan ræfill með litlu plássi fyrir forritin, þannig að maður passaði sig að fá sér spjald með nægu minni. 16 Gígabæt virðast duga.
En áfram með prófanirnar. Kortaforritið heitir Oruxmaps (www.oruxmaps.com) og svo nota ég annað forrit sem heitir GPS-status.
Viðhengi:
-
Replies
-
Og til að útskýra viðhengin að ofan. Fyrri myndin er af kortaforritinu, og það er þysjað inn á Setrið. Gulu flekkirnir eru merki við hæðarlínurnar. Það virðist alltaf koma inn merki sama hvað mikið er þysjað inn.
Hin myndin er af forritinu „GPS-status“. Það sýnir hvar gerfihnettirnir eru og hvernig merkið er frá þeim og einnig lengd og breidd (latitude og longitude) ásamt áætlaðri nákvæmni (DOP/HDOP/VDOP og Error)
Næsta skref verður að koma festingu í jeppann og prófa tækið þar.
Sæll Jón
Var aðeins að skoða þetta, en finnst þetta Oruxmap forrit svo flókið eitthvað! Hvað finnst þér?
Kv Bjarki
Mér sýnist svona í fljótu bragði að það geti verið svolítið snúið í fyrstu, en ég held að maður verði nokkuð fljótur að finna þá uppsetningu og stillingar sem maður mun hafa not fyrir.
Ég prófaði þetta seinustu helgi trakaði frá fljótinu í bárðardal og upp i Réttartorfu og fanst þetta alveg ágætt
Viðhengi:
Er búinn að nota þetta í sirka 3 ár og hefu dugað mér, setti in ferla frá 4X4 um daginn og er með þá alla í tölvuni.
Er að nota Samsung Tab3 og Oruxmaps
Takk fyrir þetta Sindri og Elvar, um að gera að fá sem flestar reynslusögur. Eruð þið að nota GPS móttakarann í spjaldinu sjálfu eða plöggið þið móttakara í spjaldið?
Er bara með innbyggða í spjaldinu sjálfu og hefur reynst.
er að nota innbyggða gps i samsung S6
enn annað mér skilst að maður þurfi að breita ferllonum i GPX skrár til að geta notað þá í oruxmaps hvað eru þið að nota til þess er það bara mapsource eða er eihvað annað sem hægt er að nota
Sælir, ég hef verið að nota android spjald og app sem heitir pdf maps. Appið sjálft er frítt en inni í því er svo hægt að fá frí kort og kaupa kort þ.á.m. frá ískort. Það er hægt að stjórna því mikið sjálfur hvað maður borgar fyrir kortin og fer það aðallega eftir því hversu nákvæm maður vill hafa þau, ég keypti sjálfur kort af öllu landinu í 1:250.000 sem kostaði um 10$ og virkar mjög fínt en svo er hægt að kaupa kort frá þeim alveg niður í 1:25.000 sem kosta þá eitthvað meira. Appið er mjög einfalt og þægilegt en býður kannski uppá eitthvað minna en önnur svona forrit, ég hafði áður prófað oruxmaps en fannst það alltaf hálf flókið og leiðinlegt í notkun.
Ég má til með að benda á þennan spjallþráð þar sem ég segi frá því sem ég nota. Þetta er Ozi fyrir android. Ég er búinn að vera með þetta í Samsung Galaxy Note 10.1 2014 Edition núna í að verða 3 ár. Alltaf notað innbyggða gps-ið og aldrei klikkað.
Eins er kortin alveg til fyrirmyndar og forritið einstaklega notendavænt.
Ég kaupi Ískortin í öllum upplausnum og fæ allt landið í einu korti. Þarf ekki að kaupa hluta ef því eins og með PDF maps.
Það er eitt sem ég vil gjarnan fá að vita hjá ykkur sem hafið verið að nota þetta;
Hvernig er spjaldið að virka í kulda? Ég veit að spjaldið hjá mér á að virka niður í 0°C en hef reyndar ekki prófað það niður við það hitastig.
Er með nexus 9 spjald og á það til að gleyma því í bílnum, gleymdi því einmitt í bílnum yfir nótt um daginn þegar það var 12 gráðu frost og það virkaði fínt. Ég mundi samt ekkert vera að því viljandi.
Mitt spjald virkar eftir nóttina á jeppanum í miklu frosti en það hleður ekki strax ef kuldinn er mikill. Það kemur melding á skjáinn að batteryið sé of kalt, sem er gott að mínu mati.
Ég ætlaði að prófa spjaldið almennilega um páskana (föstudaginn langa) en þá brotnaði sogskálarfestingin. Var farþegi í öðrum bíl daginn eftir og prófaði það í glampandi sól. Það er nauðsynlegt í slíkum tilfellum að setja lýsinguna á spjaldinu í botn.
Þetta Acer spjald sem ég er með er fljótt að missa sambandið við gervitungl ef það er ekki vel úti í glugga.
Prófaði spjaldið í gærkvöld til að rata um tvö ókunnug hverfi í RVK og Reykjanesbæ. Í skýjuðu veðri er þetta frábært, en það er greinilega misjafnt eftir bílum hversu vel GPS-móttakarinn virkar. Í gærkvöld setti ég spjaldið niður í hanskahólfið og gleymdi að loka Oruxmaps-forritinu. Svo þegar ég tók spjaldið upp aftur sá ég að það var búið að trakka alla Reykjanesbrautina lokað niðri í hólfinu. GPS-ið virkaði vel þó að ég væri með spjaldið í höndunum í framsætinu (var vel að merkja farþegi í framsæti).
Næst er að reyna að finna almennilega festingu og prófa tækið fyrir alvöru í jeppanum.
Svona fór sogskálin á fyrstu festingunni hjá mér þegar ég reyndi að smella henni á gluggann (hvílíkt drasl).
Viðhengi:
Og svona lítur þetta út núna, tvöföld sogskálafesting, langur armur sem liggur á mælaborðinu fremst með teip undir til að það nuddi ekki. Oruxmaps forritið virkar, sama þó að GPS-loftnetið sé neðst, (þarf að vera þar svo maður geti hlaðið spjaldið á ferð). Ég prófaði þetta á Hólmsheiðarveginum sem var fínasta prófunarþvottabretti í dag. Þetta hreyfðist ekki, strax og maður var búinn að smella spjaldinu stífu í festinguna.
Viðhengi:
Ertu sáttur við þetta
Vel sáttur. Á verstu þvottabrettunum á syðra-Fjallabaki um daginn þá víbraði spjaldið aðeins til hliðar, en því verður reddað með litlum hring af strigateipi ofan í annarri klónni að neðan.
Rakst á SVAKALEGA flottan valkost þegar ég var að taka GPS punkt um helgina með oruxmaps forritinu. Ef maður velur að taka punkt þá spyr forritið hvort maður vilji taka mynd líka. Þar sem ég var að taka punkt af stað þar sem þarf að athuga breytingu á slóða þá hugsaði ég bara „já takk“, smellti spjaldinu úr festingunni, fór út úr jeppanum og tók mynd.
Það er líka voðalega þægilegt að geta labbað með spjaldið út úr jeppanum, ef slóði er ógreinilegur er oft gott að rölta aðeins fram fyrir jeppann til að ná áttum, í stað þess að aka í sikk-sakk.
You must be logged in to reply to this topic.