Alvarleg misnotkun á myndaalbúmi.

Undir hvaða notandanafni fór sú auglýsing inn?

Kveðja Fastur

Ég hélt einmitt að myndaalbúmið væri til að notendur gætu sett inn ferðamyndir ekki nota það sem sölumarkað fyrir drasl úr skúrnum og gamla bíla.
Sama má segja um nokkra aðila hérna sem eiga við þann slæma ósið að stríða að þurfa að hamast á músatakkanum þangað til að stendur á skjánum "auglýsingin hefur verið send inn" auglýsa 4 sinnum og ýta þarafleiðandi öllum öðrum auglýsingum niður í listanum. Frekar pirrandi.
Og svo til að klára dæmið þá er hér lítill flugustrákur sem á það til að auglýsa frekar stóra auglýsingu, og sundurliða hana svo og auglýsir sama draslið sem enginn vill kaupa í 3 mismunandi auglýsingum í röð.

Nú er ég ekki sammála ykkur. Hvaða máli skiptir hvaða myndir menn setja í SITT myndaalbúm ? Úr því að 4×4 vefurinn er að bjóða notendum upp á þennan möguleika þá skiptir það engu máli af hverju þessar myndir eru. Það fær hver notandi möguleika á ákveðnu plássi undir myndir og ég fæ ekki séð að það skipti nokkru einasta máli hvernig það er notað.

Mér finnst þetta bara mjög sniðugt ef að menn eru að nýta möguleikan á að auglýsa hérna á vefnum og setja svo mynd af því sem þeir eru að selja í albúmið sitt. Þeir taka myndirnar svo væntanlega út þegar hluturinn er seldur.

Benedikt

jaaaaaaa ef menn eru að selja t.d. jeppa þá er mjög sniðugt að setja inn svo sem tvær myndir í albúmið sitt svo að áhugasamir geti séð gripinn á mynd.

Annars finnst mér að ekki ætti að setja inn myndir nema þær séu tengdar jeppum og ferðalögum…….

kv
Agnar

Þetta er nokkuð sérstök umræða. Það er kannski best að einhver taki að sér að ákveða hvaða bílategundir megi sýna í myndaalbúminu og hvað þeir þurfi að vera mikið breyttir til að falla í kramið.

Hó..

Pípist hvað sumir eru miklir snillingar og nenna að troða hinu og þessu inn á heimasíðna okkar. Ég hélt að síðan ætti að vera um jeppa, ferðalög og okkur sjálf.

Að menn skuli nenna að setja inn ca 10 myndir af sama hlutnum sem er til sölu, er bara til skammar og auðvitað mest fyrir þann sem setur inn. Enda eru þetta oftast einhverjir sem eru ekki undir nafni á þessari síðu.

Ef mönnum finnst vænlegt að selja gamlan Galant hér, er örugglega bara nóg að setja eina mynd, jafnvel þessa sömu og hefur birst í DV síðustu 10 árin. Við vitum jú öll hvernig svona Galant lítur út.

Hef komið þeirri skoðun minni á framfæri hér áður, að síðan ætti að vara lokuð öðrum en félagsmönnum, en sennilega er það ekki raunhæft, því þessi síða hefur svo sannarlega náð í nýja félagsmenn. Einnig væri umræðan og virkni síðunnar ekki sú sama ef svo væri.

Þá er bara tvennt í stöðunni:

A. Að loka myndaalbúminu á einhvern máta.
B. Að láta yfirfara allar myndir einu sinni í viku og henda út öllu þar sem ekki á heima í slíku myndaalbúmi.

Báðar þessar hugmyndir kosta vinnu og að mínu viti þarf stjórn að drífa sig í að ákveða eitthvað í þessum málum, því ekki er spennandi að upplifa eftir 3 mánuði, eða 9 mánuði að allt diskapláss er orðið fullt með tilheyrandi veseni.

Kv
Palli

Góðan daginn,
hvernig væri að hafa annað albúm fyrir söluvöru ýmsa þar sem að svona lagað á heima!! Sem að eins og margt sinnis hefur verið ritað "héngi inni 10 daga eða svo eyddist þá sjálfkrafa", þá er hiklaust hægt að henda drasli ef mönnum sýnist svo.
Kveðja Hjörtur og JAKINN.

Góðan dag.
Til þess að menn séu ekki froðufellandi út af þessu mynda albúmi og fleiru hvað eftir annað ættu forsvarsmenn þessarar síðu að fara að vinna í þvi að koma henni í annað og betra form og skoða síður hjá öðrum félögum eins og td. Fornbílaklúbbnum , Kvartmílunni ofl. sem eru með allskonar síður sem mætti öruglega hafa til hliðsjónar við breitingu á síðu 4×4. Menn ættu að skoða síður annara félaga þá sjá þeir hvað ég á við.
Svo ætle ég að benda á síðu sem er barnaland.is sem hentar öruglega mörgum betur en síða 4×4.
Kv. S.B.

Ég tek undir með Skúla og fleirum að bara félagar geti sett inn myndir. Spjallið og auglýsingar er ágætt að hafa opið fyrir alla en þó mætti setja þá reglu að menn skrifuðu undir nafni. Maður er nú að eyða 3900 kalli í eitthvað heimskara en félagsgjald í 4×4.

Hlynur

Ps ef þetta fer í taugarnar á þér arnitc, hættu þá bara að lesa spjallið.

Nú hafa félagsmenn verið að gagnrýna síðuna í umþb 200 pistlum, og hefur gagrýninnnna, beinst að ýmsum þáttum síðunar. Ég vill mynna félagsmenn á það að það kom fram hörð gagnrýni vegna síðunnar á Landsfundinum og ég veit að stjórn 4×4 hefur ekki heldur verið sátt við gang mála. En ekkert gerist þrátt fyrir það. ÞVÍ SPYR ÉG HVER Á SÍÐUNA, eru það ekki þessir tæplega 2000 sem borga félagsgjöld eða er ég að misskilja?’
Jón Snæland.