Amper- eða voltmæli

Sælir.
Ampersmælir segir þér hversu mikið altenator hleður, nokkurskonar rennslismælir, en það segir ekkert um hvort torinn hafi við. Voltmælir er svipað og tankmælir, fellur við eyðslu. Sem aftur getur þýtt að torinn sé of fá amper, miðað við notkun.
Vonandi kemur þetta að gagni.

Kv
Óli Hall.

Taktu saman hvað öll raftæki í bílnum eru að taka mörg Amper, það ætti að vera skráð á tækjunum, ef ekki þá er hægt að mæla það með þar til gerðum Ampermæli. Virkar þannig að einskonar kjaftur er settur utan um vírinn frá tækinu og hann mælir hvað það er að taka.

Svo mælirru hvað altenaorinn er að gefa, með sama mæli, og ef að hann er að gefa minna, þá verra, ef hann er að gefa meira þá gott….

Ef eg er að fara með fleipur þá endilega leiðréttið mig, annars held eg að þetta sé nokkurnvegin svona…

Sæll Snorri.

Þó ég hafi ekki lært hebreskuna sem Baldurg skrifaði þegar ég lærði rafvirkjun, þá er að mínu viti er miklu skynsamlegra að nota voltmæli.

Eins og fram hefur komið fellur spennan á geymunum ef þú ert að klára af þeim, og það er akkúrat það sem þú þarft að vita. Reyndar held ég ekki að þú þurfir að hafa áhyggjur af því með þessa geyma sem þú ert með.

Þú þarft ekki að vita strauminn, og straummælar eru flóknari í tengingu, því þeir taka allan strauminn gegnum sig, eða miklu dýrari ef þeir nota spólu sem fer utanum vírinn.

Kv.
Emil

Sæll.

Einn mælir á nú alveg að duga, enda "bara" eitt rafkerfi í bílnum þótt geymarnir séu tveir.

Ferðakveðja,

BÞV

Sæll, Snorri.

Er sammál flestum að nota voltmæli, hann segir þér allt.

Þú ert með nokkuð stóra geyma þannig að þeir ættu að duga þér eitthvað.
Vertu bara viss um, að rafallin í bílnum þínum framleiði það sem þú ert að nota í bílnum þínum.
Ég reyni að vera ekki með meira en 80% af því sem rafallinn getur framleitt. Jú, hann þarf líka að hlaða inn á rafgeymana, þá veitir manni ekki af þessum auka 20%.
Þú ættir að taka saman öll þau tæki + ljós og ath. straumnotkunina á þeim. Það er ekki nóg að vera með risa rafgeyma og lítinn rafall. Hann verður að geta fætt þá.
Það er nefnilega mjög algengt að menn eru að hrúga tækjum í bílinn en gleyma svo að það þarf rafmagn fyrir þetta allt.
Ef rafallinn er 100% nýttur þá fellur rafgeymirinn smátt og smátt og þegar þú ættlar að starta bílnum á köldum vetrarmorgni einhverstaðar á fjöllum þá, ups….

Þannig að ampermælirinn segir þér hvort þú ert að nýta rafallinn 100% eður ei.
En volt mælirinn sýnir þér hvort hleðslan er í lagi eður ei.
Þannig að báðir kostir eru raunhæfir.

kv. Sigurður – 112

Sælir allir.

Ég var að rena yfir þennan þráð, og má til með að skrifa svolítið meira.

Það er ekki spurning að bæði Volt og Amper mælar gefa mestar upplýsingar, og lýsa ástandi hleðslukerfisins best. En er þörf á því? Ég held ekki. Og hves vegna ekki? Voltmælirinn sýnir stöðu hleðslunnar, þ.e. hleðsluspennu, ca. 13,8V. Ef rafallinn af einhverjum ástæðum hættir að hlaða, fellur spennan samstundis í ca. 12V. Ef hann aftur á móti bilar þannig að hleðsluspennan hækkar, sést það líka. Gamlir og lélegir rafgeymar halda illa spennu, og eru oftast með undir 12V. þegar bíllinn er ekki í gangi.

En af hverju vil ég ekki hafa Ampermæli?
Ástæðan fyrir því er sú að hann krefst miklu vandaðri frágangs og þekkingar á raflögnum en Voltmælirinn. Af Ampermælum eru til tvær gerðir. Sú algengari tekur vírinn sem er verið að mæla í gegnum sig. Það þýðir að ef mæla á hleðslu alternators þarf að taka vírinn frá honum sem venjulega liggur frá alternator og í rafgeymi, eða öryggjabox, inn í bílinn. Um þennan vír getur farið allur straumur rafkerfisins, þvi í mörgum bílum er ekki öryggi á hleðslunni. Margir eru með 60 ? 80A. alternatora, en fyrir þá þarf svera víra. (10 eða 16q) Flestir ampermælar eru gerðir fyrir 60A. straum, og eru með mjög litlum tengiskrúfum, í flestum tilfellum 5mm. sem er enganveginn nóg. Það er mjög algengt að tengingarnar á mælum losni. Þá getur myndast sambandsleysi, hiti og eldur í verstu tilfellum. Ég hef séð alltof mörg tilfelli þar sem þetta hefur gerst. Þarna þarf að vanda frágang mjög mikið.

Svo er til önnur gerð Ampermæla. Þeir notast við spólu sem sett er utanum vírinn sem skal mæla. Þegar straumur ferðast um vírinn myndast í honum span sem spólan pikkar upp, breytir í spennu og það er hún sem mælirinn mælir. (þetta gerist reyndar í hinni gerðinni líka, en þar er spólan innbyggð í mælinn.) þarna þarf ekki að leggja sverar lagnir inní bíl, heldur eingöngu grannar. Þessir mælar hafa alla kosti framyfir hina. Þeir eru auðvitað miklu dýrari, og ég sjálfur hef mjög sjaldan séð þá notaða.

Jæja. Hljómar þetta skynsamlega?
Ef einhver er að velta því fyrir sér, þá er ég rafvirki, og hef unnið talsvert við bílarafmagn, þó ég hafi ekki haft það fyrir fullt starf.

Bestu kveðjur,
Emil Borg