AMS kort 1:50.000

Jæja, þá er vinnunni að ljúka við þetta "litla" verkefni, 297 AMS kort af [u:t65gdapj]öllu landinu[/u:t65gdapj] í kvarðanum 1:50.000 hefur verið hlaðið niður af vef LMÍ og þau calibreruð inn í OziExplorer með fjórum hnitapunktum ásamt því að stilla inn afmörkun kortanna.

Þetta er í einu orði sagt algjör snilld fyrir okkur sem erum gamaldags og notum ennþá Ozi forritið með þessum gömlu fallegu Íslandskortum undir. Dæmi um þessi landsvæði sem við erum nú að fá inn eru austasti hluti Vatnajökuls og hálendið austan jökulsins, Vestifirðir, norðausturland o.fl.

Þrír sprækir félagsmenn og spjallverjar unnu að þessu verkefni með mér, Hafsteinn Sigmarsson (hafsteinn), Grétar G. Ingvarsson (GGI) og Bergur Arnarson (bergura) og kann ég þeim bestu þakkir fyrir að taka þátt í verkefninu og þá miklu vinnu sem þeir lögðu í þetta.

"Útgáfan" verður brátt tilbúin til afhendingar, allar kortaskrár verða merktar með tilvísunarnúmeri í yfirlitskort fyrir kortaútgáfuna og nafni viðkomandi korts. [b:t65gdapj]Þeir sem hafa áhuga á því að fá "kortaseríuna" vinsamlegast sendið mér email á agb@applicon.is[/b:t65gdapj].

Ath að kortaserían er um 3GB að stærð þannig að þetta er ekki eitthvað sem hægt er að senda með tölvupósti, ég mun þó dreifa þessu rafrænt með öðrum hætti. Ath einnig að þessa kortaseríu er aðeins hægt að nota með OziExplorer !

Þeir sem eru með NavTrek geta þó nýtt sér þau 297 kort sem við hlóðum frá LMÍ en þeir verða sjálfir að calibrera þau inn í NavTrek.

Sjáumst svo bara á fjöllum með nýju "gömlu" AMS kortin 😉

kveðja
Agnar