This topic contains 116 replies, has 1 voice, and was last updated by 
-
Topic
-
Sáuð þið fréttir á stöð 1 áðan, við vissum að menn væru að skoða það að búa til nýjan kjalveg EN AÐ RUKKA 2000 KALL í vegtoll URRRRRR!
-
Replies
-
Ef ég bið t.d. MapSource með götukorti að rúta mér frá Reykjavík til Reyðarfjarðar annars vegar (629km) og hins vegar til Egilsstaða (635km) og bið um "shortest distance" fara báðar leiðir öfugan hring á Hringveginum og hvergi nærri fyrirhuguðu vegstæði Norðurvegsmanna… Þannig að þetta er allskostarmagnaður vegur! Sem hefur áhrif á vegalengdir víðsfjarri. Ætli það verði svarthol með reglulegu millibili á veginum til að sveigja tíma og rúm?
Samkvæmt sama korti er Rvk – Ak 387km en með að þvinga mann á núverandi Kjalveg með viðkomu á Geysi (pylsa og kók). Og m.v. að nýja leiðin eigi að verða 341km þarf að taka ansi mikið til á núverandi Kjalvegi til að takast það, erum við að tala um beina línu? Samkvæmt síðu NV á að takmarka umhverfis áhrif með að aka öllu efni í veginn en ekki taka það á staðnum (ósamræmi við aðrar fréttir) og það er ekki samræmi milli þess sem sagt er um hvort vegurinn verði í núverandi vegastæði eða nýju. M.v. hversu langur gamli vegurinn er og sú stytting sem á að verða á Ak-Rvk finnst mér ólíklegt að NV verði lagður ofan í gamla veginn.
Svo í ofanálag verður vegurinn heið-bleikur og með Bónus-grísnum á 500m fresti til að tryggja stuðning Jóhannesar 😉
Þetta er alltaf sama sagan með svona stórframkvæmdir að það er aldrei leitað til hagsmuna aðila eða annara sem hafa kannski eitthvað um málið að segja. Heldur vaðið áfram og þannig fá menn meiri andstöðu en ella. Mér líst bæði vel og ílla á þetta. Mér líst í sjálfu sér ekki ílla á að fá góðan veg þarna yfir. Tengdafjölskyldan býr í Vík þannig að það er töluverð stytting fyrir fólksbílinn. En þarna er verið að hugsa um rassgatið á sjálfum sér en mér finnst umhverfissjónarmið vega þyngra. En hvað með erlenda ferðamenn sem elska að keyra á þessum off road vegum okkar?
Hvað með umferð yfir Hellisheiði sem er stórvandamál núna?
Hvað með vegi sitthvorumegin við þennan áætlaða veg? Það þarf miklu að breyta báðu megin og á þá Ríkið(við) að hjálpa þessum mönnum að hagnast?
Hvað ætla þessir menn að gera þegar ég kem frá Ingólfsskála og ætla mér inn á Hveravelli? Þarf ég að borga fyrir að snerta þennan veg?
Það eru ýmsar spurningar sem þessir annars ágætu menn hafa sennilega ekki leitað svara við.
Ég veit hvað KEA er að fara með þessu en gjaldtakan er allt of há.
Ég gæti persónulega fallist á svona veg ef við ættum hann þ.e.a.s. Ríkið því nóg borgum við bíleigendur í formi skatta sem ekki fara í vegaframkvæmdir.kv,
HG
Athyglisvert hádegisviðtal við Ómar Ragnarsson á Stöð 2 í dag (6.2.)
[url=http://www.visir.is/apps/pbcs.dll/section?Category=VEFMIDLAR&Template=VefTV&ChannelID=10&ProgID=29600&ProgType=19009&progCItems=0&play=simple:1abl8vo5][b:1abl8vo5]Slóðin á viðtalið[/b:1abl8vo5][/url:1abl8vo5]
..Finnst alveg magnað að enginn hafi komið af stað undirskriftalista til að mótmæla, ekki að það virki
En mér finnst þessi vegur algert kjaftæði og flokkast ég sem "virkjunnarsinni" og tók það á að vera sammála honum Ómari þarna í viðtalinu.
stytting uppá 47 km frá rvk til AK er enganveginn þess virði að eyðileggja þennan veg (já eyðileggja).
"aukið aðgengi að hálendinu" þvílíkt bull! jú jú aðgengið eykst en það bara nennir enginn að fara þangað þegar allt er malbikað og komnir rúllustigar uppí kerlingafjöll!
hvernig væri nú ef að samtökin létu í sér heyra opinberlega? þeas ef það er samstaða innan félagsins.
svo þessi rök með að svona hálendisvegir virki á veturna (borið saman við steingrímsfjararðarheiði) þá yrði þetta lang, lang lengsti hálendisvegur landsins og ekki hægt að líkja þessu við 30-40 km vegspotta yfir einhvern hól. Þetta eru 140 km og langt í hjálp ef menn stranda í miðjum veginum í blindbil á illa búnum fólksbíl (þeas ef ekki verða sjoppur og björgunarsveitir á 50 km millibili)….
urr!
tekur málið fyrir á eftir.
mér er bara skítsama hvort það verði rukkað eða ekki á þennan blessaða veg þetta er fáránleg þróun að gefa einhverju firma hálendið okkar. ef þessir menn fá að gera þennan veg þá er nú spurning hvernar næsti vegur verður lagur mótmælum
Anonymous- Umræður: 0
- Svör: 16404
Saúði þetta viðtal??? a stöð 2….. gæjin var eitt helvitis dollaramerki i framan…… nú er bara nóg komið þetta þarf að stöðva og það strax…. ef íbuar i eyjafirðinum eru að væla yfir að það se svo langt suður geta þeir bara komið sér suður og verið þar…. það er alveg a hreinu að það réttlætir ekkert að þessi halendisvegur verður eyðilagður með malbiki,,,, Þorri þeirra sem að þessu standa eiga flutningabíla sem eru bunir að eyðileggja þjóðvegina okkar og ætla nuna að STELA ja STELA landinu okkar undir veg fyrir flutninga bilana sína og rukka svo okkur fyrir að fara eldgamla og þjóðþekkta þjóðleið þetta er fyrir neðan allar hellur og ef einhver af þessum bönunum inná þingi ætli að samþykja þetta eigum við að fara frammá að þeir segi af ser og og það strax. það væri nær að skikka þá til að lata laga þjóðveginn norður og betrumbæta….. það að skemma halendið fyrir 50 km styttingu er fáranlegt og þeir sem nenna ekki að leggja á sig þessa 50km geta bara dottið niður og drepist…… ef þetta a að vera þróuninn þá endar allt helvitis skerið undir malbiki og eflaust eru einhverjir sem það vilja enda eru það landmorðingjar og ættu ekki að fa að bua her
einn alveg sjóðandi
Hann Ómar okkar á Örkinni siglandi um Hálslón, vegna þess hversu mikið landssvæði fer undir vatn og eyðinleggingu.
Kemur ekki nema sami Ómar og er fylgjandi því að margfallt stærra landssvæði verði eyðinlegt fyrir kjalveg sem auðkífingar Íslands fá að eiga og rukka okkur hin fyrir að aka.
þessi vegur nefnilega með vegöxlum malbiki vatnsfráveitum og öllu tilheyrandi nær yfir helvíti marga ferkílómetra af fallegu hálendi Íslands.
ég held að þú sért að misskilja Ómar, ég lagði allavega þann skilning á skoðanir hans að hann væri mótfallinn uppbyggðum Kjalvegi
Sá Ómar Ragnarsson sem ég sá í sjónvarpsfréttum áðan var á móti þessar framkvæmd. Hann lýsti því hvernig hægt væri að stytta hringveginn milli Akureyrar og Reykjavíkur um 25 km.
-Einar
Þá bið ég Ómar afsökunar á miskilningi mínum, ég horfði á fréttina í svolitlum hávaða og heyrðist hann vera að lofa þessa styttingu á leiðinni.
Þetta þarf að kæfa í fæðingu og það með góðum rökum meira
segja Ómar Ragnars hefur snúist gegn svona gjörningi.
þegar svona framkvæmdir fara af stað þá þarf að gera ráð fyrir bensínstöðvum og það meira segja tveimur. Ég sé fyrir mér eina við Hvítárvatn með kaffiaðstöðu, svo sé ég aðra fyrir mér á Hveravöllum með góða minjagripaverslun, veitinga- og bensínsölu. Ég tók það saman ef þú keyrðir hringinn hversu langt væri á milli bensínstöðva svo ca. það eru um 37 KM á milli bensínstöðva. Ef vegur yrði lagaður yfir Kjöl eins og menn hafa verið að tala um þá er um 43 KM frá Geysi uppað Hvítárvatni. Frá Hvítárvatni að Hveravöllum eru 53 KM og frá Hveravöllum í Varmahlíð eru um 72 KM. sem sýnir það að það má búast við svona bensínstöðvum á hálendinu. Svona vitleysu þarf að stoppa. Tökum höndum saman og reynum að standa sem einn maður gegn þessu í 4×4.
KV,,,MHN
Við litlu kallarnir höfum ekkert að segja í þetta, ekki frekar en með olíuhkkanirnar. Ef þeir ætla að gera veg þá bara gera þeir veg og þetta er bara sá fyrsti??
Mér finnst svolítið skrýtið að ein af rökunum fyrir malbiki yfir kjöl sé það að erlendir ferðamenn vilji það, eða það sé til að auðvelda þeim aðgengi að íslenskri náttúru.
Hvað með það sem við viljum, við Íslendingarnir sem höfum búið hér og notað þessa leið. Höfum við ekkert að segja ef erlendir ferðamenn vilja eitthvað annað. Þó er ég ekkert viss um að erlendir ferðamenn vilji malbikað hálendi, þeim finnst örugglega jafn spennandi og okkur að keyra um í nánast óspiltri nátturu. ( hvort vegslóði teljist til óspiltrar náttúru veit ég þó ekki)
Svo var sagt að við jeppamenn sætum einir að hálendinu, en þeir sem ættu bara fólksbíla fengju ekki tækifæri til að njóta hennar. Held ég að það sé þó frekar þannig að þeir sem hafa áhuga á að njóta hálendissins kaupi sér frekar jeppa, já eða hest, snjósleða mótorhjól nú eða bara gönguskó. Þeir sem hafa engan áhuga á að njóta þess munu hvort eð er ekki gera það á 90 km/klst.
Svo er líka búið að velta upp þeirri hugmynd í fjölmiðlum að banna þungflutninga yfir kjöl, ef nýr vegur yrði byggður, ég held að það sé prýðis hugmynd því þá er verkefnið fallið um sjálf sig. enda er aðal hugmyndinn við þetta að KEA og Bónus geti farið sem stystu leið með vörurnar sínar.
Ég styð hugmyndir Ómars, sem eru þó ekkert nyjar hugmyndir, að stytta og bæta þjóðveg 1, ég kem allavega ekki til með að sakna þess að keyra í gegnum Blönduós. Nú ef það skildi gerast þá hef ég alltaf möguleika á því að fá mér rúnt þangað.
Verndum kjalveg og aðra íslenska fjallaslóða. þeir eru einstakir og er ekki hægt að bæta það tjón sem slík skemmdaverk kunna að hafa í för með sér.
kv. Hilmar Örn
Nokkuð góður punktur hjá Hilmari
Þeir sem fara Kjalveg í dag eru eflaust 95% ferðamenn, og svo mætti segja 5% sem er að fara frá A til B. Þessi 95% eru ekki að sækja í malbikaða trukkabraut, heldur er eitthvað annað sem dregur fólk að. Eins og venjulega getur ferðaþjónusta hundskast í burtu með sitt vesen, enda þurfa merkilegri menn að nota þetta svæði til þungaflutninga, og gera Gullfoss og Geysir að áningastað á leið sinni upp á Kjöl. Líklega vilja þessir herrar að við skattgreiðendur borgum nýjan tengiveg um Gjábakka og Þingvelli, enda Þingvellir stórlega ofmetin staður með ómerkilega sögu og bara flott að fá þungaflutninga þar í gegn. Þessi leið spara örugglega nokkra kílómetra og Þingvöllum, Gullfoss og Geysi ásamt Kjalvegi er alveg fórnandi fyrir það.
Eins þykir mér skrítið að sjá að Fannborg ehf, Páll Gíslason og Gunnar Kvaran í Kerlingafjöllum skuli vera hlutafar í þessu bulli, rekandi sína ferðaþjónustu í Kerlingafjöllum. Fannborg er þar með á öndverðu meiði við aðra sem starfa í ferðaþjónustu og ályktanir SAF. Það getur verið að þeir sjái hag sínum betur borgið í að reka hamborgarasjoppu, en með betri vegum koma aðrir kúnnar sem gera aðrar kröfur um þjónustu, miðað við það sem er í boði núna. Mér þætti allvega sárt að sjá Kerlingafjöll og Hveravelli breytast í Hrauneyjar, þótt ég hafi ekki neitt útá Hrauneyjar að setja, þvert á móti er þetta ágætis staður við malbikaða hraðbraut.
Hlynur
Að svo sögðu félagar, hvað ætlum við að gera? Við vitum að við getum vælt eins og einhverjar rolur hér á netinu eins og ég er að gera EN hvað getum við gert og hvað ætlum við að gera?
Eftir hatrammar deilur sem næstum ullu hjónaskilnaði þá hefur orðið samkomulag á þessum bæ. Hér kemur ein hugmynd að því sem t.d. væri hægt að gera; stofna starfsnefnd sem mun hafa það verkefni að fylgjast með þessu Kjalvegamáli, vera okkar hagsmunaaðili og talsmaður. Þeir sem sæti ættu í þessari nefnd eru einhverjir naglar og skrúfur sem hafa munninn fyrir neðan nefið og ekki endilega öll úr Reykjavíkurhreppi. Endilega að virkja landsbyggðina í svona sérverkefni líka, við erum öll að ferðast um Kjöl! Ef við tökum alla sem eru í 4×4, alls staðar á landinu þá er heldur lítið hlutfall sem er að berjast fyrir hagsmunum okkar, einungis örfáir menn og konur í stjórn. Nú er mál að stjórnin fari að haga sér eins og sannri stjórn sæmir og fari að láta félagsmenn draga vagninn með sér. Það er sorglegt að vita að það séu aðeins fáeinir einstaklingar sem vinna baki brotnu fyrir okkur hin sem sitjum bara fyrir framan tölvuskjáinn og rífum kjaft og vælum.
Ertu þá hér með að bjóða þig fram,í svokallaða Kjalvegsnefnd Benni?Þú passar svo vel við lísinguna,þ.e.a.s ekki í Reykjavíkinni og með munnin fyrir neðan nefið!
einhver hjálp er í mér þá er ég tilbúinn að leggja mitt af mörkum já, hvað með þig?
er nú lítil sem enginn hjálp í mér,einfaldlega vegna þekkingarleysis gagnvart þessu öllu saman hjá mér. Hinsvegar finnst mér gaman að sjá hvað menn eru stundum uppfinningarsamir með það hvað þeim finnst að ætti að gera í málunum.Tek það fram að ég er EKKI að tala um þig sem slíkan né neinn sérstakan! Heldur bara hvað mönnum finnst oft á tíðum sjálfsagður hlutur að aðrir geri hlutina sökum þess að þeir séu í stjórn.Það eru allstaðar menn sem eru kannski betur til þess settir í ákveðna hluti frekar en þeir sem eru í stjórn,(MEÐ FULLRI VIRÐINGU FYRIR STJÓRNINNI)Svo ekki sé nú talað um að ef menn gætu gefið sér tíma til að létta þá undir með stjórninni frekar en að vera sí og æ að ætlast til þess að stjórnin geri hitt og stjórnin geri þetta,og er ekki líka bara nóg annað sem stjórnin er með á sinni könnu? Spyr sá sem ekki veit!
P.s en já ég er líka til í að leggja mitt af mörkonum ef það er einhver hjálp í því,sama hversu mikil eða lítil hún er!
Kv,Ingvar
Þetta mál er á dagskrá hjá stjórn og verður m.a. rætt á félagsfundi í kvöld. Þar mun stjórn bera upp ályktun um málið.
Þannig að nú er um að gera fyrir þá sem áhuga hafa að mæta og láta ljós sitt skína. Og ég minni á að félagsfundir hjá Móðurfélagi í Reykjavík eru öllum félagsmönnum opnir nú sem fyrr.
Benni
You must be logged in to reply to this topic.