This topic contains 8 replies, has 1 voice, and was last updated by 
-
Topic
-
Fjallabellir fóru í jómfrúarferð um helgina. Planið var að fara landmannalaugar-jökulheima(gista)-nýjadal(gista) en vegna færðar, veðurs og óhappa var farið í bæinn um hádegi á laugardegi. Bíllinn hjá mér fór í gegnum ís og tók um 6 tíma að ná honum upp og eitthvað brotnaði við átökina (sjá myndir á http://www.fjallabellir.com). Mér þætti fróðlegt að vita hvað menn halda að sé brotið ef ég lýsi aðstæðum. Þannig er að ég var dreginn með slyskjur undir báðum framhjólum og ætlaði að keyra með drættinum þá í afturdrifinu. En þegar ég tók af stað þá var eins og öll hjól vildu snúast og miklir smellir heyrðust(ath að ég var búinn að taka lokurnar af). svo eftir þetta komu miklir smellir og brestir ef ég reyndi að keyra í 4×4 og svo ef ég bakka, bæði í 4×4 og 4×2 en ef ég keyri áfram í 4×2 þá er ekkert að og þannig kom ég bílnum í bæinn eins og ekkert hafi í skorist.
Hvað hafa spekingar um þetta mál að segja?
-
Replies
-
Hljómar eins og það þurfi að fara að opna einhverja kassa. (ekki bjór þó það hjálpi stundum)
Ég myndi giska á millikassann
Bara hugmynd en gæti ekki bara verið að framlokurnar séu frosnar fastar og komið vatn inn á framdifið sem síðan fraus fast.
Kv Izan
P.s. gæti átt við ef þú hefur bara tekið hann úr lokunum til að hjálpa við dráttinn til að nota lágadrifið.
Ég myndi byrja á að opna framhásinguna og skoða hana. Það borgar sig hvort eð er eftir svona baðferð að hreinsa og endursmyrja hjólalegurnar. Þá er ekkert mál að tékka á lokunum og framdrifinu í leiðinni.
Mín fyrsta pæling væri framdrifið. Restin af framhásingunni er það sterk sem og millikassinn að það er ekkert sérstaklega líklegt að það sé brotið.
Samt, eins og maðurinn sagði, það sem hefur aldrei brotnað áður getur alltaf brotnað aftur.kv
Rúnar.
Svanur þetta er flottar myndir.
Mér verður alltaf hálf kalt við að horfa bíla á kafi í krapa.
Kveðja fastur
Þetta eru einhverjar flottustu krapamyndir sem ég hef séð.
Byrjaðu á að skoða frammdrifið og mismunadrifið eða lásinn það er lang líklegast. Lokurnar eru senilga stirðar og fullar af vatni þannig að þær fara ekki strax af.
Guðmundur
Ekki veit ég hvar þið félaga hafið fundið þetta vatn á slóðanum þó það sé hægt fyrir utan og sérstaklega ef menn leita það uppi.
Kveðja Þorgeir
Jæja, nú er deluxinn búinn að vera í afvötnun í nokkra daga og lítur allt út fyrir að hann komi heill útúr þessu öllu saman. Ég er búinn að rífa aðeins undann honum og þetta var framdrifið sem hafði brotnað, skrítið samt að smellirnir hafi líka komið í 4×2 þegar ég bakkaði, kanski bara eitthvað átak eða lokuvesen. Skítt með það, þetta fer saman um helgina og svo einhver góð ferð næstu helgi.
Hils
Svanur Dan
You must be logged in to reply to this topic.