This topic contains 9 replies, has 1 voice, and was last updated by 
-
Topic
-
Mig langar bara svona í eitt skipti að reyna að fá það fyrir alvöru fram hvort að Patrol boddýið eftir ’98 sé í alvöru að standa sig jafn illa á 44″ blöðrum og af er látið hérna á spjallinu??
Er mikið að hugsa til svona bíls núna fyrir veturinn og langaði bara að spyrja þá sem hafa EIGIN reynslu af bílunum um þeirra álit.
Eftir að hafa skoðað frábært ferðavidjó frá Benna hérna á öðrum þræði á spjallinu þar sem Patrolinn virtist eiga frekar erfitt fór ég aftur að velta þessu með mér.
Er hann t.d. að fljóta síður en 80 Cruiserinn?Kv. Baddi Blái
P.s. Endilega stofnaðu bara þinn eigin þráð ef þig langar í iss piss keppni um hver drífur mest
Langar að geta einu sinni skipst í alvöru á skoðunum.
-
Replies
-
Það þarf nú að passa sig á því þegar maður sér einhvern bíl drífa minna en einhver annar, því til dæmis eru þeir kannski ekki með jafn mörg pund í dekkjunum og eins hvort þeir séu á sömu dekkjategund…
Ég held allavega að ef horft er framhjá vélarafli drífi 80 crúser ekki meira en patrol á meðan ekki er búið að færa afturhásinguna á crúsernum töluvert aftar…
kv. Maggi fyrrverandi patrolmaður
Pattinn er alveg að svínvirka á 44" dekkjum. Ekki kraftmikill, en það er ekkert að skipta neinu máli sem um ræðir (allavega ef maður er vanur kraftlitlum bílum). Ég fer allavega ekki á fjöll til þess eins að drífa ferðina af og komast sem fyrst í bæinn aftur
80-Krúserinn er á margan hátt skemmtilegri bíll, sökum mikið skemmtilegrar vélar en er að öðru leiti bara mjög sambærilegur og pattinn. Það er meira mál að breyta honum, það þarf að færa afturhásinguna mikið meira en á pattanum sem og að skipta út framhásingunni.
Hef ekið bæði pöttum og 80-krúser á fjöllum og get ekki neitað því að tjúnnaður 80-cruiser er ógeðslega skemmtilegt tæki, en ég get ekki sagt að hann drífi eitthvað meira.Það er enginn munur á floti á 3-tonna bíl með 3 metra á milli hjóla og 3 tonna bíl með 3 metra á milli hjóla. Ef annar er að drífa meira en hinn, þá er ástæðan ekki bíllinn heldur eitthvað annað.
En þetta eru bara mínar skoðanir og reynsla
Rúnar.
það er alveg sama hversu vel bílinn er útbúinn
ef bílstjórinn er ekki góður og kann á sinn bíl þá fer hann ekki mikið.
einhvertíman var sagt að bílstjórin sé 50-80% af drifgetu bílsinns.
ég er viss um að ef þú settir órendanbílstjóra á bíl með öllum græjum á móti reyndum bílstjóra sem er á minna útbúnnum bíl þá tapi bílinn sem er betur útbúinn.Óskar ABBA
Já, hefði einmitt haldið það. Langaði bara að fá umræðu af stað vegna allra svakalegu Patrol með og á móti yfirlýsinganna sem hér hafa gengið.
Hefði haldið að í t.d. lóló færi væri ekki teljandi munur á þessum bílum, ekki nema kannski að Pattinn er nýlegur og búinn ýmsum þægindum sem eru oft ekki í þessum eldri Krúsum.
Kv. Baddi Blái
Lóló og lóló er reyndar ekki alveg það sama. Lóló þarf að ná heildarniðurgírun niður fyrir ca 120-130 á móti einum til að fara að virka vel.
Munur á lóló sem er 90:1 vs 130:1 er einfaldlega sá að annar bíllinn spólar sig niður en hinn lólóast áfram. Been there, done that, varð þvílíkt vonsvikinn.Það er hægt að fá lóló í pattann sem er bara 1:90 en í krúsina er hæsti lólóinn held ég í kringum 130:1. Stór munur þar á.
Snilldar orð þetta "lóló".
Rúnar.
Ég hef ferðast dálítið með mönnum á báðum þessum
bíltegundum, er sammála því að þeir eru mjög sambærilegir
að öðru leiti enn þvi að Patrol vélin togar mjög lítið
á lágum snúning ,
Hlutur sem "mér" finst allavega vera mikið mál í
fjallabíl, Þessu vandamáli er hægt að komast framhjá
að töluverðu leiti með lágum drifum og LóLó af lægri
gerðinni.
Ég hefði ráðlagt þér að fá að prófa báðar tegundirnar
áður enn þú ákveður þig, alla vega vera í þeim
í notkun.
Kveðja Þórir.
Ég held að runar hafi hitt naglan á höfuðið. Þar sem 80 Cruiserarnir eru allir með afturhásinguna færða aftur 10cm+ en Pattinn yfirleitt ca 3 cm , þá held ég að þeir séu mjög sambærilegir ef hún er færð aftar á Pattanum. Enda verður það næsta verk hjá mér. Ég er reyndar búinn að setja niður hjá mér 4.2 Patrol vél og bíllinn svínvirkar. Þurfti að fara aftur upp á orginal hlutföllin vegna þess að hann var orðinn of lár á 5.42
Kv. Júnni.
Hvað kostaði vélin hingað komin frá Nýja Sjálandi?
Kv. Baddi Blái
Hún kostaði með kassa og millikassa ca 450.000
komin heim í skúr. Þá er eftir að kaupa á hana túrbínusettið. Tók það í gegnum Ísleif í túbó og kostaði heilar 280.000 . Eflaust er hægt að fá það verð nokkuð niður ef menn nenna að að flytja það sjálfir inn. Síðast en ekki síst er þetta mikil þvolinmæði að bíða eftir vörum frá Nýja Sjálandi.Kv. Júnni.
You must be logged in to reply to this topic.