This topic contains 26 replies, has 1 voice, and was last updated by 
-
Topic
-
Siv Friðleifsdóttir setti fram fyrirspurn á umhverfisráðherra í dag um kortlagningu slóða á hálendinu. Þar komu fram athyglisverðar upplýsingar og var töluvert vitnað í þá vinnu sem hefur verið unnin á vegum LMÍ og 4×4 í þessu. Þetta er umræðuefni sem klúbburinn þarf að vera inni í og fylgja okkar málum vel eftir.
Meira í kvöld.
KV.
Barbara Ósk
-
Replies
-
Það sem pirrar mig mest þegar ég les þennan pistil frá alþingi er það að það mætti halda að það hrikti í stoðum umhverfisráðaneytisins svo stórfellt er þetta utan vega aksturs vandamál. Miðað við bílaeign (torfæru- fjórhjól og grasmótoraeign) landans og þann fjölda sem er að ferðast þá eru þetta örfá undantekningartilfelli. Ég hugsa að það séu fleiri hirtir fyrir ölvunar og fíkniefnaakstur á hálfum mánuði í rvk heldur en eru gripnir fyrir utanvegarakstur á ársgrundvelli (bara mín tilfinning). Ekki það að eitt bæti annað upp .
Það hafa verið slegnar upp myndir í blöðum og fréttum af einhverjum mismunandi meintum utan vega förum/akstri. Korteri seinna er talað um að virkja, línu- eða röravæða sama svæði og þá er það í lagi og telst ekki til "umhverfisspjalla". Þetta er dæmi um áreiti sem að veldur pirringi.
Mér finnst gott að það sé verið að ferla alla slóða og er löngu orðið tímabært að það séu til nákvæmar staðsetningar á vegum/slóðum. Það þarf samt að passa vel upp á það að heilu slóðabálkarnir séu ekki þurrkaðir út. Oft eru sumir slóðar það fáfarnir þannig að það kemur ekki að sök að hafa þá opna. Mín skoðun er sú að slóðinn eigi að fá að njóta vafans. Svo eiga gögnin að vera aðgengileg fyrir þá sem að eru að ferðast þegar þar að kemur.
Kv.stef…
–
p.s. spurning hvort að Jón G(arðar) gæti fengið stefgjöld af nafnabirtingunni… veit ekki.
Ég held einmitt að þessi orðræða endurspegli viðhorf tölvuverðs hluta samfélagsins. Því miður. Það er einmitt sóknarfæri í þessum málum hjá klúbbnum að kynna betur starfsemi og viðhorf klúbbsins og félaga hans, svona einhverskonar fræðsluvinna út á við.
Kv.
Barbara Ósk
D ó m s o r ð
Ákærði Huginn Arnarson er sýkn af kröfum ákæruvaldsins.
Ákærði Ingólfur Finnbogason er sýkn af kröfum ákæruvaldsins.
Málsvarnarlaun verjanda ákærðu, Óskars Sigurðssonar hæstaréttarlögmanns, 381.767 krónur, skulu greidd úr ríkissjóði.
Það er því ekki rétt hjá þér Ofsi, allavega ekki í þessu tilviki að menn hafa þurft að borga fyrir málsvörnina.
kv.
Eiki
Þessar 380000kr eru aðeins laun verjanda og bæta í engu vinnutap og annan kostnað ákærðu.
[url=http://www.f4x4.is/new/forum/default.aspx?file=gpsogleidir/8073:22i8kzta][b:22i8kzta]Hér[/b:22i8kzta][/url:22i8kzta] er hægt að lesa um málið.
kveðja Dagur
Veit einhver hver hugsunin er um hvernig skuli meðhöndla slóða sem munu gleymst í þessu verkefni. Sama á við um nýja slóða sem ekki hafa verið fundnir upp enn.
Ef ég hef skilið þráðinn rétt þá er mikilvægt að allir slóðar verði með strax í upphafi. Er það af því að ekki verður hægt að setja gleymdu slóðana inn í síðar? Það hlýtur að þurfa að viðhalda skráningu á þessu kerfi. Ég auglýsi hér með eftir aðferðafræðinni sem ætlunin er að nota.
Kveðja
Elvar
Eftir að þetta ferli allt saman er á enda verður væntanlega komin einhver skipulagsgögn hjá sveitarfélögum sem sýna hvar sé slóð og hvar ekki. Ef einhver slóð hefur gleymst eða þörf er á að gera nýja slóð þarf væntanlega að fá samþykkta breytingu á skipulagi. Þungt í vöfum en ekki óframkvæmanlegt.
Kv – Skúli
You must be logged in to reply to this topic.