Alveg brjálaður

Bjarni Harðarsson sá ágæti maður, skipar annað sætið á lista framsóknarflokksins á suðurlandi. Bjarni hefur haf sig mjög í frammi í umhverfismálum og oft bent á ýmislegt sem miður fer í nánast umhverfi okkar. Þar mætti t,d nefnd það að verið er að moka Ingólfsfjalli burt smátt og smátt. Ég gæti kannski verið sammála honum en einhvernvegin hef ég vilja fórna minni hagsmunum fyrir meiri. Þ.a.s ég hef viljað fórna Reykjarnesinu og nágrenni til þess að við fáum frekar frið með hálendið. Því er ég mjög sáttur við virkjanir á Reykjarnesi, ég er einnig ánægður með væntanlegar virkjanir við neðanverða Þjórsá. Svona einhvernvegin, einhverstaðar verður vondur að vera og þá er gott að hafa hann þar sem hann veldur sem minnstum skaðanum. Enda er Reykjarnes í mínum huga, eitt stórt athafnarsvæði. Og ég sé fyrir mér að eftir 50 ár verður vart lófastór blettur á Reykjarnesinu óhreyfður af mannanna höndum. Bjarni Harðarsson er hinsvegar á þeirri línu að það sé ekkert tiltöku mál að byggja hálendisvegi og í raun bara smá mál. Eitthvað sem nánast ætti að leifa uppsveitarmönnum á suðurlandi að græja, svo þeir geti skotist norður á skömmum tíma ef þeir eiga erindi. Bjarna finnst sem sé að það sé verið að setja fótinn fyrir framþróun og auðgunarsköpum. Bjarna finnst að mammon eigi að ráða för.
Ef hann á að ráða för, þá eigum við ekki heldur að vera elta ólarnar við byggðarmál. Því það segir sig sjálft, að vera púkka upp á steindauð smá þorp á vestfjörðum er ekki arðbært til lengdar. Flytum hyskið bar í blokk í Reykjarvík. Þetta gæti verið undirtóninn í þeim sem vilja allt gera fyrir peninga. En þeir koma ekki hreint fram með það sem þeir vilja.
Bjarna finnst líka að við séum fámennar klíkur sem viljum sölsa undir okkur landið. Það getur svo sem vel verið að félagar í Samút 30.000 talsins séu fámenn klíka. Bjarni bentir enn á að á íslandi sé hvort eð er eingin ósnortin víðerni nema Vatnajökull. Og því sé í raun allt í lagi að hrófla við hálendinu. Það getur vel verið rétt að ekki séu til mörg svæði sem eru ósnotin. Þeim mun mikilvægara að þessi svæði sem þó eru til, sem ekki hefur verið hróflað mikið við fá að njóta vafans.
Framtíðarsýnin er ekki sérlega björt í þessum málaflokki, þegar náttúruverndarsamtök. Sem því miður fá mikið aðgengi að ráðamönnum þjóðarinnar, eru orðin ógn við náttúruna. Náttúruverndarfólk sat í ráðgjafarnefnd umhverfisráðuneytisins. Svo ég árétti það. Og þegar menn einsog Bjarni umhverfissinni eru ornir talsmenn lálendisvæðingar, þá erum við í slæmum málum. Það þarf að fara að hreinsa til og henda þessu mussuliði út úr nefndum og ráðum, enda eru þetta ekkert nema hálf atvinnu mótmælendur af 101 svæðinu. Sem hrópa og kallar er hróflað er hrauni í Hafnafirði.
Þetta hyski sér ekki heildarmyndina, það sér ekki fyrir sér Kjalvegssvæðið og Sprengisand framtíðarinnar, kannski af því að það veit ekki hvernig þetta lítur út í dag. Því finnst í lagi að malbika Sprengisandsleið, fá þjónustumiðstöð í Nýadal og víða.

eru þeir með sig hjá Norðurvegi, þær spurningar sem ég hef sent þeim hafa þeir ekki einu sinni viljað ómaka sig á því að svara þrátt fyrir að ég sé búinn að ýtrka það við þá með tölvupósti.

Ég ættla að opinbera allar þær spurningar sem ég er búinn að senda þeim.
–
Svona er fyrri fyrirspurnin sem ég sendi þeim.
–
Ég er með nokkrar spurningar handa ykkur varðandi uppbyggingu á Kjalveginum.
–
1. Hvernig fer fyrir þeim sem vilja ferðast um Kjöl og allt það svæði í kring, svosem að komast í kerlingafjöll og þar áfram yfir í Setur, eða þá sem vilja fara upp í Hvítárnes eða komast í fjallaskálan Árbúðir já og við skulum ekki gleyma Hveravöllum. verður hægt að komast á þessa staði ÁN þess að þurfa að borga eitthvað veggjaldi fyrir einhvern uppbygðan hálendisveg sem að mjög margir vilja ekki sjá.
–
2. Hvernig er með umhverfisjónarmið. ég get ekki sagt að það verði annað en mikil og ljót sjónmengun af svona vegi.
–
3. Hvernig ættlið þið að tryggja að það verði hægt að ferðast óhindrað um kjalsvæðið og að menn þurfa ekki að borga einhver veggjöld.
–
Hérna er sú seinni
–
Sælir verið þið hjá Norðurvegi núna er ég farin að bíða eftir því að þið komið með greinargott svar við fyrirspurninni sem ég sendi ykkur.
–
Og núna er ég með fleirri spurningar sem að mig vantar svör við.
–
1. Hvernig ættlið þið að bæta bændum það sem eiga jarðir við t.d. biskupstungnabraut það tjón sem þeir verða fyrir vegna aukinar umferðar.
–
2. Hver á að tryggja öryggi fólksins í kringum Geysir og Gullfoss vinsælustu ferðamannastaði landsins fyrir aukinni umferð og tala ég nú ekki um stórra 44 tonna bíla sem þið ættlið ykkur að beina inn á svæðið.
–
3. Hver á að bera þann kostnað sem til verður vegna aukins umferðarálags á biskupstungnabraut (sveitarvegur sem er ekki gerður fyrir þungaumferð).
–
4. Hvernig ættlið þið að tryggja öryggi fólks sem sem mun fara um kjöl, getur verið allt að 100 km í næsta símasamband ef slys ber að höndum.
–
Enn hafa ekki borist svör við þessum spurningum mínum og er maður mikið farin að velta því fyrir sér hvað þeir eru eiginlega að spá

Kv AddiKr

Hef nú ferðast töluvert um Noreg, bæði á bíl og tveimur jafnfljótum, og það er einn stór munur á Íslandi og Noregi. Á Íslandi eru óbyggðir, en í Noregi eru bara þjóðgarðar og heiðar. Verst er að þessi sérstaða okkar ástsæla lands verði horfin eftir svona 10-20 ár.

Einnig grátlegt að sjá í Noregi hvernig allir flottu fossarnir þeirra eru vatnslausir, og þjóðgarðsmörkinn eru dregin af áhrifasvæðum virkjananna sem umlíkja þá. Þeir hafa svo sem ekki mikið val, enda raforkuskortur töluverður þarna (og landinn kyndir húsin sín með timbri, eins umhverfisvænt og bruni þess nú er).

kv
Rúnar

Þessi framkvæmd mun ekki koma til mað hafa nein áhrif á vegalend milli Reykjavíkur og Hveragerðis.

Kv AddiKr

Norðurvegur myndi skera friðlandið Guðlaugstungum í miðju

SUNN, Samtök um náttúruvernd á Norðurlandi, álykta um áform Norðurvegar ehf.:

Norðurvegur, eins og hann hefur verið kynntur frá hendi fyrirtækisins Norðurvegar ehf, er fráleit hugmynd. Það sem eitt og sér útilokar slíkan veg er að veglína hans sker í miðju Friðlandið í Guðlaugstungum sem var friðlýst með reglugerð í desember 2005.
SUNN leggjast auk þess gegn áformum um gerð Norðurvegar um Kjöl frá Gullfossi að Silfrastöðum í Skagafirði af eftirfarandi ástæðum:
* Framkvæmd þessi er í hróplegu ósamræmi við hugmyndir um lítt snortin víðerni á hálendi Íslands og þá upplifun sem ferðalag í óbyggðum milli jökla veitir ferðafólki. Endurbætur á núverandi vegi um Kjöl koma vel til greina ef þær framkvæmdir falla að landinu.
* Sú stytting sem næst með þessari vegtengingu milli Reykjavíkur og Akureyrar er ekki nema um 22 km, sé tekið tillit til styttinga sem áformaðar eru á hringveginum á næstu árum, auk þess sem vegur, sem á meirihluta leiðarinnar er yfir 500 metra yfir sjávarmáli, er varhugaverður að vetrarlagi.
* Gerð vegarins er í andstöðu við skoðanir sérfræðinga Vegagerðarinnar um uppbyggingu þjóðvegakerfisins og samrýmist ekki framkominni samgönguáætlun samgönguráðherra fyrir árin 2007-2018, þar sem lögð er megináhersla á að bæta samgöngur milli byggðakjarna og styrkja núverandi hringveg, einkum á leiðinni Reykjavík-Akureyri (sbr. Framkvæmdafréttir Vegagerðarinnar, 5. tbl., 2005).
* Veglínan sem Norðurvegur leggur fram er ný mestalla leiðina, bæði um hálendið og á leiðinni upp úr Skagafirði, þar sem hún fer yfir verðmæt landsvæði, m.a. votlendi. Það er helber ósvífni af hálfu stjórnarformanns Norðurvegar að halda því fram að tveggja til þriggja metra hár vegur sé afturkræf framkvæmd. Dettur einhverjum heilvita manni í hug að slíkum vegi verði ekið aftur í námur?
* Gjaldtaka á vegum upp á eða um hálendið yrði alvarleg aðför að umgengnisrétti almennings að hálendinu.

Stjórn SUNN, 14. febrúar 2007

[url=http://www.trigger.is/files/Kjalvegur-SUNN-140207.pdf:3abggy9r]PDF útgáfa með korti[/url:3abggy9r].

Mér sýnist tónninn í þessu öllu saman vera í takt við þá náttúrustefnu sem stór hluti þjóðarinnar er að snúast á, meirihluti landsmanna er á móti veginum, ég get ekki séð með nokkru móti að svona vegur kæmist í gegnum umhverfismat með góða umsögn, kapítalistarnir í sjálfstæðisflokknum þora ekki að gefa þessu go, öll ferðafélög og náttúruverndarfélög hafa ályktað gegn veginum þó margir hafi sagt að viðgerðir á núverandi vegi kæmu vel til greina (sem ég sé ekki endilega sem slæmann hlut, fer eftir því hvað er átt við.) þannig að mér sýnist við náttúruunnendur komum til með að sigra þetta mál, og ef þetta kemst á hættulegt stig að þá þurfum við bara að blása í herlúðra og mótmæla kröftuglega.
Kv Axel Sig…

Rétt, það var örugglega í tengslum við yfirlýsingu SUNN, það er kort á bls 2 í PDF skjalinu sem ég vísaði á sem sýnir veginn og Guðlaugstungur. Á sama korti sést líka hvar nýi vegurinn fer yfir þann gamla. Sýnist á öllu að þetta sé kort frá NV sjálfum sem búið er að setja grænt inn á fyrir Guðlaugstungur.

bíddu nú við hvernig getur þú hrósað norðurvegi fyrir að leyfa umræðum um þetta málefni… Það er einmitt það sem ég er ósáttastur með þetta helvítis rugl í þeim að heimasíðan þeirra sýnir einungis jákvæð viðbrögð aðila á forsíðunni hjá þeim og nóg af þeim, allt sem kemur í fjölmiðla er apað upp þarna, en hvergi pósta þeir neikvæðu gagnrýninni eða leyfa umræðu um veginn á síðunni hjá sér, þetta er einhliða áróður og ekkert annað, vill ekki heyra eitthvað bull um að þeir séu að leyfa umræður, þó menn tali um þetta í þjóðfélaginu að þá er það ekki það sama og ef þeir myndu pósta öllum kommentum um veginn á síðuna hjá sér, góð og slæm.Þ etta er ekkert nema einhliða umræða sem mér er mjög illa við.
Axel Sig…

Þetta fer nú að verða meiri og meiri sápuóperan hjá þeim Norður-bullsmönnum. Það sem mér finnst merkilegast í þessari umræðu er, að farið er frjálslega með staðreyndir. Og málflutningur mótsagnakenndur. Samanber það sem ég benti á hér að ofan. Þar sem annað hvort stjórnarformaður Norðurvegs er að segja satt, um að enginn skil verði á Kjalvegi. En hinsvegar heldur Kjartan Ólafsson öðru fram í Fréttablaðinu. Sennilega er hér ekki um beina ósannsögli að ræða, heldur aðeins það að hægri höndin veit ekkert hvað sú vinstri er að gera. Það er svona í karakter við allt málið. En í gegnum feril Kjalvegsmálsins, hafa Norðurvegsmenn látið popolista ráða för. Og hefur grunnhyggja verið höfð að leiðarljós, og þar hafa Norðurvegsmenn gengið út frá því að fólk sé fífl. En einhvernvegin hefur málið snúist í höndunum á þeim. T,d gleymdu snillarnir alveg friðlandinu í Guðlaugstungum. Ég held líka að þeir hafi gleymt öllum þessum stór ám, sem þeir ætla að brúa fyrir nokkur hundruð miljónir, nema það eigi að nota til þess gamlar flotbrýr frá kananum ?.
Athyglisverðast finnst mér samt í þessu öllu er að ÞINGMANNINUM Kjartani Ólafssyni ber ekki saman við stjórnarformann Norðurvegs, með skil á veginum.
Annað athyglisver finnst mér að í uppafi Kjalvegsmálsins, þ.a.s á kynningarfundum var hamrað á því að með tilkomu Kjalvegs, kæmi umferð til með að aukast umtalsvert, og það væri lögmál nýrra vega. Og var þessu varpað fram til þess að sannfæra fjárfesta og banka um ágæti hugmyndarinnar, að öllum líkindum. Nú ber hinsvegar svo við að nú blaðra Norðurvegsmenn um það, hversu góð umhverfisáhrif sé af veginum, vegna styttingu milli norður og suðurlands. Þarna átti sem sé að reyna að slá ryki í augu umhverfissinna.
Einnig minnir mig að það hafi verið talað heldur frjálslega um h.y.s á Kjalvegi. En Kjalvegur nær yfir 700 metra hæð. Þetta hafa svo einhverjir borið saman við vegi í Noregi ( vá af hverju ekki vegi á Chile eða Colombíu ). Einnig hafa bullustamparnir borið veginn saman við veginn yfir Möðrudalsöræfi, sem er mun lægri. Samt er sá vegur oft til vandræða og held ég að Vill félagi okkar í Möðrudal. Hafi farið ófáar ferðirnar til þess að redda ferðafólki á veginum. Og veit ég ekki hvernig ástandið gæti orðið á Kjalvegi. Ef skylli á slæmt veður og 100-200 fólksbílar væru þar á ferðinni. En svoleiðis gerist nú bara. Sérstaklega vegna þess að venjulegt 101 lið er löngu hætt að horfa á veðrið í sjónvarpinu. Þeir einu sem liggja yfir slíkum þáttum eru við, bændur og sjóarar, og nokkrir sérvitringar. Jæja nóg af bulli í bili svo maður verði ekki sjanghæjaður í Norðurvegsgengið.

Aksturstölur Kjalvegur á tímabilinu Júní-September óku 70 bílar daglega Kjöl.
Árs meðaltalið er hinsvegar 26 bílar á dag.

Kv Ofsi ( ps kaupum Kjalveg )

Langaði bara að eiga hundraðasta innleggið… :þ